Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 273

सतं-१२, वग्गो- ,सत्तंसत्तं- , उद्देसो-९
नरदेवाणं0 पुच्छा। गोयमा! जहन्नेणं सत्त वाससयाई, उक्कोसेणं चउरासीतिं पुव्वसयसहस्साइं।
धम्मदेवाणं भंते!0 पुच्छा। गोयमा! जहन्नेणं अंतोमुहतं, उक्कोसेणं देसूणा पुव्वकोडी।
देवातिदेवाणं0 पुच्छा। गोयमा! जहन्नेणं बावत्तरि वासाइं, उक्कोसेणं चउरासीइं पुव्वसयसहस्साइं।
भावदेवाणं0 पुच्छा। गोयमा! जहन्नेणं दसवाससहस्साइं, उक्कोसेणं तेतीसं सागरोवमाई।
[५५७] भवियदव्वदेवा णं भंते! किं एगतं पभू विठवित्तए, पुहत्तं पि पभू विउवित्तए? गोयमा! एगत्तं पि पभू विउवित्तए, पुहत्तं पि पभू विठवित्तए। एगत्तं विठव्वमाणे एगिदियरूवं वा जाव पंचिंदियरूवं वा, पुहत्तं विठव्वमाणे एगिंदियरूवाणि वा जाव पंचिंदियरूवाणि वा। ताई संखेज्जाणि वा असंखेज्जाणि वा, संबद्धाणि वा असंबद्धाणि वा, सरिसाणि वा असरिसाणि वा विठव्वंति, विठविता तओ पच्छा जहिच्छियाई कज्जाइं करेंति।
एवं नरदेवा वि, धम्मदेवा वि।
देवातिदेवा णं0 पुच्छा। गोयमा! एगत्तं पि पभू विउव्वित्तए, पुहतं पि पभू विठवित्तए, नो चेव णं संपत्तीए विठव्विंसु वा, विठव्वंति वा, विठव्विस्संति वा।
भावदेवा जहा भवियदव्वदेवा।
[५५८] भवियदव्वदेवा णं भंते! अणंतरं उव्वािता कहिं गच्छंति? कहिं उववज्जंति? किं नेरइएसु उववज्जति, जाव देवेसु उववज्जंति? गोयमा! नो नेरइएसु उववज्जंति, नो तिरि0, नो मणु, देवेसु उववज्जंति।
जइ देवेसु उववज्जति? सव्वदेवेसु उववज्जंति जाव सव्वट्ठसिद्ध ति।
नरदेवा णं भंते! अणंतरं उव्वटिाता0 पुच्छा। गोयमा! नेरइएसु उववज्जति, नो तिरि०, नो मणु0, नो देवेसु उववज्जति।
जइ नेरइएसु उववज्जंति, सत्तसु वि पुढवीसु उववज्जंति।
धम्मदेवा गं भंते! अणंतरं0 पुच्छा। गोयमा! नो नेरइएसु उववज्जंति, नो तिरि0, नो मणु0, देवेसु उववज्जंति।
जइ देवेसु उववज्जंति किं भवणवासि0 पुच्छा। गोयमा! नो भवणवासिदेवेसु उववज्जंति, नो वाणमंतर0, नो जोतिसिय0, वेमाणियदेवेसु उववज्जंति-सव्वेसु वेमाणिएसु उववज्जंति जाव सव्वट्ठसिद्धअणु0 जाव उववज्जति। अत्थेगइया सिझंति जाव अंतं करेंति।
देवातिदेवा अणंतरं उव्वटि ता कहिं गच्छंति? कहिं उववज्जंति? गोयमा! सिज्झंति जाव अंतं करेंति।
भावदेवा णं भंते! अणंतरं उव्वटि ता0 पुच्छा। जहा वक्कंतीए असुरकुमाराणं उव्वटाणा तहा भाणियव्वा।
भवियदव्वदेवे णं भंते! 'भवियदव्वदेवेत्ति कालओ केवचिरं होइ? गोयमा! जहन्नेणं अंतोमुहतं, उक्कोसेणं तिण्णि पलिओवमाइं। एवं जच्चेव ठिई सच्चेव संचिट्ठणा वि जाव भावदेवस्स। नवरं धम्मदेवस्स जहन्नेणं एक्कं समयं, उक्कोसेणं देसूणा पुव्वकोडी।
[दीपरत्नसागर संशोधितः]
[272]
[५-भगवई]