Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 272

सतं-१२, वग्गो- ,सत्तंसत्तं- , उद्देसो-९
भवियदव्वदेवा'।
से केणठेणं भंते! एवं वुच्चइ नरदेवा, नरदेवा'? गोयमा! जे इमे रायाणो चाउरंतचक्कवती उप्पन्नसमत्तचक्करयणप्पहाणा नवनिहिपतिणो समिद्धकोसा बत्तीसरायवरसहस्साणुयातमग्गा सागरवरमेहलाहिपतिणो मणुस्सिंदा, से तेणठेणं जाव 'नरदेवा, नरदेवा'।
से केणठेणं भंते! एवं वुच्चइ धम्मदेवा, धम्मदेवा'? गोयमा! जे इमे अणगारा भगवंतो रियासमिया जाव गुत्तबंभचारी, सेतेणट्टेणं जाव 'धम्मदेवा, धम्मदेवा'।
से केणढेणं भंते! एवं वुच्चइ 'देवातिदेवा, देवातिदेवा'? गोयमा! जे इमे अरहंता भगवंता उप्पन्ननाण-दंसणधरा जाव सव्वदरिसी, सेतेणढेणं जाव देवातिदेवा, देवातिदेवा'।
से केणठेणं भंते! एवं वुच्चइ 'भावदेवा, भावदेवा'? गोयमा! जे इमे भवणवति-वाणमंतरजोतिस-वेमाणिया देवा देवगतिनाम-गोयाई कम्माई वेदेति, से तेणठेणं जाव 'भावदेवा, भावदेवा'।
[५५५] भवियदव्वदेवा णं भंते! कओहिंतो उववज्जंति? किं नेरइएहिंतो उववज्जंति, तिरिक्ख-मणुस्स-देवेहिंतो उववज्जति? गोयमा! नेरइएहिंतो उववज्जति, तिरि-मणु-देवेहिंतो वि उववज्जति। भेदो जहा वक्कंतीए। सव्वेसु उववातेयव्वा जाव अणुत्तरोववातिय ति। नवरं असंखेज्जवासाठयअकम्मभूमग-अंतरदीवग-सव्वट्ठसिद्धवज्जं जाव अपराजियदेवेहिंतो वि उववज्जंति, णो सव्वट्ठसिद्धदेवेहितो उववज्जति।
नरदेवा णं भंते! कओहिंतो उववज्जंति? किं नेरतिय0 पुच्छा। गोयमा! नेरतिएहितो उववज्जंति, नो तिरि०, नो मणु, देवेहिंतो वि उववज्जंति।
जदि नेरतिएहिंतो उववज्जंति किं रयणप्पभापुढविनेरतिएहिंतो उववज्जंति जाव अहेसत्तमापुढविनेरतिएहिंतो उववज्जति? गोयमा! रयणप्पभापुढविनेरतिएहिंतो उववज्जंति, नो सक्कर0 जाव नो अहेसत्तमपुढविनेरतिएहिंतो उववज्जंति।
जड़ देवेहिंतो उववज्जति किं भवणवासिदेवेहिंतो उववज्जंति, वाणमंतर-जोतिसियवेमाणियदेवेहिंतो उववज्जंति? गोयमा! भवणवासिदेवेहिंतो वि उववज्जंति, वाणमंतर0, एवं सव्वदेवेस उववाएयव्वा वक्कंतीभेदेणं जाव सव्वट्ठसिद्ध ति।
धम्मदेवा णं भंते! कओहिंतो उववज्जति किं नेरतिएहिंतो?0 एवं वक्कंतीभेदेणं सव्वेस् उववाएयव्वा जाव सव्वट्ठसिद्ध ति। नवरं तमा-अहेसत्तमा-तेउ-वाउ-असंखेज्जवासाठय-अकम्मभूमगअंतरदीवगवज्जेसु।
देवातिदेवा णं भंते! कतोहिंतो उववज्जंति? किं नेरइएहिंतो उववज्जंति?0 पुच्छा। गोयमा! नेरइएहिंतो उववज्जति, नो तिरि०, नो मण, देवहिंतो वि उववज्जंति।
जति नेरतिएहिंतो एवं तिसु पुढवीस उववज्जंति, सेसाओ खोडेयव्वाओ। जदि देवेहिंतो0, वेमाणिएसु सव्वेसु उववज्जति जाव सव्वट्ठसिद्ध ति। सेसा खोडेयव्वा।
भावदेवा णं भंते! कओहिंतो उववज्जंति?0 एवं जहा वक्कंतीए भवणवासीणं उववातो तहा भाणियव्वो।
[५५६] भवियदव्वदेवाणं भंते! केवतियं कोलं ठिती पन्नता? गोयमा! जहन्नेणं अंतोमुहत्तं, उक्कोसेणं तिण्णि पलिओवमाई।
[दीपरत्नसागर संशोधितः]
[271]
[५-भगवई]