________________
सतं-१२, वग्गो- ,सत्तंसत्तं- , उद्देसो-७
सव्वजीवा णं0 एवं चेव।
अयं णं भंते! जीवे सव्वजीवाणं दासत्ताए पेसत्ताए, भयगत्ताए भाइल्लत्ताए भोगपुरिसत्ताए सीसत्ताए वेसत्ताए उववन्नपुव्वे? हंता, गोयमा! जाव अणंतखुत्तो।
एवं सव्वजीवा वि अणंतखुतो। सेवं भंते! सेवं भंते! ति जाव विहरति।
*बारसमे सए सत्तमो उहेसो समतो.
0 अट्ठमो उद्देसो 0 [५५२] तेणं कालेणं तेणं समएणं जाव एवं वयासी
देवे णं भंते! महड्ढीए जाव महेसक्खे अणंतरं चयं चइत्ता बिसरीरेसु नागेसु उववज्जेज्जा? हंता, उववज्जेज्जा।
से णं तत्थ अच्चियवंदियपूइयसक्कारियसम्माणिए दिव्वे सच्चे सच्चोवाए सन्निहियपाडिहेरे यावि भवेज्जा? हंता, भवेज्जा।
से णं भंते! तओ हिंतो अणंतरं उव्वटिता सिज्झेज्जा बुज्झेज्जा जाव अंतं करेज्जा? हंता, सिज्झेज्जा जाव अंतं करेज्जा।
देवे णं भंते! महड्ढीए एवं चेव जाव बिसरीरेसु मणीसु उववज्जेज्जा? एवं चेव जहा नागाणं।
देवे णं भंते! महड्ढीए जाव बिसरीरेसु रुक्खेसु उववज्जेजा? हंता, उववज्जेज्जा। एवं चेव। नवरं इमं नाणतं- जाव सन्निहियपाडिहेरे लाउल्लोइयमहिते यावि भवेज्जा? हंता, भवेज्जा। सेसं तं चेव जाव अंतं करेज्जा।
[५५३] अह भंते! गोलंगूलवसभे कुक्कुडवसभे मंडुक्कवसभे, एए णं निस्सीला निव्वया निग्गुणा निम्मेरा निप्पच्चक्खाणपोसहोववासा कालमासे कालं किच्चा इमीसे रयणप्पभाए पुढवीए उक्कोससागरोवमठितीयंसि नरगंसि नेरतियत्ताए उववज्जेज्जा? समणे भगवं महावीरे वागरेति-- 'उववज्जमाणे उववन्ने'त्ति वत्तव्वं सिया।
अह भंते! सीहे वग्घे जहा ओसप्पिणिउद्देसए जाव परस्सरे, एए णं निस्सीला0 एवं चेव जाव वत्तव्वं सिया।
अह भंते! ढंके कंके विलए मदुए सिखी, एते णं निस्सीला0 सेसं तं चेव जाव वत्तव्वं सिया। सेवं भंते! सेवं भंते! ति जाव विहरइ।
*बारसमे सए अठमो उहेसो समतो*
0 नवमो उद्देसो 0 [५५४] कतिविहा णं भंते! देवा पन्नता? गोयमा! पंचविहा देवा पन्नता, तं जहाभवियदव्वदेवा, नरदेवा, धम्मदेवा, देवातिदेवा, भावदेवा।
से केणठेणं भंते! एवं वुच्चति 'भवियदव्वदेवा, भवियदव्वदेवा' ? गोयमा! जे भविए पंचेंदियतिरिक्खजोणिए वा मणुस्से वा देवेसु उववज्जितए, सेतेणढेणं गोयमा! एवं वुच्चइ भवियदव्वदेवा,
[दीपरत्नसागर संशोधितः]
[270]
[५-भगवई]
