________________
सतं-१२, वग्गो- ,सत्तंसत्तं- , उद्देसो-७
एगमेगंसि निरयावसंसि0 सेसं जहा रयणप्पभाए।
अयं णं भंते! जीवे चोयट्ठीए असुरकुमारावाससयसहस्सेसु एगमेगंसि असुरकुमारावासंसि पुढविकाइयत्ताए जाव वणस्सतिकाइयत्ताए देवत्ताए देवित्ताए आसण-सयण-भंडमत्तोवगरणत्ताए उववन्नपुव्वे? हंता, गोयमा! जाव अणंतख्तो।
सव्वजीवा वि णं भंते!0 एवं चेव। एवं जाव थणियकुमारेसु नाणतं आवासेस, आवासा पुव्वभणिया। अयं णं भंते! जीवे असंखेज्जेसु पुढविकाइयावाससयसहस्सेसु एगमेगसि पुढविकाइयावासंसि पुढविकाइयत्ताए जाव वणस्सतिकाइयत्ताए उववन्नपुव्वे? हंता, गोयमा! जाव अणंतखुत्तो। एवं सव्वजीवा वि। एवं जाव वणस्सतिकाइए।
अयं णं भंते! जीवे असंखेज्जेसु बेंदियावाससयसहस्सेसु एगमेगसि बेंदियावासंसि पुढविकाइयत्ताए जाव वणस्सतिकाइयत्ताए बेंदियत्ताए उववन्नपुव्वे? हंता, गोयमा! जाव खुतो।
सव्वजीवा वि णं0 एवं चेव।
एवं जाव मणुस्सेसु। नवरं तेंदिएसु जाव वणस्सतिकाइयत्ताए तेंदियत्ताए, चरिंदिएसु चठरिंदियत्ताए, पंचिंदियतिरिक्खजोणिएसु पंचिंदियतिरिक्खजोणियत्ताए, मणुस्सेसु मणुस्सत्ताए0 सेसं जहा बेंदियाणं।
वाणमंतर-जोतिसिय-सोहम्मीसाणे[?सु] य जहा असुर-कुमाराणं।
अयं णं भंते! जीवे सणंकुमारे कप्पे बारससु विमाणावाससयसहस्सेसु एगमेगंसि वेमाणिय आवासंसि पुढविकाइयत्ताए0 सेसं जहा असुरकुमाराणं जाव अणंतखुत्तो। नो चेव णं देवित्ताए।
एवं सव्वजीवा वि। एवं जाव आणय-पाणएसु। एवं आरणच्चुएसु वि। अयं णं भंते! जीवे तिसु वि अट्ठारसुत्तरेसु गेवेज्जविमाणावाससएसु० एवं चेव।
अयं णं भंते! जीवे पंचसु अणुत्तरविमाणेसु एगमेगंसि अणुतरविमाणंसि पुढवि० तहेव जाव अणंतखुतो, नो चेव णं देवत्ताए वा, देवित्ताए वा।
एवं सव्वजीवा वि।
अयं णं भंते! जीवे सव्वजीवाणं माइताए पितिताए भाइत्ताए भगिणिताए भज्जत्ताए पुत्तत्ताए धूयत्ताए सुण्हत्ताए उववन्नपुव्वे? हंता, गोयमा! असई अदुवा अणंतखुतो।
सव्वजीवा णं भंते! इमस्स जीवस्स माइताए जाव उववन्नपुव्वा? हंता, गोयमा! जाव अणंतखुतो।
अयं णं भंते! जीवे सव्वजीवाणं अरित्ताए वेरियत्ताए घायत्ताए वहताए पडिणीयत्ताए पच्चामित्तताए उववन्नपुव्वे? हंता, गोयमा! जाव अणंतख्तो।
सव्वजीवा वि णं भंते!0 एवं चेव।
अयं णं भंते! जीवे सव्वजीवाणं रायत्ताए जुगरायत्ताए जाव सत्थवाहत्ताए उववन्नपुव्वे? हंता, गोयमा! असई जाव अणंतखुत्तो। [दीपरत्नसागर संशोधितः]
[269]
[५-भगवई
