Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 269

सतं-१२, वग्गो- ,सत्तंसत्तं- , उद्देसो-७
कामभोगे पच्चणुभवमाणा विहरंति। सेवं भंते! सेवं भंते! ति भगवं गोयमे समणं भगवं महावीरं जाव विहरति।
*बारसमे सए छट्ठो उद्देसो समत्तो *
0 सत्तमो उद्देसो 0 [५५०] तेणं कालेणं तेणं समएणं जाव एवं वयासी
केमहालए णं भंते ! लोए पन्नते ? गोयमा! महतिमहालए लोए पन्नत्ते; पुरत्थिमेणं असंखेज्जाओ जोयणकोडाकोडीओ, दाहिणेणं असंखिज्जाओ एवं चेव, एवं पच्चत्थिमेण वि, एवं उत्तरेण वि, एवं उड्ढं पि, अहे असंखेज्जाओ जोयणकोडाकोडीओ आयाम-विक्खंभेणं।
एयंसि णं भंते! एमहालयंसि लोगंसि अत्थि केइ परमाणुपोग्गलमेते वि पएसे जत्थ णं अयं जीवे न जाए वा, न मए वा वि? गोयमा! नो इणढे समठे।
से केणठेणं भंते! एवं बच्चइ एयंसि णं एमहालयंसि लोगंसि नत्थि केयी परमाणुपोग्गलमेते वि पएसे जत्थ णं अयं जीवे ण जाए वा न मए वावि'? गोयमा! से जहानामए केयि पुरिसे अयासयस्स एणं महं अयावयं करेज्जा; से णं तत्थ जहन्नेणं एक्कं वा दो वा तिण्णि वा, उक्कोसेणं अयासहस्सं पक्खिवेज्जा; ताओ णं तत्थ पठरगोयराओ पठरपाणियाओ जहन्नेणं एगाहं वा दुयाहं वा तियाहं वा, उक्कोसेणं छम्मासे परिवसेज्जा, अत्थि णं गोयमा! तस्स अयावयस्स केयि परमाणुपोग्गलमेते वि पएसे जे णं तासिं अयाणं उच्चारेण वा पासवणेण वा खेलेण वा सिंघाणएण वा वंतेण वा पितेण वा पूएण वा सुक्केण वा सोणिएण वा चम्मेहि वा रोमेहि वा सिंगेहि वा खुरेहिं वा नहेहिं वा अणोक्कंतपुव्वे भवति? णो इणठे समठे'। होज्जा वि णं गोयमा! तस्स अयावयस्स केयि परमाणुपोग्गलमेते वि पएसे जे णं तासिं अयाणं उच्चारेण वा जाव नहेहिं वा अणोक्कंतपव्वे नो चेव णं एयंसि एमहालयंसि लोगंसि लोगस्स य सासयभावं, संसारस्स य अणादिभावं, जीवस्स य निच्चभावं कम्मबह्तं जम्मण-मरणबाहुल्लं च पडुच्च नत्थि केयि परमाणपोग्गलमेते वि पएसे
जत्थ णं अयं जीवे न जाए वा, न मए वा वि। सेतेणढेणं तं चेव जाव न मए वा वि।
[५५१] कति णं भंते! पुढवीओ पन्नताओ? गोयमा! सत्त पुढवीओ पन्नताओ, जहा पढमसए पंचमउद्देसए तहेव आवासा ठावेयव्वा जाव अणुत्तरविमाणे ति जाव अपराजिए सव्वट्ठसिद्धे।
अयं णं भंते! जीवे इमीसे रतणप्पभाए पुढवीए तीसाए निरयावाससयसहस्सेसु एगमेगंसि निरयावासंसि पुढविकाइयत्ताए जाव वणस्सइकाइयत्ताए नरगत्ताए नेरइयत्ताए उववन्नपुवे? हंता, गोतमा! असतिं अदुवा अणंतखुतो।
सव्वजीवा वि णं भंते! इमीसे रयणप्पभाए पुढवीए तीसाए निरया० तं चेव जाव अणंतखुत्तो।
अयं णं भंते! जीवे सक्करप्पभाए पुढवीए पणवीसाए0 एवं जहा रयणप्पभाए तहेव दो आलावगा भाणियव्वा। एवं जाव धूमप्पभाए।
अयं णं भंते! जीवे तमाए पुढवीए पंचूणे निरयावाससयसहस्से एगमेगंसि0 सेसं तं चेव। अयं णं भंते! जीवे अहेसत्तमाए पुढवीए पंचसु अणुतरेसु महतिमहालएसु महानिरएसु
[दीपरत्नसागर संशोधितः]
[268]
[५-भगवई