Page Text
________________
सतं-१, वग्गो- ,सतंसतं- , उद्देसो-८
[८६] एगंतपंडिए णं भंते! मणुस्से किं नेरइयाउयं पकरेइ? जाव देवाउयं किच्चा देवलोएसु उववज्जति? गोयमा! एगंतपंडिए णं मणुस्से आउयं सिय पकरेति, सिय नो पकरेति। जइ पकरेड़ नो नेरइयाउयं पकरेइ, नो तिरियाऽयं पकरेइ, नो मणुस्साउयं पकरेइ, देवाऽयं पकरेइ। नो नेरइयाउयं किच्चा नेरइएसु उववज्जइ,णो तिरि०,णो मणुस्सा., देवाउयं किच्चा देवेसु उववज्जति।
से केणढेणं जाव देवाऽयं किच्चा देवेसु उववज्जति? गोयमा! एगंतपंडितस्स णं मणुस्सस्स केवलमेव दो गतीओ पन्नायंति, तं जहा-अंतकिरिया चेव,कप्पोववतिया चेव। से तेणठेणं गोतमा! जाव देवाउयं किच्चा देवेसु उववज्जति।
बालपंडिते णं भंते! मणुस्से किं नेरइताउदं पकरेति जाव देवाऽयं किच्चा देवेसु उववज्जति? गोयमा! नो नेरइयाउयं पकरेति जाव देवाऽयं किच्चा देवेसु उववज्जति। से केणढेणं जाव देवाउयं किच्चा देवेसु उववज्जति? गोयमा! बालपंडिए णं मणुस्से तहारुवस्स समणस्स वा माहणस्स वा अंतिए एगमवि आरियं धम्मियं सुवयणं सोच्चा निसम्म देसं उवरमति, देसं नो उवरमइ, देसं पच्चक्खाति, देसं णो पच्चक्खाति; से णं तेणं देसोवरम-देसपच्चक्खाणेणं नो नेरइयाउयं पकरेति जाव देवाऽयं किच्चा देवेस उववज्जति। से तेणठेणं जाव देवेसु उववज्जइ।
[८७] पुरिसे णं भंते! कच्छंसि वा, दहंसि वा, उदगंसि वा, दवियंसि वा, वलयंसि वा, नूमंसि वा, गहणंसि वा, गहणविदग्गंसि वा, पव्वतंसि वा, पव्वतविदग्गंसि वा, वणंसि वा, वणविद्ग्गंसि वा, मियवित्तीए मियसंकप्पे मियपणिहाणे मियवहाए गंता एते मिए'त्ति काउं अन्नयरस्स मियस्स वहाए कूड-पासं उद्दाइ ततो णं भंते! से पुरिसे कतिकिरिए? गोयमा! जावं च णं से पुरिसे कच्छंसि वा, जाव कूडपासं उद्दाइ तावं च णं से पुरिसे सिय तिकिरिए, सिय चकिरिए, सिय पंचकिरिए।
से केणठेणं भंते! एवं वुच्चति 'सिय तिकिरिए, सिय चकिरिए, सिय पंचकिरिए'? गोयमा! जे भविए उद्दवणयाए, णो बंधणयाए, णो मारणयाए, तावं च णं से पुरिसे काइयाए अहिगरणियाए पादोसियाए तीहिं किरियाहिं पुठे। जे भविए उद्दवणयाए वि बंधणयाए वि, णो मारणयाए तावं च णं से पुरिसे काइयाए अहिगरणियाए पाओसियाए पारियावणियाए चउहिं किरियाहिं पुढें। जे भविए उद्दवणयाए वि बंधणयाए वि मारणयाए वि तावं च णं से पुरिसे काइयाए जाव पाणातिवातकिरियाए पंचहिं किरियाहिं पुढें। से तेणढेणं जाव पंचकिरिए।
[८८] पुरिसे णं भंते! कच्छंसि वा जाव वणविदुग्गंसि वा तणाई ऊसविय ऊसविय अगणिकायं निसिरइ तावं च णं भंते! से पुरिसे कतिकिरिए? गोयमा! सिय तिकिरिए सिय चकिरिए सिय पंचकिरिए। से केणठेणं? गोतमा! जे भविए उस्सवणयाए तिहिं; उस्सवणयाए वि निसिरणयाए वि, नो दहणयाए चउहिं; जे भविए उस्सवणयाए वि निसिरणयाए वि दहणयाए वि तावं च णं से पुरिसे काइयाए जाव पंचहिं किरियाहिं पुढें। से तेणढेणं गोयमा!०।
[८९] पुरिसे णं भंते! कच्छंसि वा जाव वणविदुग्गंसि वा मियवित्तीए मियसंकप्पे मियपणिहाणे मियवहाए गंता एए मिये' त्ति काउं अन्नयरस्स मियस्स वहाए उसुं निसिरइ, ततो णं भंते! से पुरिसे कतिकिरिए? गोयमा! सिय तिकिरिए, सिय चउकिरिए, सिय पंचकिरिए। से केणठेणं? गोयमा! जे भविए निसिरणयाए तिहिं; जे भविए निसिरणयाए वि विद्धंसणयाए वि, नो मारणयाए चउहिं; जे भविए निसिरणयाए वि विद्धंसणयाए वि मारणयाए वि तावं च णं से पुरिसे जाव पंचहिं किरियाहिं पुठे। से
[दीपरत्नसागर संशोधितः]
[26]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |