Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 25

सतं-१, वग्गो - ,सत्तंसत्तं- , उद्देसो-७
आहारेति, आहारिज्जमाणे आहारिए, परिणामिज्जमाणे परिणामिए, पहीणे य आठए भवइ, जत्थ उववज्जति तमाउयं पडिसंवेदेति, तं जहा-तिरिक्खजोणियाउयं वा मणुस्साउयं वा? हंता, गोयमा! देवे णं महिड्ढीए जाव मणुस्साउगं वा।
[८] जीवे णं भंते! गभं वक्कममाणे किं सइंदिए वक्कमति, अणिदिए वक्कमति? गोयमा! सिय सइंदिए वक्कमइ, सिय अणिदिए वक्कमइ। से केणढेणं? गोयमा! दव्विंदियाई पडुच्च अणिदिए वक्कमति, भाविंदियाई पडुच्च सइंदिए वक्कमति, से तेणढेणं०।
जीवे णं भंते! गब्भं वक्कममाणे किं ससरीरी वक्कमइ? असरीरी वक्कमइ? गोयमा! सिय ससरीरी वक्कमति, सिय असरीरी वक्कमति। से केणढेणं? गोयमा! ओरालिए-वेठब्विय-आहारयाई पडुच्च असरीरी वक्कमति, तेया-कम्माई पइच्च ससरीरी वक्कमति; से तेणठेणं गोयमा!
जीवे णं भंते! गब्भं वक्कममाणे तप्पढमताए किमाहारमाहारेति? गोयमा! माउओयं पिठसुक्कं तं तदुभयसंसिलैं कलुस किव्विसं तप्पढमताए आहारमाहारेति।
जीवे णं भंते! गभगए समाणे किमाहारमाहारेति? गोयमा! जं से माता नाणाविहाओ रसविगतीओ आहारमाहारेति तदेक्कदेसेणं ओयमाहारेति।
जीवस्स णं भंते! गब्भगतस्स समाणस्स अत्थि उच्चारे इ वा पासवणे इ वा खेले इ वा सिंघाणे इ वा वंते इ वा पित्ते इ वा? णो इणढे समठे। से केणढेणं? गोयमा! जीवे णं गब्भगए समाणे जमाहारेति तं चिणाइ तं सोतिदियत्ताए जाव फासिंदियत्ताए अट्ठि-अद्विमिंज-केस-मंसु-रोम-नहत्ताए, से तेणढेणं०।
जीवे णं भंते! गब्भगते समाणे पभू महेणं कावलियं आहारं आहारित्तए? गोयमा! णो इणठे समठे। से केणठेणं? गोयमा! जीवे णं गब्भगते समाणे सव्वतो आहारेति, सव्वतो परिणामेति, सव्वतो उस्ससति, सव्वतो निस्ससति, अभिक्खणं आहारेति, सव्वतो परिणामेति, सव्वतो उस्ससति, सव्वतो निस्ससति, अभिक्खणं आहारेति, अभिक्खणं परिणामेति, अभिक्खणं उस्ससति, आहच्च नीससति। मातुजीवरसहरणी पुत्तजीवरसहरणी मातुजीवपडिबद्धा पुत्तजीवं फुडा तम्हा आहारेइ, तम्हा परिणामेति, अवरा वि य णं पुत्तजीवपडिबद्धा माउजीवफुडा तम्हा चिणाति, तम्हा उचिणाति; से तेणट्टेणं. जाव नो पभू मुहेणं कावलिकं आहारं आहारित्तए।
कति णं भंते! मातिअंगा पण्णता? गोयमा! तओ मातियंगा पण्णता। तं जहा-मंसे सोणिते मत्थुलुंगे।
कति णं भंते! पितियंगा पण्णत्ता? गोयमा! तओ पेतियंगा पण्णत्ता। तं जहा-अट्ठि अट्ठिमिंजा केस-मंसु-रोम-नहे।
अम्मापेतिए णं भंते! सरीरए केवइयं कालं संचिट्ठति? गोयमा! जावतियं से कालं भवधारणिज्जे सरीरए अव्वावन्ने भवति एवतियं कालं संचिट्ठति, अहे णं समए समए वोक्कसिज्जमाणे २ चरमकालसमयंसि वोच्छिन्ने भवइ।
[८४] जीवे णं भंते! गब्भगते समाणे नेरइएसु उववज्जेज्जा? गोयमा! अत्थेगइए उववज्जेज्जा, अत्थेगइए नो उववज्जेज्जा।
से केणठेणं? गोयमा! से णं सन्नी पंचिंदिए सव्वाहिं पज्जतीहिं पज्जत्तए वीरियलद्धीए
[दीपरत्नसागर संशोधितः]
[24]
[५-भगवई