Page Text
________________
सतं-१, वग्गो - ,सत्तंसत्तं- , उद्देसो-७
0 सत्तमो उद्देसो0 [७९] नेरइए णं भंते! नेरइएसु उववज्जमाणे किं देसेणंदेसं उववज्जति, देसेणं सव्वं उववज्जति, सव्वेणंदेसं उववज्जति, सव्वेणंसव्वं उववज्जति ? गोयमा! नो देसेणंदेसं उववज्जति, नो देसेणं सव्वं उववज्जति, नो सव्वेणंदेसं उववज्जति, सव्वेणंसव्वं उववज्जति।
जहा नेरइए एवं जाव वेमाणिए ।
[८०] नेरइए णं भंते! नेरइएसु उववज्जमाणे किं देसेणंदेसं आहारेति, देसेणंसव्वं आहारेति, सव्वेणंदेसं आहारेति, सव्वेणंसव्वं आहारेति ? गोयमा! नो देसेणंदेसं आहारेति, नो देसेणंसव्वं आहारेति, सव्वेण वा देसं आहारेति, सव्वेण वा सव्वं आहारेति।
एवं जाव वेमाणिए ।
नेरइए णं भंते! नेरइएहिंतो उव्वट्टमाणे किं देसेणंदे उव्वट्टति? जहा उववज्जमाणे तहेव उव्वट्टमाणे वि दंडगो भाणितव्यो ।
नेरइए णं भंते! नेरइएहिंतो उव्वट्टमाणे किं देसेणंदेसं आहारेति? तहेव जाव सव्वेण वा देसं आहारेति, सव्वेण वा सव्वं आहारेति।
एवं जाव वेमाणिए ।
नेरइए णं भंते! नेरइएसु उववन्ने किं देसेणंदेसं उववन्ने? एसो वि तहेव जाव सव्वेणंसव्वं उववन्ने।
जहा उववज्जमाणे उव्वट्टमाणे य चत्तारि दंडगा तहा उववन्नेणं उव्वट्टेण वि चत्तारि दंडगा भाणियव्वा। सव्वेणंसव्वं उववन्ने; सव्वेण वा देसं आहारेति, सव्वेण वा सव्वं आहारेति, एएणं अभिलावेणं उववन्ने वि, उव्वट्टे वि नेयव्वं ।।
नेरइए णं भंते! नेरइएसु उववज्जमाणे किं अद्धेणंअद्धं उववज्जति ? अद्धेणंसव्वं उववज्जति ? सव्वेणंअद्धं उववज्जइ ? सव्वेणंसव्वं उववज्जति ? जहा पढमिल्लेणं अट्ठ दंडगा तहा अद्धेण वि अट्ठ दंडगा भाणितव्वा। नवरं जहिं देसेणंदेसं उववज्जति तहिं अद्धेणंअद्धं उवज्जावेयवव्वं, एयं णाणतं। एते सव्वे वि सोलस दंडगा भाणियव्वा।
[८१] जीवे णं भंते! किं विग्गहगतिसमावन्नए? अविग्गहगतिसमावन्नए? गोयमा! सिय विग्गहगतिसमावन्नए, सिय अविग्गहगतिसमावन्नगे।
एवं जाव वेमाणिए।
जीवा णं भंते! किं विग्गहगतिसमावन्नगा? अविग्गहगतिसमावन्नगा? गोयमा! विग्गहगति समावन्नगा वि, अविग्गहगतिसमावन्नगा वि।
नेरइया णं भंते! किं विग्गहगतिसमावन्नगा? अविग्गहगतिसमावन्नगा? गोयमा! सव्वे वि ताव होज्जा अविग्गहगतिसमावन्नगा, अहवा अविग्गहगतिसमावन्नगा य विग्गहगतिसमावन्नगे य, अहवा अविग्गहगतिसमावन्नगा य विग्गहगतिसमावन्नगा य । एवं जीव-एगिदियवज्जो तियभंगो।
[८२] देवे णं भंते! महिड्ढिए महज्जुतीए महब्बले महायसे महेसक्खे महाणुभावे अविठक्कंतियं चयमाणे किंचि वि कालं हिरिवत्तियं दुगुंछावत्तियं परिस्सहवत्तियं आहारं नो आहारेति; अहे णं
[दीपरत्नसागर संशोधितः]
[23]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |