Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 243

सतं-११, वग्गो-,सत्तंसत्तं-, उद्देसो- ११
मासाणं बहुपडिपुण्णाणं अद्धट्ठमाण य राइंदियाणं वीतिक्कंताणं अम्हं कुलकेठं कुलदीवं कुलपव्वयं कुलवडेंसगं कुलतिलगं कुलकित्तिक कुलनंदिकरं कुलजसकरं कुलाधारं कुलपायवं कुलविवड्ढणकरंसुकुमालपाणिपायं अहीणपुण्णपंचिंदियसरीरं जाव ससिसोमागारं कंतं पियदंसणं सुरूवं देवकुमारसप्पभं दारगं पयाहिसि । से वि य णं दारए उम्मुक्कबालभावे विण्णयपरिणयमेत्ते जोव्वणगमणुप्पत्ते सूरे वीरे विक्कंते वित्थिण्णविपुलबलवाहणे रज्जवती राया भविस्सति । तं ओराले णं तुमे देवी! सुमिणे दिट्ठे जाव आरोग्ग-तुट्ठि० जाव मंगल्लकारए णं तुमे देवी! सुविणे दिट्ठे" त्ति कट्ट्टु पभावतं देविं ताहिं इट्ठाहिं जाव वग्गूहिं दोच्चं पि तच्चं पि अणुवूहति।
तए णं सा पभावती देवी बलस्स रण्णो अंतियं एयमट्ठे सोच्चा निसम्म हट्ठतुट्ठ0 करयल जाव एवं वयासी - एवमेतं देवाणुप्पिया !, तहमेयं देवाणुप्पिया!, अवितहमेयं देवाणुप्पिया!, असंदिद्धमेयं देवाणुप्पिया! इच्छियमेयं देवाणुप्पिया!, पडिच्छियमेतं देवाणुप्पिया ! इच्छियपडिच्छियमेयं देवाणुप्पिया से जहेयं तुब्भे वदहत्ति कट्पु तं सुविणं सम्मं पडिच्छइ, तं० पडि०२ बलेण रण्णा अब्भणुण्णाया समाणी णाणामणि- रयणभत्तिचित्तातो भद्दासणाओ अब्भुट्ठइ, अ०२ अतुरियमचवल व गतीए जेणेव सए सयणिज्जे तेणेव उवागच्छइ, ते० उ० २ सयणिज्जंसि निसीयति, नि० २ एवं वदासी -'मा मे से उत्तमे पहाणे मंगल्ले सुविणे अन्नेहिं पावसुविणेहिं पडिहम्मिस्सइति कट्ट्टु देव गुरुजण-संबद्धाहिं पसत्थाहिं मंगल्लाहिं धम्मियाहिं कहाहिं सुविणजागरियं पडिजागरमाणी पडिजागरमाणी विहरति ।
तए णं से बले राया कोडुंबियपुरिसे सद्दावेति, को० स० २ एवं वयासी - खिप्पामेव भो देवाणुप्पिया! अज्ज सविसेसं बाहिरियं उवट्ठाणसालं गंधोदयसित्तसुइयसम्मज्जियोवलित्तं सुगंधवरपंचवण्णपुप्फोवयारकलियं कालागरुपवरकुंदुरुक्क० जाव गंधवट्पिभूयं करेह य कारवेह य, करे० २ सीहासणं रएह, सीहा० २०२ ममेतं जाव पच्चप्पिण |
तए णं ते कोडुंबिय0 जाव पडिसुणेत्ता खिप्पामेव सविसेसं बाहिरियं उवट्ठाणसालं जाव
पच्चप्पिणंति ।
तए णं से बले राया पच्चूसकालसमयंसि सयणिज्जाओ समुट्ठेति, स० स० २ पायवीढातो पच्चोरुभति, प0 २ जेणेव अट्पणसाला तेणेव उवागच्छति, ते0 30 २ अट्पणसालं अणुपविसइ जहा उववातिए तहेव अट्पणसाला तहेव मज्जणघरे जाव ससि व्व पियदंसणे नरवई मज्जणघराओ पडिनिक्खमति, म० प० २ जेणेव बाहिरिया उवट्ठाणसाला तेणेव उवागच्छति, ते० उ० २ सीहासणवरंसि पुरत्थाभिमुहे निसीयति, नि० २ अप्पणो उत्तरपुरत्थिमे दिसीभाए अट्ठ भद्दासणाई सेयवत्थपच्चत्थुयाइं सिद्धत्थगकयमंगलोवयाराई रयावेइ, रया० २ अप्पणो अदूरसामंते णाणामणिरयणमंडियं अहियपेच्छणिज्जं महग्घवरपट्णुग्गयं सहपट्भत्तिसयचित्तताणं ईहामियउसभ जाव भत्तिचित्तं अब्भिंतरियं जवणियं अंछावेति, अं० २ नाणामणि- रयणभत्तिचितं अत्थरयमउयमसूरगोत्थगं सेयवत्थपच्चत्थुतं अंगसुहफासयं सुमउयं पभावतीए देवीए भद्दासणं रयावेइ, र० २ कोडुंबियपुरिसे सद्दावेइ, को० स० २ एवं वदासि - खिप्पा भो देवाणुप्पिया! अट्ठगमहानिमित्तसुत्तत्थधारए विविहसत्थकुसले सुविणलक्खणपाढए सद्यावेह ।
तणं ते कोडुंबियपुरिसा जाव पडिसुणेत्ता बलस्स रण्णो अंतियाओ पडिनिक्खमंति, पडि० २ सिग्घं तुरियं चवलं चंडं वेइयं हत्थिणापुरं नगरं मज्झमज्झेणं जेणेव तेसिं सुविणलक्खणपाढगाणं गिहाई तेणेव उवागच्छंति, ते0 30२ ते सुविणलक्खणपाढए सद्दावेंति ।
[दीपरत्नसागर संशोधितः ]
[242]
[५-भगवई]