Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 235

सतं-११, वग्गो-,सत्तंसत्तं-, उद्देसो-९
तए णं तस्स सिवस्स रायरिसिस्स छट्ठछट्ठेणं अनिक्खित्तेणं दिसाचक्कवालेणं जाव आयावेमाणस्स पगतीभद्दयाए जाव विणीययाए अन्नया कदायि तयावरणिज्जाणं कम्माणं खयोवसमेणं ईहापोहमग्गणगवेसणं करेमाणस्स विब्भंगे नामं अन्नाणे समुप्पन्ने। से णं तेणं विब्भंगनाणेणं समुप्पन्नेणं पासति अस्सिं लोए सत्त दीवे सत्त समुद्दे । तेण परं न जाणति न पासति ।
तए णं तस्स सिवस्स रायरिसिस्स अयमेयारूवे अज्झत्थिए जाव समुप्पज्जित्था--अत्थि णं ममं अतिसेसे नाण- दंसणे समुप्पन्ने, एवं खलु अस्सिं लोए सत्त दीवा, सत्त समुद्दा, तेण परं वोच्छिन्ना दीवा य समुद्दा य। एवं संपेहेइ, एवं सं० २ आयावणभूमीओ पच्चोरुभति, आ० प० २ वागवत्थनियत्थे जेणेव सए उडए तेणेव उवागच्छति, ते० उ० २ सुबहु लोहीलोहकडाहकडुच्छ्रयं जाव भंडगं किढिणसंकाइयं च गेण्हति, गे० २ जेणेव हत्थिणापुरे नगरे जेणेव तावसावसहे तेणेव उवागच्छति, ते० उ० २ भंडनिक्खेवं करे, भंड० क० २ हत्थिणापुरे नगरे सिंघाडग- तिग जाव पहेसु बहुजणस्स एवमाइक्खति जाव एवं परूवेइ-अत्थि णं देवाणुप्पिया! ममं अतिसेसे नाण- दंसणे समुप्पन्ने, एवं खलु अस्सिं लोए जाव
दीवाय समुद्दा य
तए णं तस्स सिवस्स रायरिसिस्स अंतियं एयमट्ठे सोच्चा निसम्म हत्थिणापुरे नगरे सिंघाडग-तिग जाव पहेसु बहुजणो अन्नमन्नस्स एवमाइक्खति जाव परूवेइ -- एवं खलु देवाणुप्पिया! सिवे रायरिसी एवं आइक्खड़ जाव परूवेइ अत्थि णं देवाणुप्पिया! ममं अतिसेसे नाण- दंसणे जाव तेण परं वोच्छिन्ना दीवा य समुद्दा य' । से कहमेयं मन्ने एवं ?
तेणं कालेणं तेणं समएणं सामी समोसढे । परिसा जाव पडिगया।
तेणं काणं तेणं समएणं समणस्स भगवओ महावीरस्स जेट्ठे अंतेवासी जहा बितियसए नियंठुद्देसए जाव अडमाणे बहुजणसद्दं निसामेति - - बहुजणो अन्नमन्नस्स एवं आइक्खति जाव एवं परूवेड् `एवं खलु देवाणुप्पिया ! सिवे रायरिसी एवं आइक्खड़ जाव परूवेइ - अत्थि णं देवाणुप्पिया ! तं चेव जाव वोच्छिन्ना दीवा य समुद्दा य से कहमेयं मन्ने एवं ? '
तणं भगवं गोयमे बहुजणस्स अंतियं एयमट्ठे सोच्चा निसम्म जायसड्ढे जहा नियंठुद्देसए जाव तेण परं वोच्छिन्ना दीवा य समुद्दा य। से कहमेयं भंते! एवं? 'गोयमा !' दी समणे भगवं महावीरे भगवं गोयमं एवं वदासी - जं णं गोयमा ! से बहुजणे अन्नमन्नस्स एवमाइक्खति तं चैव सव्वं भाणियव्वं जाव भंडनिक्खेवं करेति, हत्थिणापुरे नगरे सिंघाडग० तं चेव जाव वोच्छिन्ना दीवा य समुद्दा य। तए णं तस्स सिवस्स रायरिसिस्स अंतिए एयमट्ठे सोच्चा निसम्म तं चेव जाव तेण परं वोच्छिन्ना दीवा य समुद्दा य। तं णं मिच्छा । अहं पुण गोयमा ! एवमाइक्खामि जाव परूवेमि - एवं खलु जंबुद्दीवादीया दीवा लवणादीया समुद्दा संठाणओ एगविहिविहाणा, वित्थारओ अणेगविहिविहाणा एवं जहा जीवाभिगमे जाव सयंभुरमणपज्जवसाणा अस्सिं तिरियलोए असंखेज्जा दीवसमुद्दा पण्णत्ता समणाउसो!।
अत्थि णं भंते! जंबुद्दीवे दीवे दव्वाइं सवण्णाई पि अवण्णाई पि, सगंधाई पि अगंधाई, पि सरसाइं पि अरसाइं पि, सफासाई पि अफासाई पि, अन्नमन्नबद्धाई अन्नमन्नपुट्ठाई जाव घडता चिट्ठति? हंता, अत्थि।
अत्थि णं भंते! लवणसमुद्दे दव्वाइं सवण्णाई पि अवण्णाई पि, सगंधाई पि अगंधाई पि, सरसाइं पि अरसाइं पि, सफासाइं पि अफासाई पि, अन्नमन्नबद्धाई अन्नमन्नपुट्ठाई जाव घडत्ताए [दीपरत्नसागर संशोधितः ]
[234]
[५-भगवई]