Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 234

सतं-११, वग्गो-,सत्तंसत्तं-, उद्देसो-९
नियग-सयण जाव परिजणेणं राईहि य खत्तिएहि य सद्धिं विपुलं असण- पाण- खाइम साइमं एवं जहा ताली जाव सक्कारेति सम्माणेति, सक्कारे० स० २ तं मित्त-नाति जाव परिजणं रायाणो य खत्तिए य सिवभद्दं च रायाणं आपुच्छति, आपुच्छिता सुबहुं लोहीलोहकडाहकडुच्छु जाव भंडगं गहाय जे इमे गंगाकूलगा वाणपत्था तावसा भवंति तं चेव जाव तेसिं अंतियं मुंडे भवित्ता दिसापोक्खियतावसत्ताए पव्वइए। पव्वइए वि य णं समाणे अयमेयारूवं अभिग्गहं अभिगिण्हति - कप्पति मे जावज्जीवाए छट्ठ० तं चेव जाव अभिग्गहं अभिगिण्हइ, अय० अभि०२ पढमं छट्ठक्खमणं उवसंपज्जित्ताणं विहरइ ।
तए णं से सिवे रायरिसी पढमछट्ठक्खमणपारणगंसि आयावणभूमीओ पच्चोरुहति, आया० प०२ वागलवत्थनियत्थे जेणेव सए उडए तेणेव उवागच्छति, ते० उ०२ किढिणसंकाइयगं गिण्हइ, कि० गि० २ पुरत्थिमं दिसं पोक्खे । पुरत्थिमाए दिसाए सोमे महाराया पत्थाणे पत्थियं अभिरक्खठ सिवं रायरिसिं, अभिरक्खठ सिवं रायरिसिं, जाणि य तत्थ कंदाणि य मूलाणि य तयाणि य पत्ताणि य पुप्फाणि य फलाणि य बीयाणि य हरियाणि य ताणि अणुजाणतु'त्ति कट्पु पुरत्थिमं दिसं पासति पा० २ जाणि य तत्थ कंदाणि य जाव हरियाणि य ताइं गेण्हति, गे०२ किढिणसंकाइयगं भरेति, किढि० भ०२ दब्भे य कुसे य समिहाओ य पत्तामोडं च गेण्हइ, गे०२ जेणेव सए उडए तेणेव उवागच्छइ, ते० उवा० २ किढिणसंकाइयगं ठवेइ, किढि० ठवेत्ता वेदिं वड्ढेति वेदिं व०२ उवलेवणसम्मज्जणं करेति, उ० क०२ दब्भ-कलसाहत्थगए जेणेव गंगा महानदी तेणेव उवागच्छइ, उवा०२ गंगामहानदिं ओगाहइ, गंगा० ओ०२ जलमज्जणं करेति, जल० क०२ जलकीडं करेति, जल० क० २ जलाभिसेयं करेति ज० क० २ आयंते चोक्खे परमसूइभूते देवतपितिकयकज्जे दब्भसगब्भकलसाहत्थगते गंगाओ महानदीओ पच्चुत्तरति, गंगा० प० २ जेणेव सए उडए तेणेव उवागच्छति, उवा० २ दब्भेहि य कुसेहि य वालुयाए य वेदिं रएति वेदिं र० २ सरएणं अरणिं महेति, स० म० २ अग्गिं पाडेति, अग्गिं पा० २ अग्गिं संधुक्केति, अ० सं० २ समिहाकट्ठाई पक्खिव, स० प०२ अग्गिं उज्जालेति, अग्गिस्स दाहिणे पासे, सत्तंगाई समादहे । तं जहा
[५०७]
सकहं वक्कलं ठाणं सेज्जाभंडं कमंडलुं ।
दंडदारुं तहऽप्पाणं अहेताई समादहे ।।
महुणा य घएण य तंदुलेहि य अग्गिं हुणइ, अ० हु० २ चरुं साहेइ, चरुं सा०२ बलिवइस्सदेवं करेइ, बलि० क०२ अतिहिपूयं करेति, अ० क०२ ततो पच्छा अप्पणा आहारमाहारेति ।
[५०८ ] तए णं से सिवे रायरिसी दोच्चं छट्ठक्खमणं उवसंपज्जित्ताणं विहरइ । तए णं से सिवे रायरिसी दोच्चे छट्ठक्खमणपारणगंसि आयावणभूमीतो पच्चोरुहइ, आ० प० २ वागल० एवं जहापढमपारणगं, नवरं दाहिणं दिसं पोक्खेति । दाहिणाए दिसाए जमे महाराया पत्थाणे पत्थियं०, सेसं तं चेव जाव आहारमाहारे ।
तणं से सिवे रायरिसी तच्चं छट्ठक्खमणं उवसंपज्जित्ताणं विहरति । तए णं से सिवे रायरिसी० सेसं तं चेव, नवरं पच्चत्थिमं दिसं पोक्खेति । पच्चत्थिमाए दिसाए वरुणे महाराया पत्थाणे पत्थियं अभिरक्खतु सिवं० सेसं तं चेव जाव ततो पच्छा अप्पणा आहारमाहारे ।
तणं से सिवे रायरिसी चउत्थं छट्ठक्खमणं उवसंपज्जित्ताणं विहरइ । तए णं से सिवे रायरिसी चउत्थं छट्ठक्खमणं० एवं तं चेव, नवरं उत्तरं दिसं पोक्खेड़। उत्तराए दिसाए वेसमणे महाराया पत्थाणे पत्थियं अभिरक्खठ सिवं०, सेसं तं चेव जाव ततो पच्छा अप्पणा आहारमाहारेति।
[दीपरत्नसागर संशोधितः ]
[233]
[५-भगवई]