Page Text
________________
सतं-११, वग्गो - ,सत्तंसत्तं- , उद्देसो-१
निस्सासए वा, नोउस्सासनिस्सासए वा, उस्सासगा वा, निस्सासगा वा, नोउस्सासनिस्सासगा वा, अहवा उस्सासए य निस्सासए य ४ , अहवा उस्सासए य नोउस्सासनिस्सासए य ४, अहवा निस्सासए य नोउस्सासनीसासए य ४, अहवा उस्सासए य नीसासए य नोउस्सासनिस्सासए य-अट्ठ भंगा, एए छव्वीसं भंगा भवंति।
ते णं भंते! जीवा किं आहारगा, अणाहारगा? गोयमा! आहारए वा अणाहारए वा, एवं अट्ठ भंगा। ते णं भंते! जीवा किं विरया, अविरया, विरयाविरया? गोयमा! नो विरया, नो विरयाविरया, अविरए वा अविरता वा|
ते णं भंते! जीवा किं सकिरिया, अकिरिया? गोयमा! नो अकिरिया, सकिरिए वा सकिरिया वा।
ते णं भंते जीवा किं सत्तविहबंधगा, अट्ठविहबंधगा? गोयमा! सत्तविहबंधए वा अट्ठविहबंधए वा, अट्ठ भंगा।
ते णं भंते! जीवा किं आहारसण्णोवउत्ता, भयसण्णोवउत्ता, मेहणसन्नोवउत्ता, परिग्गहसन्नोवउत्ता? गोयमा! आहारसण्णोवठत्ता वा, असीती भंगा।
ते णं भंते! जीवा किं कोहकसायी, माणकसायी, मायाकसायी, लोभकसायी? असीती भंगा। ते णं भंते! जीवा किं इत्थिवेदगा, पुरिसवेदगा, नपुंसगवेदगा? गोयमा! नो इत्थिवेदगा, नो पुरिसवेदगा, नपुंसगवेदए वा नपुंसगवेदगा वा।
ते णं भंते! जीवा किं इत्थिवेदबंधगा, पुरिसवेदबंधगा, नपुंसगवेदबंधगा? गोयमा! इत्थिवेदबंधए वा पुरिसवेदबंधए वा नपुंसगवेदबंधए वा, छव्वीसं भंगा।
ते णं भंते! जीवा किं सण्णी, असण्णी? गोयमा! नो सण्णी, असण्णी वा असण्णिणो वा। ते णं भंते! जीवा किं सइंदिया, अणिंदिया? गोयमा! नो अणिंदिया, सइंदिए वा सइंदिया वा।
से णं भंते! 'उप्पलजीवे'त्ति कालओ केवचिरं होति? गोयमा! जहन्नेणं अंतोमुहतं, उक्कोसेणं असंखेज्जं कालं।
से णं भंते! उप्पलजीवे पुढविजीवे' पुणरवि उप्पलजीवे'त्ति केवतियं कालं से हवेज्जा? केवतियं कालं गतिरागतिं करेज्जा? गोयमा! भवादेसेणं जहन्नेणं दो भवग्गहणाई, उक्कोसेणं असंखेज्जाई भवग्गहणाइं। कालादेसेणं जहन्नेणं दो अंतोमुहता, उक्कोसेणं असंखेज्जं कालं। एवतियं कालं से हवेज्जा, एवतियं कालं गतिरागतिं करेज्जा।
से णं भंते! उप्पलजीवे आउजीवे0 एवं चेव। एवं जहा पुढविजीवे भणिए तहा जाव वाउजीवे भाणियव्ये। से णं भंते! उप्पलजीवे से वणस्सइजीवे, से वणस्सइजीवे पुणरवि उप्पलजीवे ति
केवतियं कालं से हवेज्जा, केवतियं कालं गतिरागतिं करेज्जा? गोयमा! भवाएसेणं जहन्नेणं दो भवग्गहणाई, उक्कोसेणं अणंताई भवग्गहणाई। कालाएसेणं जहन्नेणं दो अंतोमुहत्ता, उक्कोसेणं अणंतं कालं-तरुकालो, एवतियं कालं से हवेज्जा, एवइयं कालं गइरागई करेज्जा।
से णं भंते! उप्पलजीवे बेइंदियजीवे, बेइंदियजीवे पुणरवि उप्पलजीवे ति केवतियं कालं से
[दीपरत्नसागर संशोधितः]
[229]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |