Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 231

सतं-११, वग्गो - ,सत्तंसत्तं- , उद्देसो-१
हवेज्जा? केवतियं कालं गतिरागतिं करेज्जा? गोयमा! भवादेसेणं जहन्नेणं दो भवग्गहणाई, उक्कोसेणं संखेज्जाइं भवग्गहणाई। कालादेसेणं जहन्नेणं दो अंतोमुहुत्ता, उक्कोसेणं संखेज्जं कालं। एवतियं कालं से हवेज्जा, एवतियं कालं गतिरागतिं करेज्जा।
__ एवं तेइंदियजीवे, एवं चरिंदियजीवे वि।
से णं भंते! उप्पलजीवे पंचेंदियतिरिक्खजोणियजीवे, पंचिंदियतिरिक्खजोणियजीवे पुणरवि उप्पलजीवे ति० पुच्छा। गोयमा! भवादेसेणं जहन्नेणं दो भवग्गहणाई, उक्कोसेणं अट्ठ भवग्गहणाई। कालाएसेणं जहन्नेणं दो अंतोमुहत्ता, उक्कोसेणं पुव्वकोडिपुहत्तं। एवतियं कालं से हवेज्जा, एवतियं कालं गतिरागतिं करेज्जा।
एवं मणुस्सेण वि समं जाव एवतियं कालं गतिरागतिं करेज्जा।
ते णं भंते! जीवा किमाहारमाहारेंति? गोयमा! दव्वओ अणंतपदेसियाई दव्वाइं०, एवं जहा आहारुद्देसए वणस्सतिकाइयाणं आहारो तहेव जाव सव्वप्पणयाए आहारमाहारेंति, नवरं नियम छद्दिसिं, सेसं तं चेव।
तेसि णं भंते! जीवाणं केवतियं कालं ठिती पन्नत्ता? गोयमा! जहन्नेणं अंतोमुहतं, उक्कोसेणं दस वाससहस्साइं।
तेसि णं भंते! जीवाणं कति समुग्घाता पन्नता? गोयमा! तओ समुग्घाया पन्नत्ता, तं जहावेदणासमुग्घाए कसायसमुग्घाए मारणंतियसमुग्घाए।
ते णं भंते! जीवा मारणंतियसमुग्घाएणं किं समोहया मरंति, असमोहया मरंति? गोयमा! समोहया वि मरंति, असमोहया वि मरंति। ते णं भंते! जीवा अणंतरं उव्वटित्ता कहिं गच्छंति ?, कहिं उववज्जंति?, किं नेरइएस्
उववज्जंति, तिरिक्खजोणिएस् उववज्जति?0 एवं जहा वक्कंतीए उव्वाणाए वणस्सइकाइयाणं तहा भाणियव्वं।
अह भंते! सव्वपाणा सव्वभूया सव्वजीवा सव्वसत्ता उप्पलमूलत्ताए उप्पलकंदत्ताए उप्पलनालताए उप्पलपत्तताए उप्पलकेसरत्ताए उप्पलकण्णियत्ताए उप्पलथिभगत्ताए उववन्नपुव्वा? हंता, गोयमा! असतिं अदुवा अणंतखुतो। सेवं भंते! सेवं भंते! ति०।
*एक्कारसमे सए पढमो उद्देसो समत्तो
____0बीओ उद्देसो 0 [४९९] सालुए णं भंते! एगपत्तए किं एगजीवे, अणेगजीवे? गोयमा! एगजीवे, एवं उप्पलुद्देसगवत्तव्वया अपरिसेसा भाणियव्वा जाव अणंतखुत्तो। नवरं सरीरोगाहणा जहन्नेणं अंगु
लस्स असंखेज्जइभागं, उक्कोसेणं धणुपुहत्तं। सेसं तं चेव। सेवं भंते! सेवं भंते! ति०।
एक्कारसमे सए बीइओ उद्देसो समतो.
0 तइओ उद्देसो 0 [५००] पलासे णं भंते! एगपत्तए किं एगजीवे, अणेगजीवे? एवं उप्पलुद्देसगवत्तव्वया
[दीपरत्नसागर संशोधितः]]
[230]
[५-भगवई