Page Text
________________
सतं-१०, वग्गो - ,सत्तंसतं- , उद्देसो-५
धरणस्स णं भंते! नागकुमारिंदस्स कालवालस्स लोगपालस्स महारण्णो कति अग्गमहिसीओ पन्नताओ? अज्जो! चत्तारि अग्गमहिसीओ पन्नताओ; तं जहा--असोगा विमला सुप्पभा सुदंसणा। तत्थ णं एगमेगाए० अवसेसं जहा चमरलोगपालाणं। एवं सेसाणं तिण्ह वि लोगपालाणं।
भूयाणंदस्स णं भंते!० पुच्छा। अज्जो! छ अग्गमहिसीओ पन्नताओ, तं जहा--रूया रूयंसा सुरूया रुयगावती रूयकता रूयप्पभा। तत्थ णं एगमेगाए देवीए० अवसेसं जहा धरणस्स।भूयाणंदस्स णं भंते! नागवित्तस्स०पुच्छा। अज्जो! चत्तारि अग्गमहिसीओ पन्नताओ, तं जहा--सुणंदा सुभद्दा सुजाया सुमणा। तत्थ णं एगमेगाए देवीए0 अवसेसं जहा चमरलोगपालाणं। एवं सेसाणं तिण्ह वि लोगपालाणं।
जे दाहिणिल्ला इंदा तेसिं जहा धरणस्स। लोगपालाणं पि तेसिं जहा धरणलोगपालाणं। उत्तरिल्लाणं इंदाणं जहा भूयाणंदस्स। लोगपालाण वि तेसिं जहा भूयाणंदस्स लोगपालाणं। नवरं इंदाणं सव्वेसिं रायहाणीओ, सीहासणाणि य सरिसणामगाणि, परियारो जहा मोउद्देसए। लोगपालाणं सव्वेसिं रायहाणीओ सीहासणाणि य सरिसनामगाणि, परियारो जहा चमरलोगपालाणं।
कालस्स णं भंते! पिसायिंदस्स पिसायरण्णो कति अग्गमहिसीओ पन्नताओ? अज्जो! चत्तारि अग्गमहिसीओ पन्नताओ, तं जहा--कमला कमलप्पभा उप्पला सुदंसणा। तत्थ णं एगमेगाए देवीए एगमेगं देविसहस्सं, सेसं जहा चमरलोगपालाणं। परियारो तहेव, नवरं कालाए रायहाणीए कालंसि सीहासणंसि, सेसं तं चेव।
एवं महाकालस्स वि।
सुरुवस्स णं भंते! भूइंदस्स भूयरन्नो० पुच्छा। अज्जो! चत्तारि अग्गमहिसीओ पन्नताओ, तं जहा--रूववती बहुरूवा सुरूवा सुभगा। तत्थ णं एगमेगाए० सेसं जहा कालस्स।
एवं पडिरूवगस्स वि।
पुण्णभद्दस्स णं भंते! जक्खिंदस्स० पुच्छा। अज्जो! चत्तारि अग्गमहिसीओ पन्नताओ, तं जहा--पुण्णा बहुपुत्तिया उत्तमा तारया। तत्थ णं एगमेगाए० सेसं जहा कालस्स०|
एवं माणिभद्दस्स वि।
भीमस्स णं भंते! रक्खसिंदस्स० पुच्छा। अज्जो! चत्तारि अग्गमहिसीओ पन्नताओ, तं जहापठमा पठमावती कणगा रयणप्पभा। तत्थ णं एगमेगा० सेसं जहा कालस्स।
एवं महाभीमस्स वि।
किन्नरस्स णं भंते!० पुच्छा। अज्जो! चत्तारि अग्गमहिसीओ पन्नताओ, तं जहा--वडेंसा केतुमती रतिसेणा रतिप्पिया। तत्थ णं० सेसं तं चेव।
एवं किंपुरिसस्स वि।
सप्पुरिसस्स णं० पुच्छा। अज्जो! चत्तारि अग्गमहिसीओ पन्नताओ, तं जहा--रोहिणी नवमिया हिरी पुप्फवती। तत्थ णं एगमेगा०, सेसं तं चेव।
एवं महापुरिसस्स वि।
अतिकायस्स णं भंते!० पुच्छा। अज्जो! चत्तारि अग्गमहिसीओ पन्नताओ, तं जहा--भुयगा भुयगवती महाकच्छा फुडा। तत्थ णं०, सेसं तं चेव।
एवं महाकायस्स वि।
[दीपरत्नसागर संशोधितः]
[225]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |