Page Text
________________
सतं-१०, वग्गो - ,सत्तंसत्तं- , उद्देसो-१
ओरालियसरीरे णं भंते! कतिविहे पण्णते? एवं ओगाहणसंठाणपदं निरवसेसं भाणियव्वं जाव अप्पाबगं ति। सेवं भंते! सेवं भंते तिला
*दसमे सए पढमो उद्देसो समतो
0 बीओ उद्देसो 0 [४७७] रायगिहे जाव एवं वयासी
संवुडस्स णं भंते! अणगारस्स वीयी पंथे विच्चा पुरओ रूवाई निज्झायमाणस्स, मग्गतो रूवाई अवयक्खमाणस्स, पासतो रूवाइं अवलोएमाणस्स, उड्ढं रूवाइं ओलोएमाणस्स, अहे रूवाई आलोएमाणस्स तस्स णं भंते! किं इरियावहिया किरिया कज्जइ, संपराइया किरिया कज्जइ? गोयमा! संवुडस्स णं अणगारस्स वीयी पंथे ठिच्चा जाव तस्स णं णो इरियावहिया किरिया कज्जइ, संपराइया किरिया कज्जइ।
से केणट्टेणं भंते ! एवं वुच्चइ-संवुड० जाव संपराइया किरिया कज्जइ? गोयमा! जस्स णं
कोह-माण-माया-लोभा एवं जहा सत्तमसए पढमोद्देसए जाव से णं उस्सुत्तमेव रीयति, सेतेणठेणं जाव संपराइया किरिया कज्जति।
संवुडस्स णं भंते! अणगारस्स अवीयी पंथे ठिच्चा पुरतो रूवाइं निज्झायमाणस्स जाव तस्स णं भंते! किं इरियावहिया किरिया कज्जइ०? पुच्छा। गोयमा! संवुड० जाव तस्स णं इरियावहिया किरिया कज्जइ, नो संपराइया किरिया कज्जइ।
से केणढेणं भंते! एवं वुच्चइ? जहा सत्तमसए सत्तमुद्देसए जाव से णं अहासुत्तमेव रीयति, सेतेणठेणं जाव नो संपराइया किरिया कज्जड़।
[४७८] कतिविधा णं भंते! जोणी पण्णता? गोयमा! तिविहा जोणी पण्णता, तं-सीया उसिणा सीतोसिणा। एवं जोणीपयं निरवसेसं भाणियव्वं।
[४७९] कतिविधा णं भंते! वेदणा पण्णता? गोयमा! तिविहा वेदणा पण्णता,तं जहा
सीता उसिणा सीतोसिणा। एवं वेदणापदं भाणितव्वं जाव नेरइया णं भंते! किं दुक्खं वेदणं वेदेति, सुहं वेदणं वेदेति, अक्ख मसुहं वेदणं वेदेति? गोयमा! दुक्खं पि वेदणं वेदेति, सुहं पि वेदणं वेदेति, अदुक्खमसुहं पि वेदणं वेदेति।
[४८०] मासियं णं भंते! भिक्खुपडिमं पडिवन्नस्स अणगारस्स निच्चं वोसळे काये चियत्ते देहे, एवं मासिया भिक्खुपडिमा निरवसेसा भाणियव्वा जहा दसाहिं जाव आराहिया भवति।
[४८१] भिक्खू य अन्नयरं अकिच्चट्ठाणं पडिसेवित्ता, से णं तस्स ठाणस्स अणालोइय अपडिक्कंते कालं करेति नत्थि तस्स आराहणा।
से णं तस्स ठाणस्स आलोइयपडिक्कंते कालं करेति अत्थि तस्स आराहणा।
भिक्खू य अन्नयरं अकिच्चट्ठाणं पडिसेवित्ता, तस्स णं एवं भवति पच्छा वि णं अहं चरिमकालसमयंसि एयस्स ठाणस्स आलोएस्सामि जाव पडिवज्जिस्सामि, से णं तस्स ठाणस्स अणालोइयऽपडिक्कंते जाव नत्थि तस्स आराहणा।
[दीपरत्नसागर संशोधितः]
[219]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |