Page Text
________________
सतं-१, वग्गो-,सत्तंसत्तं-, उद्देसो-६
सा भंते! किं आणुपुव्विकडा कज्जति ? अणाणुपुव्विकडा कज्जति ? गोयमा! आणुपुव्विकडा कज्जति, नो अणाणुपुव्विकडा कज्जति। जा य कडा, जा य कज्जति, जा य कज्जिस्सति सव्वा सा आपुव्विकडा; नो अणाणुपुव्विकड त्ति वत्तव्वं सिया ।
सिया ।
अत्थि णं भंते! नेरड्याणं पाणातिवायकिरिया कज्जति? हंता, अत्थि ।
सा भंते! किं पुट्ठा कज्जति ? अपुट्ठा कज्जति ? जाव नियमा छद्दिसिं कज्जति ।
सा भंते! किं कडा कज्जति ? अकडा कज्जति? तं चेव जाव नो अणाणुपुव्विकड त्ति वत्तव्वं
जधा नेरइया तहा एगिंदियवज्जा भाणितव्वा जाव वेमाणिया ।
एकिंदिया जधा जीवा तहा भाणियव्वा ।
जहा पाणादिवाते तधा मुसावेदे तधा अदिन्नादाणे मेहुणे परिग्गहे कोहे जाव मिच्छादंसणसल्ले एवं एते अट्ठारस, चउवीसं दंडगा भाणियव्वा । सेवं भंते! सेवं भंते! त्ति भगवं गोतमे समणं भगवं जाव विहरति ।
[७२] तेणं कालेणं तेणं समएणं समणस्स भगवतो महावीरस्स अंतेवासी रोहे नामं अणगारे पगतिभद्दए पगतिमउए पगतिविणीते पगतिउवसंते पगतिपतणुकोह - माण- माय लोभे मिदुमद्दवसंपन्ने अल्लीणे भद्दए विणीए समणस्स भगवतो महावीरस्स अदूरसामंते उड्ढजाणू अहोसिरे झाणकोट्ठोवगते संजमेणं तवसा अप्पाणं भावेमाणे विहरति । तए णं से रोहे नामं अणगारे जातसड्ढे जाव पज्जुवासमा एवं वदासी
पुव्विं भंते! लोए? पच्छा अलोए ? पुव्विं अलोए ? पच्छा लोए ? रोहा ! लोए य अलोए य पुव्विं पेते, पच्छा पेते, दो वि ते सासता भावा, अणाणुपुव्वी एसा रोहा ! |
पुव्विं भंते! जीवा ? पच्छा अजीवा? पुव्विं अजीवा? पच्छा जीवा? जहेव लोए य अलोए य तहेव जीवा य अजीवा य ।
एवं भवसिद्धिया य अभवसिद्धिया य, सिद्धी असिद्धी, सिद्धा असिद्धा ।
पुव्विं भंते! अंडए? पच्छा कुक्कुडी ? पुव्विं कुक्कुडी ? पच्छा अंडए? रोहा ! से णं अडए कतो? भगवं! तं कुक्कुडीतो, सा णं कुक्कुडी कतो? भंते! अंडगातो। एवामेव रोहा ! से य अंडए सा य कुक्कुडी, पुव्विं पेते, पच्छा पेते, दो वेते सासता भावा, अणाणुपुव्वी एसा रोहा ! ।
पुव्विं भंते! लोअंते? पच्छा अलोयंते? पुव्वं अलोअंते? पच्छा लोअंते? रोहा ! लोअंते य अलोअंते य जाव अणाणुपुव्वी एसा रोहा ! |
पुव्विं भंते! लोअंते? पच्छा सत्तमे ओवासंतरे ? पुच्छा। रोहा ! लोअंते य सत्तमे य ओवासंतरे पुव्विं ते जाव अणाणुपुव्वी एसा रोहा ! |
एवं लोअंते य सत्तमे य तणुवाते। एवं घणवाते, घणोदही, सत्तमा पुढवी । एवं लोअंते एक्केक्केणं संजोएतव्वे इमेहिं ठाणेंहिं, तं जहा -
[७३] ओवास वात घण उदही पुढवी दीवा य सागरा वासा । नेरइयादी अत्थिय समया कम्माई लेस्साओ || [७४] दिट्ठी दंसण णाणा सण्ण सरीरा य जोग उवओगे ।
[21]
[दीपरत्नसागर संशोधितः ]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |