Page Text
________________
सतं-९, वग्गो - ,सत्तंसत्तं- , उद्देसो-३३
सिज्झिहिति जाव अंतं काहिति।
सेवं भंते! सेवं भंते! ति.।।
*नवमे सए तेतीसइमो उद्देसो समतो.
0 चउत्तीसइमो उद्देसो 0 [४७१] तेणं कालेणं तेणं समएणं रायगिहे जाव एवं वदासी
पुरिसे णं भंते! पुरिसं हणमाणे किं पुरिसं हणति, नोपुरिसं हणति? गोयमा! पुरिसं पि हणति, नोपुरिसे वि हणति।
से केणठेणं भंते! एवं बच्चइ परिसं पि हणइ, नोपुरिसे वि हणइ'? गोतमा! तस्स णं एवं भवइ-एवं खलु अहं एग परिसं हणामि' से णं एग परिसं हणमाणे अणेगे जीवे हणइ। से गोयमा! एवं वुच्चइ पुरिसं पि हणइ नोपुरिसे वि हणति'।
पुरिसे णं भंते! आसं हणमाणे किं आसं हणइ, नोआसे वि हणइ? गोयमा! आसं पि हणइ, नोआसे वि हणइ।
से केणढेणं? अट्ठो तहेव। एवं हत्थिं सीहं वग्घं जाव चिल्ललगं।
पुरिसे णं भंते! अन्नयरं तसपाणं हणमाणे किं अन्नयरं तसपाणं हणइ, नोअन्नयरे तसे पाणे हणइ? गोयमा! अन्नयरं पि तसपाणं हणइ, नोअन्नयरे वि तसे पाणे हणइ।
से केणढेणं भंते! एवं वुच्चड़ 'अन्नयरं पि तसपाणं [हणति] नोअन्नयरे वि तसे पाणे हणइ'? गोयमा! तस्स णं एवं भवइ-एवं खलु अहं एगं अन्नयरं तसं पाणं हणामि, से णं एगं अन्नयरं तसं पाणं हणमाणे अणेगे जीवे हणइ। से तेणढेणं गोयमा! तं चेव। एए सव्वे वि एक्कगमा।
पुरिसे णं भंते! इसिं हणमाणे किं इसिं हणइ, नोइसिं हणइ? गोयमा! इसिं पि हणइ नोइसिं पि हणइ।
से केणठेणं भंते! एवं वुच्चइ जाव नोइसि पि हणइ? गोयमा! तस्स णं एवं भवइ-एवं खलु अहं एग इसिं हणामि, से णं एग इसिं हणमाणे अणंते जीवे हणइ से तेणठेणं निक्खेवओ।
पुरिसे णं भंते! पुरिसं हणमाणे किं पुरिसवेरेणं पुढे, नोपुरिसवेरेणं पुढें?
गोयमा! नियमा ताव पुरिसवेरेणं पुळे, अहवा पुरिसवेरेण य णोपरिसवेरेण य पुळे, अहवा पुरिसवेरेण य नोपुरिसवेरेहि य पुढे।
एवं आसं, एवं जाव चिल्ललगं जाव अहवा चिल्ललगवेरेण य णोचिल्ललगवेरेहि य पुढें।
पुरिसे णं भंते! इसिं हणमाणे किं इसिवेरेणं पुढें, नोइसिवेरेणं पुढे? गोयमा! नियमा ताव इसिवेरेणं पुढें, अहवा इसिवेरेण य णोइसिवेरेण य पुढे, अहवा इसिवेरेण य नोइसिवेरेहि य पुढें।
[४७२] पुढविकाइये णं भंते! पुढविकायं चेव आणमति वा पाणमति वा ऊससति वा नीससति वा? हंता, गोयमा! पुढविक्काइए पुढविक्काइयं चेव आणमति वा जाव नीससति वा।
पुढविक्काइए णं भंते! आउक्काइयं आणमति वा जाव नीससति वा? हंता, गोयमा! पुढविक्काइए आउक्काइयं आणमति वा जाव नीससति वा।
[दीपरत्नसागर संशोधितः]
[216]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |