Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 216

सतं-९, वग्गो - ,सत्तंसत्तं- , उद्देसो-३३
आइक्खमाणस्स ४ एयमह्र णो सद्दहइ णो पत्तियइ णो रोएइ, एयमठें असद्दहमाणे अपत्तियमाणे अरोएमाणे दोच्चं पि ममं अंतियाओ आयाए अवक्कमइ, अवक्कमित्ता बहूहिं असब्भावुब्भावणाहिं तं चेव जाव देवकिब्बिसियत्ताए उववन्ने।
[४६९] कतिविहा णं भंते! देवकिब्बिसिया पण्णता? गोयमा! तिविहा देवकिब्बिसिया पण्णत्ता,तं जहा-तिपलिओवमट्टिईया, तिसागरोवमट्ठिईया, तेरससागरोवमट्टिईया।
कहि णं भंते! तिपलिओवमट्ठितीया देवकिब्बिसिया परिवसंति? गोयमा! उप्पिं जोइसियाणं, हिळिं सोहम्मीसाणेसु कप्पेसु, एत्थ णं तिपलिओवमट्ठिईया देवकिब्बिसिया परिवसंति।
कहि णं भंते! तिसागरोवमट्ठिईया देवकिब्बिसिया परिवसंति? गोयमा! उप्पिं सोहम्मईसाणाणं कप्पाणं, हिळिं सणंकुमार-माहिंदेसु कप्पेस, एत्थ णं तिसागरोवमट्ठिईया देवकिब्बिसिया परिवति।
कहि णं भंते! तेरससागरोवमठिईया देवकिब्बिसिया देवा परिवसंति? गोयमा! उप्पिं बंभलोगस्स कप्पस्स, हिळिं लंतए कप्पे, एत्थ णं तेरससागरोवमट्टिईया देवकिब्बिसाया देवा परिवति।
देवकिब्बिसिया णं भंते! केसु कम्मादाणेसु देवकिब्बिसियत्ताए उववत्तारो भवंति? गोयमा! जे इमे जीवा आयरियपडिणीया उवज्झायपडिणीया कुलपडिणीया गणपडिणीया, संघपडिणीया, आयरियउवज्झायाणं अयसकरा अवण्णकरा अकित्तिकरा बहूहिं असब्भावुब्भावणाहिं मिच्छत्ताभिनिवेसेहि य अप्पाणं च परं च त उभयं च बुग्गाहेमाणा वुप्पाएमाणा बहूई वासाइं सामण्णपरियागं पाउणंति, पाउणिता तस्स ठाणस्स अणालोइयपडिक्कंता कालमासे कालं किच्चा अन्नयरेसु देवकिब्बिसिएसु देवकिब्बिसियत्ताए उववत्तारो भवंति; तं जहा- तिपलिओवम-द्रुितीएसु वा तिसागरोवम-द्रुितीएसु वा तेरससागरोवम-ठितीएस
वा।
देवकिब्बिसिया णं भंते! ताओ देवलोगाओ आउक्खएणं भवक्खएणं ठिइक्खएणं अणंतरं चयं चइता कहिं गच्छंति? कहिं उववज्जति? गोयमा! जाव चत्तारि पंच नेरइय-तिरिक्खजोणिय-मणुस्सदेवभवग्गहणाइं संसारं अणुपरियटि ता तओ पच्छा सिज्झंति बुज्झंति जाव अंतं करेंति। अत्थेगइया अणादीयं अणवदग्गं दीहमद्धं चाउरंतसंसारकंतारं अणुपरियांति।
जमाली णं भंते! अणगारे अरसाहारे विरसाहारे अंताहारे पंताहारे लूहाहारे तुच्छाहारे अरसजीवी विरसजीवी जाव तुच्छजीवी उवसंतजीवी पसंतजीवी विवित्तजीवी? हंता, गोयमा! जमाली णं अणगारे अरसाहारे विरसाहारे जाव विवित्तजीवी।
जति णं भंते! जमाली अणगारे अरसाहारे विरसाहारे जाव विवित्तजीवी कम्हा णं भंते! जमाली अणगारे कालमासे कालं किच्चा लंतए कप्पे तेरससागरोवमट्टितीएसु देवकिब्बिसिएसु देवेसु देवकिब्बिसियत्ताए उववन्ने? गोयमा! जमाली णं अणगारे आयरियपडिणीए उवज्झायपडिणीए आयरियउवज्झायाणं अयसकारए अवण्णकारए जाव वुग्गाहेमाणे वुप्पाएमाणे बहूई वासाइं सामण्णपरियागं पाउणिता अद्धमासियाए संलेहणाए तीसं भत्ताइं अणसणाए छेदेति, तीसं भत्ताई अणसणाए छेदेता तस्स ठाणस्स अणालोइयपडिक्कंते कालमासे कालं किच्चा लंतए कप्पे जाव उववन्ने।
[४७०] जमाली णं भंते! देवे ताओ देवलोयाओ आउक्खएणं भवक्खएणं जाव कहिं गए? उववहिकहिं? गोयमा! जाव पंच तिरिक्खजोणिय-मणुस्स-देवभवग्गहणाई संसारं अणुपरियटिता ततो पच्छा
[दीपरत्नसागर संशोधितः]
[215]
[५-भगवई