Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 202

सतं-९, वग्गो-,सत्तंसत्तं-, उद्देसो-३२
सासए लोए बुइए, अणाईए अणवयग्गे जहा पंचमे सए जाव जे लोक्कड़ से लोए, से तेणट्ठेणं गंगेया! एवं वुच्चइ जाव सतो वेमाणिया चयंति, नो असतो वेमाणिया चयंति।
सयं भंते! एतेवं जाणह उदाहु असयं? असोच्चा एतेवं जाणह उदाहु सोच्चा `सतो नेरइया उववज्जंति, नो असतो नेरइया उववज्जंति जाव सओ वेमाणिया चयंति, नो असओ वेमाणिया चयंति' ? गंगेया! सयं एतेवं जाणामि, नो असयं; असोच्चा एतेवं जाणामि, नो सोच्चा; `सतो नेरइया उववज्जंति, नो असओ नेरइया उववज्जंति, जाव सतो वेमाणिया चयंति, नो असतो वेमाणिया चयंति'।
सेकेणट्ठेणं भंते! एवं वुच्चइ तं चेव जाव नो असतो वेमाणिया चयंति? गंगेया! केवली णं पुरत्थिमेणं मियं पि जाणइ, अमियं पि जाणइ, दाहिणेणं एवं जहा सुद्दद्देस जाव निव्वुडे नाणे केवलिस्स से तेणट्ठेणं गंगेया! एवं वुच्चइ तं चेव जाव नो असतो वेमाणिया चयंति।
सयं भंते! नेरइया नेरइएसु उववज्जंति? असयं नेरइया नेरइएस उववज्जंति? गंगेया! सयं नेरइया नेरइएसु उववज्जंति, नो असयं नेरइया नेरइएसु उववज्जंति।
से केणट्ठेणं भंते! एवं वुच्चइ जाव उववज्जंति ? गंगेया! कम्मोदएणं कम्मगुरुयत्ताए कम्मभारियत्ताए कम्मगुरुसंभारियत्ताए, असुभाणं कम्माणं उदएणं, असुभाणं कम्माणं विवागेणं, असुभाणं कम्माणं फलविवागेणं सयं नेरइया नेरइएसु उववज्जंति, नो असयं नेरइया नेरइएसु उववज्जंति, से तेणट्ठेणं गंगेया! जाव उववज्जंति ।
सयं भंते! असुरकुमारा. पुच्छा। गंगेया ! सयं असुरकुमारा जाव उववज्जंति, नो असयं असुरकुमारा जाव उववज्जति ।
से केणट्ठेणं तं चेव जाव उववज्जंति ? गंगेया ! कम्मोदएणं कम्मविगतीए कम्मविसोहीए कम्मविसुद्धीए, सुभाणं कम्माणं उदएणं, सुभाणं कम्माणं विवागेणं, सुभाणं कम्माणं फलविवागेणं सयं असुरकुमारा असुरकुमारत्ताए उववज्जंति, नो असयं असुरकुमारत्ताए उववज्जंति से तेणट्ठेणं जाव उववज्जंति। एवं जाव थणियकुमारा ।
सयं भंते! पुढविक्काइया. पुच्छा। गंगेया! सयं पुढविकाइया जाव उववज्जंति, नो असयं पुढविक्काइया जाव उववज्जंति ।
से केणट्ठेणं भंते! एवं वुच्चइ जाव उववज्जंति ? गंगेया! कम्मोदएणं कम्मगुरुयत्ताए कम्मभारियत्ताए कम्मगुरुसंभारियत्ताएष सुभासुभाणं कम्माणं उदएणं, सुभासुभाणं कम्माणं विवागेणं, सुभासुभाणं कम्माणं फलविवागेणं सयं पुढविकाइया जाव उववज्जंति, नो असयं पुढविकाइया जाव उववज्जंति। से तेणट्ठेणं जाव उववज्जंति।
एवं जाव मणुस्सा ।
वाणमंतर-जोइसिय-वेमाणिया जहा असुरकुमारा। से तेणट्ठेणं गंगेया ! एवं वेमाणिया जाव उववज्जंति, नो असयं जाव उववज्जंति ।
वुच्चइ सयं
[४५९] तप्पभिरं च णं से गंगेये अणगारे समणं भगवं महावीरं पच्चभिजाणइ सव्वण्णू
सव्वदरिसी ।
तए णं से गंगेये अणगारे समणं भगवं महावीरं तिक्खुत्तो आयाहिणपयाहिणं करेइ, करेत्ता वंदइ नमंसइ, वंदित्ता नमंसित्ता एवं वयासी - इच्छामि णं भंते! तुब्भं अंतियं चाउज्जामाओ धम्माओ [दीपरत्नसागर संशोधितः ]
[201]
[५-भगवई]