Page Text
________________
सतं-९, वग्गो - ,सत्तंसत्तं- , उद्देसो-३२
अहवा जोइसियएसु य भवणवासीसु य वाणमंतरेसु य होज्जा। अहवा जोइसिएसु य
भवणवासीसु य वेमाणिएसु य होज्जा। अहवा जोइसिएसु य वाणमंतरेसु य वेमाणिएस य होज्जा।
अहवा जोइसिएसु य भवणवासीसु य वाणमंतरेसु य वेमाणिएसु य होज्जा।
एयस्स णं भंते! भवणवासिदेवपवेसणगस्स वाणमंतरदेवपवेसणगस्स जोइसियदेवपवेसणगस्स वेमाणियदेवपवेसणगस्स य कयरे कयरेहिंतो जाव विसेसाहिए वा ? गंगेया ! सव्वत्थोवे वेमाणियदेवपवेसणए, भवणवासिदेवपवेसणए असंखेज्जगुणे, वाणमंतरदेवपवेसणए असंखेज्जगुणे, जोइसियदेवपवेसणए संखेज्जगणे।
[४५७] एयस्स णं भंते! नेरइयपवेसणगस्स तिरिक्ख. मणुस्स. देवपवेसणगस्स य कयरे कयरेहिंतो जाव विसेसाहिए वा? गंगेया! सव्वत्थोवे मणुस्सपवेसणए, नेरइयपवेसणए असंखेज्जगुणे, देवपवेसणए असंखेज्जगुणे, तिरिक्खजोणियपवेसणए असंखेज्जगणे।
[४५८] संतरं भंते! नेरइया उववज्जंति? निरंतरं नेरइया उववज्जंति? संतरं असुरकुमारा उववज्जंति? निरंतरं असुरकुमारा उववज्जति जाव संतरं वेमाणिया उववज्जंति? निरंतरं वेमाणिया उववज्जति? संतरं नेरइया उववटांति? निरंतरं नेरतिया उव्वटांति? जाव संतरं वाणमंतरा उव्वटांति? निरंतरं वाणमंतरा उव्वांति? संतरं जोइसिया चयंति? निरंतरं जोइसिया चयंति? संतरं वेमाणिया चयंति? निरंतरं वेमाणिया चयंति? गंगेया! संतरं पि नेरतिया उववज्जंति, निरंतरं पि नेरतिया उववज्जंति जाव संतरं पि थणियकुमारा उववज्जति, निरंतरं पि थणियकुमारा उववज्जंति। नो संतरं पुढविक्काइया उववज्जंति, निरंतरं पुढविक्काइया उववज्जंति; एवं जाव वणस्सइकाइया। सेसा जहा नेरइया जाव संतरं पि वेमाणिया उववज्जंति, निरंतरं पि वेमाणिया उववज्जति। संतरं पि नेरइया उव्वांति, निरंतरं पि नेरइया उव्वांति; एवं जाव थणियकुमारा। नो संतरं पुढविक्काइया उव्वांति, निरंतरं पुढविक्काइया उव्वांति; एवं जाव वणस्सइकाइया। सेसा जहा नेरइया, नवरं जोइसिय-वेमाणिया चयंति अभिलावो, जाव संतरं पि वेमाणिया चयंति, निरंतरं पि वेमाणिया चयंति।
सओ भंते ! नेरतिया उववज्जंति ? असओ भंते! नेरइया उववज्जंति? गंगेया! सओ नेरइया उववज्जंति, नो असओ नेरइया उववज्जति। एवं जाव वेमाणिया।सओ भंते! नेरतिया उव्वांति, असओ नेरइया उव्वांति? गंगेया! सतो नेरइया उव्वांति, नो असओ नेरइया उव्वांति। एवं जाव वेमाणिया, नवरं जोइसिय-वेमाणिएस् 'चयंति' भाणियव्वं सओ भंते! नेरइया उववज्जंति, असओ भंते! नेरइया उववज्जंति? सओ असुरकुमारा उववज्जंति जाव सतो वेमाणिया उववज्जंति, असतो वेमाणिया उववज्जंति? सतो नेरतिया उव्वांति, असतो नेरइया उव्वति? सतो असुरकुमारा उव्वांति जाव सतो वेमाणिया चयंति, असतो वेमाणिया चयंति? गंगेया! सतो नेरइया उववज्जति, नो असओ नेरइया उववज्जंति, सओ असुरकुमारा उववज्जंति, नो असतो असुरकुमारा उववज्जंति, जाव सओ वेमाणिया उववज्जति, नो असतो वेमाणिया उववज्जंति। सतो नेरतिया उव्वांति, नो असतो नेरइया उव्वांति; जाव सतो वेमाणिया चयंति, नो असतो वेमाणिया.।
से केणठेणं भंते! एवं बुच्चइ सतो नेरइया उववज्जंति, नो असतो नेरइया उववज्जंति; जाव सओ वेमाणिया चयंति, नो असओ वेमाणिया चयंति? से नूणं गंगेया! पासेणं अरहया पुरिसादाणीएणं
[दीपरत्नसागर संशोधितः]
[200]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |