Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 200

सतं-९, वग्गो - ,सत्तंसत्तं- , उद्देसो-३२
एयस्स णं भंते! एगिंदियतिरिक्खजोणियपवेसणगस्स जाव पंचिंदियतिरिक्खजोणियपवेसणयस्स य कयरे कयरेहिंतो जाव विसेसाहिए वा? गंगेया! सव्वत्थोवे पंचिंदियतिरिक्खजोणियपवेसणए, चरिंदियतिरिक्खजोणियप०विसेसाहिए, तेइंदिय विसेसाहिए, बेइंदिय विसेसाहिए, एगिदियतिरिक्ख० विसे०
[४५५] मणुस्सपवेसणए णं भंते! कतिविहे पन्नते? गंगेया! दुविहे पण्णते, तं जहासम्मुच्छिममणुस्सपवेसणए, गब्भवक्कंतियमणुस्सपवेसणए य।
एगे भंते! मणुस्से मणुस्सपवेसणए णं पविसमाणे किं सम्मुच्छिममणुस्सेसु होज्जा, गब्भवक्कंतियमणुस्सेसु होज्जा? गंगेया! सम्मुच्छिममणुस्सेसु वा होज्जा, गब्भवक्कंतियमणुस्सेसु वा होज्जा।
___ दो भंते! मणुस्सा. पुच्छा। गंगेया! सम्मुच्छिममणुस्सेसु वा होज्जा, गब्भवक्कंतियमणुस्सेसु वा होज्जा। अहवा एगे सम्मुच्छिममणुस्सेसु होज्जा, एगे गब्भवक्कंतियमणुस्सेसु होज्जा। एवं एएणं कमेणं जहा नेरइयपवेसणए तहा मणुस्सपवेसणए वि भाणियव्वे जाव दस।
संखेज्जा भंते! मणुस्सा. पुच्छा। गंगेया! सम्मुच्छिममणुस्सेसु वा होज्जा गब्भवक्कंतियमणुस्सेसु वा होज्जा। अहवा एगे सम्मुच्छिममणुस्सेसु होज्जा, संखेज्जा गब्भवक्कंतियमणुस्सेसु होज्जा। अहवा दो सम्मुच्छिममणुस्सेसु होज्जा, संखेज्जा गब्भवक्कंतियमणुस्सेसु होज्जा। एवं एक्केक्कं ओसारितेसु जाव अहवा संखेज्जा सममुच्छिममणुस्सेसु होज्जा, संखेज्जा गब्भवक्कंतियमणुस्सेसु होज्जा।
असंखेज्जा भंते! मणुस्सा. पुच्छा। गंगेया! सव्वे वि ताव सम्मुच्छिममणुस्सेसु होज्जा। अहवा असंखेज्जा सम्मुच्छिममणुस्सेसु, एगे गब्भवक्कंतियमणुस्सेसु होज्जा। अहवा असंखेज्जा सम्मुच्छिम मणुस्सेसु, दो गब्भवक्कंतियमणुस्सेसु होज्जा। एवं जाव असंखेज्जा सम्मुच्छिममणुस्सेसु होज्जा, संखेज्जा गब्भवक्कंतियमणुस्सेस् होज्जा।
उक्कोसा भंते! मणुस्सा पुच्छा। गंगेया! सव्वे वि ताव सम्मुच्छिममणुस्सेसु होज्जा। अहवा गब्भवक्कंतियमणुस्सेसु वा होज्जा अहवा सम्मुच्छिममणुस्सेसु वा गब्भवक्कंतियमणुस्सेसु वा होज्जा।
एयस्स णं भंते! सम्मुच्छिममणुस्सपवेसणगस्स गब्भवक्कंतियमणुस्सपवेसणगस्स य कयरे कयरेहिंतो जाव विसेसाहिए वा? गंगेया! सव्वत्थोवे गब्भवक्कंतियमणुस्सपवेसणए, सम्मुच्छिममणुस्स पवेसणए असंखेज्जगुणे।
[४५६] देवपवेसणए णं भंते! कतिविहे पण्णते? गंगेया! चव्विहे पण्णत्ते, तं जहाभवणवासिदेवपवेसणए जाव वेमाणियदेवपवेसणए।
एगे भंते! देवे देवपवेसणए णं पविसमाणे किं भवणवासीस होज्जा वाणमंतर-जोइसियवेमाणिएसु होज्जा? गंगेया! भवणवासीसु वा होज्जा वाणमंतर-जोइसिय-वेमाणिएसु वा होज्जा।
दो भंते! देवा देवपवेसणए. पुच्छा। गंगेया! भवणवासीस् वा होज्जा, वाणमंतर-जोइसियवेमाणिएसु वा होज्जा।
अहवा एगे भवणवासीसु, एगे वाणमंतरेसु होज्जा। एवं जहा तिरिक्खजोणियपवेसणए तहा देवपवेसणए वि भाणियव्वे जाव असंखिज्ज ति।
उक्कोसा भंते!. पुच्छा। गंगेया! सव्वे वि ताव जोइसिएस् होज्जा।
अहवा जोइसिय-भवणवासीसु य होज्जा। अहवा जोइसिय-वाणमंतरेसु य होज्जा। अहवा जोइसिय-वेमाणिएस् य होज्जा। [दीपरत्नसागर संशोधितः]
[199]
[५-भगवई