Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 199

सतं-९, वग्गो - ,सत्तंसत्तं- , उद्देसो-३२
अहवा रयणप्पभाए य सक्करप्पभाए य होज्जा। अहवा रयणप्पभाए य वालुयप्पभाए य होज्जा, जाव अहवा रयणप्पभाए य अहेसत्तमाए य होज्जा।
अहवा रयणप्पभाए य सक्करप्पभाए य वालुयप्पभाए य होज्जा। एवं जाव अहवा रयण., सक्करप्पभाए य अहेसत्तमाए य होज्जा। अहवा रयण., वालुय., पंकप्पभाए य होज्जा; जाव अहवा रयण., वालुय, अहेसत्तमाए य होज्जा। अहवा रयण., पंकप्पभाए य, धूमाए य होज्जा। एवं रयणप्पभं अमुयंतेसु जहा तिण्हं तियासंजोगो भणिओ तहा भाणियव्वं जाव अहवा रयण., तमाए य, अहेसत्तमाए य होज्जा ।
अहवा रयणप्पभाए य, सक्करप्पभाए य, वालुय., पंकप्पभाए य होज्जा। अहवा रयणप्पभाए य, सक्करप्पभाए य, वालुय०, धूमप्पभाए य होज्जा; जाव अहवा रयणप्पभाए य, सक्करप्पभाए य, वालुय., अहेसत्तमाए य होज्जा। अहवा रयण., सक्कर., पंक., धूमप्पभाए य होज्जा। एवं रयणप्पभं अमुयंतेसु जहा चठण्हं चठक्कसंजोगो तहा भाणियव्वं जाव अहवा रयण., धूम., तमाए य, अहेसत्तमाए होज्जा। अहवा रयण., सक्कर., वालुय., पंक., धूमप्पभाए य होज्जा। अहवा रयणप्पभाए जाव पंक., तमाए य होज्जा। अहवा रयण. जाव पंक., अहेसत्तमाए य होज्जा ३। अहवा रयण., सक्कर., वालुय., धूम., तमाए य होज्जा। एवं रयणप्पभं अमुयंतेसु जहा पंचण्हं पंचकसंजोगो तहा भाणियव्वं जाव अहवा रयण., पंकप्पभा., जाव अहेसत्तमाए होज्जा।
अहवा रयण., सक्कर., जाव धूमप्पभाए, तमाए य होज्जा। अहवा रयण., जाव धूम., अहेसत्तमाए य होज्जा। अहवा रयण., सक्कर., जाव पंक., तमाए य, अहेसत्तमाए य होज्जा। अहवा रयण., सक्कर., वालुय., धूमप्पभाए, तमाए, अहेसत्तमाए होज्जा। अहवा रयण., सक्कर., पंक. जाव अहेसत्तमाए य होज्जा। अहवा रयण., वालुय., जाव अहेसत्तमाए होज्जा।
अहवा रयणप्पभाए य, सक्कर., जाव अहेसत्तमाए होज्जा।
एयस्स णं भंते! रयणप्पभापुढविनेरइयपवेसणगस्स सक्करप्पभापुढवि. जाव अहेसत्तमापुढवि नेरइयपवेसणगस्स य कयरे कयरेहिंतो जाव विसेसाहिए वा? गंगेया! सव्वत्थोवे अहेसत्तमापुढविनेरइय पवेसणए, तमापुढविनेरइयपवेसणए असंखेज्जगुणे, एवं पडिलोमगं जाव रयणप्पभापुढविनेरइयपवेसणए असंखेज्जगुणे।
[४५४] तिरिक्खजोणियपवेसणए णं भंते! कतिविहे पण्णत्ते? गंगेया! पंचविहे पण्णत्ते, तं जहा-एगिंदियतिरिक्खजोणियपवेसणए जाव पंचेंदियतिरिक्खजोणियपवेसणए।
एगे भंते! तिरिक्खजोणिए तिरिक्खजोणियपवेसणए णं पविसमाणे किं एगिदिएसु होज्जा जाव पंचिंदिएसु होज्जा? गंगेया! एगिदिएसु वा होज्जा जाव पंचिंदिएसु वा होज्जा।
दो भंते! तिरिक्खजोणिया. पुच्छा। गंगेया! एगिदिएसु वा होज्जा जाव पंचिंदिएसु वा होज्जा
अहवा एगे एगिदिएसु होज्जा एगे बेइंदिएसु होज्जा। एवं जहा नेरइयपवेसणए तहा तिरिक्खजोणियपवेसणए वि भाणियव्वे जाव असंखेज्जा।
उक्कोसा भंते! तिरिक्खजोणिया. पुच्छा। गंगेया! सव्वे वि ताव एगेंदिएसु वा होज्जा। अहवा एगिदिएस् वा बेइंदिएसु वा होज्जा। एवं जहा नेरतिया चारिया तहा तिरिक्खजोणिया वि चारेयव्वा। एगिंदिया अमुयंतेसु दुयासंजोगो तियासंजोगो चठक्कसंजोगो पंचसंजोगो उवउज्जिऊण भाणियव्वो जाव अहवा एगिदिएसु वा बेइंदिय जाव पंचिंदिएसु वा होज्जा। [दीपरत्नसागर संशोधितः]
[198]
[५-भगवई