Page Text
________________
सतं-९, वग्गो - ,सत्तंसत्तं- , उद्देसो-३२
जहा नवण्हं, नवरं एक्केक्को अब्भहिओ संचारेयव्वो। सेसं तं चेव। अपच्छिमआलावगो- अहवा चत्तारि रयण., एगे सक्करप्पभाए जाव एगे अहेसत्तमाए होज्जा।
० संखेज्जा भंते! नेरइया नेरइयप्पवेसणए णं पविसमाणा. पुच्छा। गंगेया! रयणप्पभाए वा होज्जा जाव अहेसत्तमाए वा होज्जा।
अहवा एगे रयणप्पभाए, संखेज्जा सक्करप्पभाए होज्जा, एवं जाव अहवा एगे रयणप्पभाए, संखेज्जा अहेसत्तमाए होज्जा। अहवा दो रयण., संखेज्जा सक्करप्पभाए वा होज्जा; एवं जाव अहवा दो रयण., संखेज्जा अहेसत्तमाए होज्जा। अहवा तिण्णि रयण., संखेज्जा सक्करप्पभाए होज्जा। एवं एएणं कमेणं एक्केक्को संचारेयव्वो जाव अहवा दस रयण., संखेज्जा सक्करप्पभाए होज्जा, एवं जाव अहवा दस रयण., संखेज्जा सक्करप्पभाए होज्जा, एवं जाव अहवा दस रयण., संखेज्जा अहेसत्तमाए होज्जा। अहवा संखेज्जा रयण., संखेज्जा सक्करप्पभाए होज्जा; जाव अहवा संखेज्जा रयणप्पभाए, संखेज्जा अहेसत्तमाए होज्जा। अहवा एगे सक्कर., संखेज्जा वालुयप्पभाए होज्जा; एवं जहा रयणप्पभा उवरिमपुढवीहिं समं चारिया एवं सक्करप्पभा वि उवरिमपुढवीहिं समं चारेयव्वा। एवं एक्केक्का पुढवी उवरिमपुढवीहिं समं चारेयव्वा जाव अहवा संखेज्जा तमाए, संखेज्जा अहेसत्तमाए होज्जा।
अहवा एगे रयण., एगे सक्कर., संखेज्जा वालुयप्पभाए होज्जा। अहवा एगे रयण., एगे सक्कर., संखेज्जा पंकप्पभाए होज्जा। जाव अहवा एगे रयण., एगे सक्कर., संखेज्जा अहेसत्तमाए होज्जा। अहवा एगे रयण., दो सक्कर., संखेज्जा वालुयप्पभाए होज्जा। जाव अहवा एगे रयण०. दो सक्कर०, संखेज्जा अहेसत्तमाए होज्जा। अहवा एगे रयण०, तिण्णि सक्कर०, संखेज्जा वालुयप्पभाए होज्जा। एवं एएणं कमेणं एक्केक्को संचारेयव्वो सक्करप्पभाए जाव अहवा एगे रयण., संखेज्जा सक्कर., संखेज्जा वालुयप्पभाए होज्जा; जाव अहवा एगे रयण., संखेज्जा वालुय., संखेज्जा अहेसत्तमाए होज्जा। अहवा दो रयण., संखेज्जा सक्कर., संखेज्जा अहेसत्तमाए होज्जा। अहवा तिण्णि रयण., संखेज्जा सक्कर., संखेज्जा वालुयप्पभाए होज्जा। एवं एएणं कमेणं एक्केक्को रयणप्पभाए संचारेयव्वो जाव अहवा संखेज्जा रयण., संखेज्जा सक्कर., संखेज्जा अहेसत्तमाए होज्जा। अहवा एगे रयण., एगे वालुय., संखेज्जा पंकप्पभाए होज्जा; जाव अहवा एगे रयण., एगे वालुय., संखेज्जा अहेसत्तमाए होज्जा। अहवा एगे रयण., दो वालुय., संखेज्जा पंकप्पभाए होज्जा। एवं एएणं कमेणं तियासंजोगो चठक्कसंजोगो जाव सत्तगसंजोगो य जहा दसण्हं तहेव भाणियव्वो। पच्छिमो आलावगो सत्तसंजोगस्स-अहवा संखेज्जा रयण.,संखेज्जा सक्कर., जाव संखेज्जा अहेसत्तमाए होज्जा।
. असंखेज्जा भंते! नेरइया नेरइयपवेसणए णं. पुच्छा। गंगेया! सयणप्पभाए वा होज्जा जाव अहेसत्तमाए वा होज्जा।
अहवा एगे रयण., असंखेज्जा सक्करप्पभाए होज्जा। एवं यासंजोगो जाव सत्तगसंजोगो य जहा संखिज्जाणं भणिओ तहा असंखेज्जाण वि भाणियव्वो, नवरं असंखेज्जओ अब्भहिओ भाणियव्वो, सेसं तं चेव जाव सत्तगसंजोगस्स पच्छिमो आलावगो-अहवा असंखेज्जा रयण. असंखेज्जा सक्कर. जाव असंखेज्जा अहेसत्तमाए होज्जा।
उक्कोसा णं भंते! नेरइया नेरतियपवेसणए णं. पुच्छा? गंगेया! सव्वे वि ताव रयणप्पभाए होज्जा।
[दीपरत्नसागर संशोधितः]
[197]
[५-भगवई]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |