Page Text
________________
सतं-१, वग्गो- ,सतंसतं- , उद्देसो-५
इमीसे णं भंते! जाव किं णाणी, अण्णाणी? गोयमा! णाणी वि, अण्णाणी वि। तिण्णि नाणाणि नियमा, तिण्णि अण्णाणाइं भयणाए।
इमीसे णं भंते! जाव आभिणिबोहियणाणे वटटमाणा.? सत्तावीसं भंगा। एवं तिण्णि णाणाई, तिण्णि य अण्णाणाई भाणियव्वाइं। इमीसे णं जाव किं मणजोगी, वइजोगी, कायजोगी? तिण्णि वि। इमीसे णं जाव मणजोए वट्टमाणा किं कोहोवउत्ता.? सत्तावीसं भंगा। एवं वइजोए। एवं कायजोए।
इमीसे णं जाव नेरइया किं सागारोवयुत्ता, अणागारोवयुत्ता? गोयमा! सागारोवठत्ता वि, अणागारोवयुत्ता वि।
इमीसे णं जाव सागारोवओगे वट्टमाणा किं कोहोवउत्ता.? सत्तावीसं भंगा। एवं अणागारोवउत्ते वि सत्तावीसं भंगा। एवं सत्त वि पुढवीओ नेतव्वाओ। णाणतं लेसास्, [६५] काऊ य दोसु, ततियाए मीसिया, नीलिया चउत्थीए।
पंचमियाए मीसा, कण्हा, तत्तो परमकण्हा ।। [६६] चउसट्ठीए णं भंते! असुरकुमारावाससतसहस्सेसु एगमेगंसि असुरकुमारावासंसि असुरकुमाराणं केवतिया ठिइठाणा पण्णता? गोयमा! असंखेज्जा ठितिठाणा पण्णता। तं जहा-जहन्निया ठिई जहा नेरतिया तहा, नवरं पडिलोमा भंगा भाणियव्वा-सव्वे वि ताव होज्ज लोभोवयुत्ता, अधवा लोभोवयुत्ता य मायोवउत्ते य, अहवा लोभोवयुत्ता य मायोवयुत्ता य। एतेणं गमेणं नेतव्वं जाव थणियकुमारा, नवरं णाणतं जाणितव्वं।
[१७] असंखेज्जेसु णं भंते! पुढविकाइयावाससतसहस्सेसु एगमेगंसि पुढविकाइयावासंसि पुढविक्काइयाणं केवतिया ठितिठाणा पण्णता? गोयमा! असंखेज्जा ठितिठाणा पण्णत्ता। तं जहा-जहन्निया ठिई जाव तप्पाउग्गुक्कोसिया ठिती।
__ असंखेज्जेसु णं भंते! पुढविक्काइयावाससतसहस्सेसु एगमेगंसि पुढविक्काइयावासंसि जहन्नठितीए वट्टमाणा पुढविक्काइया किं कोधोवउत्ता, माणोवयुत्ता, मायोवउत्ता, लोभोवउत्ता? गोयमा! कोहोवठत्ता वि माणोवउत्ता वि मायोवयुत्ता वि लोभोवत्ता वि। एवं पुढविक्काइयाणं सव्वेसु वि ठाणेसु अभंगयं, नवरं तेउलेस्साए असीति भंगा।
एवं आउक्काइया वि। तेक्काइय-वाठक्काइयाणं सव्वेसु वि ठाणेसु अभंगयं। वणप्फतिकाइया जधा पुढविक्काइया।
[६८] बेइदिय-तेइंदिय-चरिंदियाणं जेहिं ठाणेहिं नेरतियाणं असीइ भंगा तेहिं ठाणेहिं असीइं चेव। नवरं अब्भहिया सम्मत्ते, आभिणिबोहियनाणे सुयनाणे य, एएहिं असीइ भंगा;
जेहिं ठाणेहिं नेरतियाणं सत्तावीसं भंगा तेसु ठाणेसु सव्वेसु अभंगयं। पंचिंदियतिरिक्खजोणिया जधा नेरइया तधा भाणियव्वा, नवरं जेहिं सत्तावीसं भंगा तेहिं अभंगयं कायव्वं। जत्थ असीति तत्थ असीतिं चेव।
[दीपरत्नसागर संशोधितः]
[19]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |