Page Text
________________
सतं-१, वग्गो- ,सतंसतं- , उद्देसो-५
वासंसि समयाधियाए जहन्नट्ठितीए वट्टमाणा नेरइया किं कोधोवउत्ता, माणोवउत्ता, मायोवउत्ता, लोभोवउत्ता? गोयमा! कोहोवठत्ते य माणोवउत्ते य मायोवठत्ते य लोभोवउत्ते य ४। कोधोवत्ता य माणोवठत्ता य मायोवत्ता य लोभोवत्ता य ८। अधवा कोहोवउत्ते य माणोवउत्ते य १०, अधवा कोहोवउत्ते य माणोवयुत्ता य १२, एवं असीति भंगा नेयव्वा, एवं जाव संखिज्जसमयाधिया ठिई। असंखेज्जसमयाहियाए ठिईए तप्पाउग्गुक्कोसियाए ठिईए सत्तावीसं भंगा भाणियव्वा।
[३] इमीसे णं भंते! रतणप्पभाए पुढवीए तीसाए निरयावाससयसहस्सेसु एगमेगंसि निरयावासंसि नेरइयाणं केवतिया ओगाहणाठाणा पण्णता? गोयमा! असंखेज्जा ओगाहणाठाणा पण्णत्ता। तं जहा-जघन्निया ओगाहणा, पदेसाहिया जहन्निया ओगाहणा, दुप्पदेसाहिया जहन्निया ओगाहणा जाव असंखिज्जपदेसाहिया जहन्निया ओगाहणा, तप्पाउग्गुक्कोसिया ओगाहणा।
___ इमीसे णं भंते! रतणप्पभाए पुढवीए तीसाए निरयावससयसहस्सेसु एगमेगंसि निरयावासंसि जहन्नियाए ओगाहणाए वट्टमाणा नेरतिया किं कोहोवउत्ता.? असीति भंगा भाणियव्वा जाव संखिज्जपदेसाधिया जहन्निया ओगाहणा।
असंखेज्जपदेसाहियाए जहन्नियाए ओगाहणाए वट्टमाणाणं तप्पाउग्गुक्कोसियाए ओगाहणाए वट्टमाणाणं नेरइयाणं दोस् वि सत्तावीसं भंगा।
इमीसे णं भंते! रयण. जाव एगमेगंसि निरयावासंसि नेरतियाणं कति सरीरया पण्णता? गोयमा! तिण्णि सरीरया पण्णता। तं जहा-वेठव्विए तेयए कम्मए।
इमीसे णं भंते! जाव वेठब्वियसरीरे वट्टमाणा नेरतिया किं कोहोवयुत्ता.? सत्तावीसं भंगा। एतेणं गमेणं तिण्णि सरीरा भाणियव्वा।
[६४] इमीसे णं भंते! रयणप्पभाए पुढवीए जाव नेरइयाणं सरीरगा किंसंघयणा पण्णता? गोयमा! छण्हं संघयणाणं असंघयणी, नेवऽट्ठी, नेव छिरा, नेव पहारूणि। जे पोग्गला अणिट्ठा अकंता अप्पिया असुभा अमणुण्णा अमणामा ते तेसिं सरीरसंघातत्ताए परिणमंति।
___ इमीसे णं भंते! जाव छण्हं संघयणाणं असंघयणे वट्टमाणा नेरतिया किं कोहोवउत्ता ? सत्तावीसं भंगा।
इमीसे णं भंते! रयणप्पभा जाव सरीरया किंसंठिता पण्णता? गोयमा! दुविधा पण्णत्ता। तं जहा-भवधारणिज्जा य उत्तरवेठव्विया य। तत्थ णं जे ते भवधारणिज्जा ते हंडसंठिया पण्णता। तत्थ णं जे ते उत्तरवेठब्विया ते वि हंडसंठिया पण्णता।
इमीसे णं जाव हंडसंठाणे वट्टमाणा नेरतिया किं कोहोवउत्ता.? सत्तावीसं भंगा।
इमीसे णं भंते! रयणप्पभाए पुढवीए नेरइयाणं कति लेसाओ पण्णताओ? गोयमा! एक्का काउलेसा पण्णत्ता।
इमीसे णं भंते! रयणप्पभाए जाव काउलेस्साए वट्टमाणा. ? सत्तावीसं भंगा। इमीसे णं जाव किं सम्मद्दिट्ठी मिच्छद्दिट्ठी? तिण्णि वि। इमीसे णं जाव सम्मइंसणे वट्टमाणा नेरइया.? सत्तावीसं भंगा। एवं मिच्छइंसणे वि। सम्ममिच्छङ्घसणे असीति भंगा।
[दीपरत्नसागर संशोधितः]
[18]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |