Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 191

सतं-९, वग्गो - ,सत्तंसत्तं- , उद्देसो-३१
लभेज्जा सवणयाए? गोयमा! सोच्चा णं केवलिस्स वा जाव अत्थेगतिए केवलिपण्णत्तं धम्म.। एवं जा चेव असोच्चाए वत्तव्वया सा चेव सोच्चाए वि भाणियव्वा, नवरं अभिलावो सोच्चेति। सेसं तं चेव निरवसेसं जाव 'जस्स णं मणपज्जवनाणावरणिज्जाणं कम्माणं खओवसमे कडे भवइ, जस्स णं केवलनाणावरणिज्जाणं कम्माणं खए कडे भवइ से णं सोच्चा केवलिस्स वा जाव उवासियाए वा केलिपण्णत्तं धम्म लभिज्ज सवणयाए, केवलं बोहिं बुज्झेज्जा जाव केवलनाणं उप्पाडेज्जा ।
तस्स णं अट्ठमंअट्ठमेणं अनिक्खित्तेणं तवोकम्मेणं अप्पाणं भावेमाणस्स पगइभद्दयाए तहेव जाव गवसणं करेमाणस्स ओहिणाणे समुप्पज्जइ। से णं तेणं ओहिनाणेणं समुप्पन्नेणं जहन्नेणं अंगुलस्स असंखेज्जइभागं, उक्कोसेणं असंखेज्जाइं अलोए लोयप्पमाणमेताइं खंडाइं जाणइ पासइ।
से णं भंते! कतिसु लेस्सासु होज्जा? गोयमा! छसु लेस्सासु होज्जा, तं जहा-कण्हलेसाए जाव सुक्कलेसाए।
से णं भंते! कतिसु णाणेसु होज्जा? गोयमा! तिसु वा चठसु वा होज्जा। तिसु होज्जमाणे आभिणिबोहियनाण-सुयनाण-ओहिनाणेसु होज्जा, चठसु होज्जमाणे आभिणिबोहियनाण-सुयनाण-ओहिनाणमणपज्जवनाणेस् होज्जा।
से णं भंते! किं सजोगी होज्जा, अजोगी होज्जा? एवं जोगो उवओगो संघयणं संठाणं उच्चतं आउयं च एयाणि सव्वाणि जहा असोच्चाए तहेव भाणियव्वाणि।
से णं भंते! किं सवेदए. पुच्छा। गोयमा! सवेदए वा होज्जा, अवेदए वा होज्जा।
जइ अवेदए होज्जा किं उवसंतवेयए होज्जा, खीणवेयए होज्जा? गोयमा! नो उवसंतवेदए होज्जा, खीणवेदए होज्जा।
जइ सवेदए होज्जा किं इत्थीवेदए होज्जा. पुच्छा। गोयमा! इत्थीवेदए वा होज्जा, पुरिसवेदए वा होज्जा, पुरिसनपुंसगवेदए वा होज्जा।
से णं भंते! सकसाई होज्जा? अकसाई होज्जा? गोयमा! सकसाई वा होज्जा, अकसाई वा होज्जा।
जइ अकसाई होज्जा किं उवसंतकसाई होज्जा, खीणकसाई होज्जा? गोयमा नो उवसंतकसाई होज्जा, खीणकसाई होज्जा।
जइ सकसाई होज्जा से णं भंते! कतिसु कसाएसु होज्जा? गोयमा! चठसु वा, तिसु वा, दोसु वा, एक्कम्मि वा होज्जा। चठसु होमाणे चठसु संजलणकोह-माण-माया-लोभेसु होज्जा, तिसु होमाणे तिसु संजलणमाण-माया-लोभेसु होज्जा, दोसु होमाणे दोसु संजलणमाया-लोभेसु होज्जा, एगम्मि होमाणे एगम्मि संजलणे लोभे होज्जा।
तस्स णं भंते! केवतिया अज्झवसाणा पण्णता? गोयमा! असंखेज्जा, एवं जहा असोच्चाए तहेव जाव केवलवरनाण-दंसणे समुप्पज्जइ
से णं भंते! केवलिपण्णत्तं धम्म आघविज्जा वा, पण्णवेज्जा वा, परूविज्जा वा? हंता, आघविज्ज वा, पण्णवेज्ज वा, परवेज्ज वा।
से णं भंते! पव्वावेज्ज वा मुंडावेज्ज वा? हंता, गोयमा! पव्वावेज्ज वा, मुंडावेज्ज वा। तस्स णं भंते! सिस्सा वि पव्वावेज्ज वा, मुंडावेज्ज वा? हंता, पव्वावेज्ज वा मुंडावेज्ज वा।
[दीपरत्नसागर संशोधितः]
[190]
[५-भगवई]