Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 190

सतं-९, वग्गो - ,सत्तंसत्तं- , उद्देसो-३१
से णं भंते! किं सवेदए होज्जा, अवेदए होज्जा? गोयमा! सवेदए होज्जा, नो अवेदए होज्जा।
जइ सवेदए होज्जा किं इत्थिवेदए होज्जा, पुरिसवेदए होज्जा, नपुंसगवेदए होज्जा, पुरिसनपुंसगवेदए होज्जा? गोयमा! नो इत्थिवेदए होज्जा, पुरिसवेदए वा होज्जा, नो नपुंसगवेदए होज्जा, पुरिसनपुंसगवेदए वा होज्जा।
से णं भंते! किं सकसाई होज्जा, अकसाई होज्जा? गोयमा! सकसाई होज्जा, नो अकसाई होज्जा।
जइ सकसाई होज्जा, से णं भंते! कतिसु कसाएस होज्जा? गोयमा! चउसु संजलणकोहमाण-माया-लोभेसु होज्जा।
तस्स णं भंते! केवतिया अज्झवसाणा पण्णत्ता? गोयमा! असंखेज्जा अज्झवसाणा पण्णत्ता। ते णं भंते! किं पसत्था अप्पसत्था? गोयमा! पसत्था, नो अप्पसत्था।
से णं तेहिं पसत्थेहिं अज्झवसाणेहिं वटामाणे अणंतेहिं नेरइयभवग्गहणेहिंतो अप्पाणं विसंजोएइ, अणंतेहिं तिरिक्खजोणिय जाव विसंजोएइ, अणंतेहिं मणुस्सभवग्गहणेहिंतो अप्पाणं विसंजोएइ, अणंतेहिं देवभवग्गहणेहिंतो अप्पाणं विसंजोएइ, जाओ वि य से इमाओ नेरइय-तिरिक्खजोणियमणुस्सदेवगतिनामाओ उत्तरपयडीओ तासिं च णं उवग्गहिए अणंताणुबंधी कोह-माण-माया-लोभे खवेइ, अणंताणुबंधी कोह-माण-माया-लोभे खवित्ता अच्चक्खाणकसाए कोह-माण-माया-लोभए खवेइ, अपच्चक्खाणकसाए कोह-माण-माया-लोभे खवित्ता पच्चक्खाणावरणे कोह-माण-माया-लोभे खवेइ, पच्चक्खाणावरणे कोह-माण-माया-लोभे खवित्ता पंचविहं नाणावरणिज्जं नवविहं दरिसणावरणिज्जं पंचविहमंतराइयं तालमत्थकडं च णं मोहणिज्जं कटा कम्मरयविकरणकरं अपव्वकरणं अणुपविठस्स अणंते अणुतरे निव्वाघाए निरावरणे कसिणे पडिपुण्णे केवलवरनाण-दंसणे समुप्पज्जति।
[४४८] से णं भंते! केवलिपण्णत्तं धम्मं आघवेज्जा वा पण्णवेज्जा वा परूवेज्जा वा? नो इणठे समठे, णऽन्नत्थ एगणाएण वा एगवागरणेण वा।
से णं भंते! पव्वावेज्ज वा मुंडावेज्ज वा? णो इणढे समढे, उवदेसं पुण करेज्जा। से णं भंते! सिज्झति जाव अंतं करेति? हंता, सिज्झति जाव अंतं करेति। [४४९]से णं भंते ! किं उड्ढं होज्जा, अहो होज्जा, तिरियं होज्जा? गोयमा! उड्ढं वा होज्जा,
अहो वा होज्जा, तिरियं वा होज्जा। उड्ढे होमाणे सद्दावइ-वियडावइ-गंधावइमालवंतपरियाएसु वा वेयड्ढपव्वएसु होज्जा, साहरणं पडुच्च सोमणसवणे वा पंडगवणे वा होज्जा। अहो होमाणे गड्डाए वा दरीए वा होज्जा, साहरणं पइच्च पायाले वा भवणे वा होज्जा। तिरियं होमाणे पण्णरससु कम्मभूमीसु होज्जा, साहरणं पडुच्च अड्ढाइज्जदीव-समुद्दतदेक्कदेसभाए होज्जा।
ते णं भंते! एगसमएणं केवतिया होज्जा? गोयमा! जहन्नेणं एक्को वा दो वा तिन्नि वा, उक्कोसेणं दस। से तेणढेणं गोयमा! एवं वुच्चइ असोच्चा णं केवलिस्स वा जाव अत्थेगतिए केवलिपण्णतं धम्म लभेज्जा सवणयाए, अत्थेगतिए असोच्चा णं केवलि जाव नो लभेज्जा सवणयाए, अत्थेगतिए असोच्चा णं केवलि जाव नो लभेज्जा सवणयाए जाव अत्थेगतिए केवलनाणं उप्पाडेज्जा, अत्थेगतिए केवलनाणं नो उप्पाडेज्जा।
[४५०] सोच्चा णं भंते! केवलिस्स वा जाव तप्पक्खियउवासियाए वा केवलिपण्णत्तं धम्म
[दीपरत्नसागर संशोधितः]
[189]
[५-भगवई