________________
सतं-९, वग्गो - ,सत्तंसत्तं- , उद्देसो-३१
तस्स णं भंते! पसिस्सा वि पव्वावेज्ज वा मुंडावेज्ज वा? हंता, पव्वावेज्ज वा मुंडावेज्ज वा। से णं भंते! सिज्झति बुज्झति जाव अंतं करेइ? हंता, सिज्झइ जाव अंतं करेइ। तस्स णं भंते! सिस्सा वि सिज्झंति जाव अंतं करेंति? हंता, सिज्झंति जाव अंतं करेंति। तस्स णं भंते! पसिस्सा वि सिज्झंति जाव अंतं करेंति? एवं चेव जाव अंतं करेंति। से णं भंते! किं उड्ढं होज्जा? जहेव असोच्चाए जाव तदेक्कदेसभाए होज्जा।
ते णं भंते! एगसमएणं केवतिया होज्जा? गोयमा! जहन्नेणं एक्को वा दो वा तिण्णि वा, उक्कोसेणं अट्ठसयं।
से तेणठेणं गोयमा! एवं वुच्चइ-सोच्चा णं केवलिस्स वा जाव केवलिउवासियाए वा जाव अत्थेगतिए केवलनाणं उप्पाडेज्जा, अत्थेगतिए केवलनाणं नो उप्पाडेज्जा।
सेवं भंते! सेवं भंते! ति जाव विहरइ।
नयमे सए इगतीसइमो उहेसो समतो.
0 बत्तीसइमो उद्देसो 0 [४५१] तेणं कालेणं तेणं समएणं वाणियगामे नगरे होत्था। वण्णओ। दूतिपलासे चेइए। सामी समोसढे। परिसा निग्गया। धम्मो कहिओ। परिसा पडिगया।
तेणं कालेणं तेणं समएणं पासावच्चिज्जे गंगेए नामं अणगारे जेणेव समणे भगवं महावीरे तेणेव उवागच्छड़, तेणेव उवागच्छित्ता समणस्स भगवओ महावीरस्स अदूरसामंते ठिच्चा समणं भगवं महावीरं एवं वयासी
संतरं भंते! नेरइया उववज्जंति, निरंतरं नेरइया उववज्जंति? गंगेया! संतरं पि नेरइया उववज्जंति, निरंतरं पि नेरइया उववज्जंति।
संतरं भंते! असुरकुमारा उववज्जति, निरंतरं असुरकुमारा उववज्जति? गंगेया! संतरं पि असुरकुमारा उववज्जंति, निरंतरं पि असुरकुमारा उववज्जंति।
एवं जाव थणियकुमारा।
संतरं भंते! पुढविकाइया उववज्जंति, निरंतरं पुढविकाइया उववज्जंति? गंगेया! नो संतरं पुढविकाइया उववज्जति, निरंतरं पढविकाइया उववज्जति।
एवं जाव वणस्सइकाइया। बेइंदिया जाव वेमाणिया, एते जहा णेरड्या।
[४५२] संतरं भंते! नेरइया उव्वटांति, निरंतरं नेरइया उव्वटांति? गंगेया! संतरं पि नेरइया उववटांति, निरंतरं पि नेरड्या उववटांति।
एवं जाव थणियकुमारा।
संतरं भंते! पुढविक्काइया उववटांति.? पुच्छा। गंगेया! णो संतरं पुढविक्काइया उववटांति, निरंतरं पुढविक्काइया उव्वट्ांति।
एवं जाव वणस्सइकाइया नो संतरं, निरंतरं उव्वांति।
[दीपरत्नसागर संशोधितः]
[191]
[५-भगवई
