Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 184

सतं-८, वग्गो - ,सत्तंसत्तं- , उद्देसो-१०
चठण्ह वि कम्माणं मणूसस्स जहा नेरइयस्स तहा भाणियव्वं, सेसं तं चेव।
[४३६] जस्स णं भंते! नाणावरणिज्जं तस्स दरिसणावरणिज्जं, जस्स दंसणावरणिज्जं तस्स नाणावरणिज्जं? गोयमा! जस्स णं नाणावरणिज्जं तस्स दंसणावरणिज्जं नियमा अत्थि, जस्स णं दरिसणावरणिज्जं तस्स वि नाणावरणिज्जं नियमा अत्थि।
जस्स णं भंते! णाणावरणिज्जं तस्स वेयणिज्जं, जस्स वेयणिज्जं तस्स णाणावरणिज्जं? गोयमा! जस्स नाणावरणिज्जं तस्स वेयणिज्जं नियमा अत्थि, जस्स पुण वेयणिज्जं तस्स णाणावरणिज्ज सिय अत्थि, सिय नत्थि।
जस्स णं भंते! नाणावरणिज्जं तस्स मोहणिज्जं, जस्स मोहणिज्जं तस्स नाणावरणिज्जं? गोयमा! जस्स नाणावरणिज्जं तस्स मोहणिज्जं सिय अत्थि सिय नत्थि, जस्स पुण मोहणिज्जं तस्स नाणावरणिज्जं नियमा अत्थि।
जस्स णं भंते! णाणावरणिज्जं तस्स आउयं.? एवं जहा वेयणिज्जेण समं भणियं तहा आउएण वि समं भाणियव्वं।
एवं नामेण वि, एवं गोएण वि समं। अंतराइएण जहा दरिसणावरणिज्जेण समं तहेव नियमा परोप्परं भाणियव्वाणि ।
जस्स णं भंते! दरिसणावरणिज्जं तस्स वेयणिज्जं, जस्स वेयणिज्जं तस्स दरिसणावरणिज्जं? जहा नाणावरणिज्जं उवरिमेहिं सत्तहिं कम्मेहिं समं भणियं तहा दरिसणावरणिज्जं पि उवरिमेहिं छहिं कम्मेहिं समं भाणियव्वं जाव अंतराइएणं ।।
- जस्स णं भंते! वेयणिज्जं तस्स मोहणिज्जं, जस्स मोहणिज्जं तस्स वेयणिज्जं? गोयमा! जस्स वेयणिज्जं तस्स मोहणिज्जं सिय अत्थि सिय नत्थि, जस्स पुण मोहणिज्जं तस्स वेयणिज्जं नियमा अत्थि।
जस्स णं भंते! वेयणिज्जं तस्स आउयं.? एवं एयाणि परोप्परं नियमा। जहा आठएण समं एवं नामेण वि, गोएण वि समं भाणियव्वं।
जस्स णं भंते! वेयणिज्जं तस्स अंतराइयं.? पुच्छा। गोयमा! जस्स वेयणिज्जं तस्स अंतराइयं सिय अत्थि सिय नत्थि, जस्स पुण अंतराइयं तस्स वेयणिज्जं नियमा अत्थि ।
जस्स णं भंते! मोहणिज्जं तस्स आउयं, जस्स आउयं तस्स मोहणिज्जं ? गोयमा ! जस्स
मोहणिज्जं तस्स आउयं नियमा अत्थि, जस्स पुण आउयं तस्स पुण मोहणिज्जं सिय अत्थि सिय नत्थि।
एवं नामं गोयं अंतराइयं च भाणियव्वं । जस्स णं भंते। आउयं तस्स नाम.? पुच्छा। गोयमा! दो वि परोप्परं नियम। एवं गोत्तेण वि समं भाणियव्वं। जस्स णं भंते! आउयं तस्स अंतराइयं.? पुच्छा। गोयमा! जस्स आउयं तस्स अंतराइयं सिय अत्थि सिय नत्थि, जस्स पुण अंतराइयं तस्स आउयं नियमा मं अत्थि ।
जस्स णं भंते! नामं तस्स गोयं, जस्स णं गोयं तस्स णं नामं? गोयमा! जस्स णं णामं तस्स णं नियमा गोयं, जस्स णं गोयं तस्स णं नियमा नाम-गोयमा! दो वि एए परोप्परं नियम।
[दीपरत्नसागर संशोधितः]
[183]
[५-भगवई