Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 183

सतं-८, वग्गो, सत्तंसत्तं-, उद्देसो - १०
सिय दव्वं, सिय दव्वदेसे, नो दव्वाइं, नो दव्वदेसा, नो दव्वं च दव्वदेसे य, नो दव्वं च दव्वदेसा य, नो दव्वाइं च दव्वदेसे य, नो दव्वाइं च दव्वदेसा य ।
दो भंते! पोग्गलत्थिकायपएसा किं दव्वं दव्वदेसे. पुच्छा तहेव । गोयमा ! सिय दव्वं ?, सिय दव्वदेसे, सिय दव्वाइं, सिय दव्वदेसा, सिय दव्वं च दव्वदेसे य, नो दव्वं च दव्वदेसा य, सेसा पडिसेहेयव्वा । तिण्णि भंते! पोग्गलत्थिकायपएसा किं दव्वं, दव्वदेसे. पुच्छा। गोयमा! सिय दव्वं, सिय दव्वदेसे, एवं सत्त भंगा भाणियव्वा, जाव सिय दव्वा च दव्वदेसे य; नो दव्वाइं च दव्वदेसा य ।
चत्तारि भंते! पोग्गलत्थिकायपएसा किं दव्वं पुच्छा। गोयमा ! सिय दव्वं, सिय दव्वदेसे, अट्ठ वि भंगा भाणियव्वा जाव सिय दव्वाइं च दव्वदेसा य ।
जहा चत्तारि भणिया एवं पंच छ सत्त जाव असंखेज्जा ।
अणंता भंते! पोग्गलत्थिकायपएसा किं दव्वं एवं चेव जाव सिय दव्वाइं च दव्वदेसा य । [४३४] केवतिया णं भंते! लोयागासपएसा पण्णत्ता ? गोयमा ! असंखेज्जा लोयागासपएसा
पण्णत्ता ।
एगमेगस्स णं भंते! जीवस्स केवइया जीवपएसा लोगागासपएसा एगमेगस्स णं जीवस्स एवतिया जीवपएसा पण्णत्ता ।
पण्णत्ता ? गोयमा ! जावतिया
[४३५] कति णं भंते! कम्मपगडीओ पण्णत्ताओ? गोयमा ! अट्ठ कम्मपगडीओ पण्णत्ताओ, तं जहा-नाणावरणिज्जं जाव अंतराइयं।
नेरइयाणं भंते! कइ कम्मपगडीओ पण्णत्ताओ? गोयमा ! अट्ठ ।
एवं सव्वजीवाणं अट्ठ कम्मपगडीओ ठावेयव्वाओ जाव वेमाणियाणं ।
नाणावर णिज्जस्स णं भंते! कम्मस्स केवतिया अविभागपलिच्छेदा पण्णत्ता? गोयमा ! अणंता
अविभागपलिच्छेदा पण्णत्ता ।
नेरइयाणं भंते! णाणावरणिज्जस्स कम्मस्स केवतिया अविभागपलिच्छेया पण्णत्ता ? गोयमा ! अणता अविभागपलिच्छेदा पण्णत्ता ।
एवं सव्वजीवाणं जाव वेमाणियाणं पुच्छा, गोयमा ! अणंता अविभागपलिच्छेदा पण्णत्ता । एवं जहा णाणावरणिज्जस्स अविभागपलिच्छेदा भणिया तहा अट्ठण्ह वि कम्मपगडीणं भाणियव्वा जाव वेमाणियाणं अंतराइयस्स ।
एगमेगस्स णं भंते! जीवस्स एगमेगे जीवपएसे णाणावरणिज्जस्स कम्मस्स केवइएहि अविभागपलिच्छेदेहिं आवेढियपरिवेढिए सिया? गोयमा ! सिय आवेढियपरिवेढिए, सिय नो आवेढियपरिवेढिए । जइ आवेढियपरिवेढिए नियमा अणंतेहिं।
एगमेगस्स णं भंते! नेरइयस्स एगमेगे जीवपएसे णाणावरणिज्जस्स कम्मस्स केवइएहिं अविभागपलिच्छेदेहिं आवेढियपरिवेढिते ? गोयमा ! नियमा अणंतेहिं ।
जहा नेरइयस्स एवं जाव वेमाणियस्स । नवरं मणूसस्स जहा जीवस्स ।
एगमेगस्स णं भंते! जीवस्स एगमेगे जीवपएसे दरिसणावरणिज्जस्स कम्मस्स केवतिएहिं . ?
एवं जहेव नाणावरणिज्जस्स तहेव दंडगो भाणियव्वो जाव वेमाणियस्स ।
एवं जाव अंतराइयस्स भाणियव्वं, नवरं वेयणिज्जस्स आउयस्स नामस्स गोयस्स, एएसिं [दीपरत्नसागर संशोधितः ]
[182]
[५-भगवई]