Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 182

सतं-८, वग्गो, सत्तंसत्तं-, उद्देसो - १०
जस्स णं भंते! उक्कोसिया णाणाराहणा तस्स उक्कोसिया दंसणाराहणा? जस्स उक्कोसिया दंसणाराहणा तस्स उक्कोसिया णाणाराहणा ? गोयमा ! जस्स उक्कोसिया णाणाराहणा तस्स दंसणाराहणा उक्कोसिया वा अजहन्नउक्कोसिया वा जस्स पुण उक्कोसिया दंसणाराहणा तस्स नाणाराहणा उक्कोसा वा जहन्ना वा अजहन्नमणुक्कोसा वा ।
जस्स णं भंते! उक्कोसिया णाणाराहणा तस्स उक्कोसिया चरिताराहणा? जस्सुक्कोसिया चरित्ताराहणा तस्सुक्कोसिया णाणाराहणा? जहा उक्कोसिया णाणाराहणा य दंसणाराहणा य भणिया तहा उक्कोसिया णाणाराहणा य चरित्ताराहणा य भाणियव्वा ।
जस्स णं भंते! उक्कोसिया दंसणाराहणा तस्सुक्कोसिया चरित्ताराहणा? जस्सुक्कोसिया चरित्ताराहणा तस्सुक्कोसिया दंसणाराहणा? गोयमा ! जस्स उक्कोसिया दंसणाराहणा तस्स चरित्ताराहणा उक्कोसा वा जहन्ना वा अजहन्नमणुक्कोसा वा, जस्स पुण उक्कोसिया चरिताराहणा तस्स दंसणाराहणा नियमा उक्कोसा।
उक्कोसियं णं भंते! णाणाराहणं आराहेत्ता कतिहिं भवग्गहणेहिं सिज्झति जाव अंतं करेति ? गोयमा! अत्थेगइए तेणेव भवग्गहणेणं सिज्झति जाव अंतं करेति । अत्थेगतिए दोच्चेणं भवग्गहणेणं सिज्झति जाव अंतं करेति । अत्थेगतिए कप्पोवएसु वा कप्पातीएसु वा उववज्जति ।
उक्कोसियं णं भंते! दंसणाराहणं आराहेत्ता कतिहिं भवग्गहणेहिं . ? एवं चेव ।
उक्कोसियं णं भंते! चरित्ताराहणं आराहेत्ता ? एवं चेव नवरं अत्थेगतिए कप्पातीएसु
उववज्जति।
मज्झिमयं णं भंते! णाणाराहणं आराहेत्ता कतिहिं भवग्गहणेहिं सिज्झति जाव अंतं करेति ? गोयमा! अत्थेगतिए दोच्चेणं भवग्गहणेणं सिज्झइ जाव अंतं करेति, तच्चं पुण भवग्गहणं नाइक्कम | मज्झिमयं णं भंते! दंसणाराहणं आराहेत्ता ? एवं चेव ।
एवं मज्झिमियं चरित्ताराहणं पि ।
जहन्नियं णं भंते! नाणाराहणं आराहेत्ता कतिहिं भवग्गहणेहिं सिज्झति जाव अंतं करेति ? गोयमा! अत्थेगतिए तच्चेणं भवग्गहणेणं सिज्झइ जाव अंतं करेइ, सत्तट्ठभवग्गहणाइं पुण नाइक्कम |
एवं दंसणाराहणं पि ।
एवं चरिताराहणं पि ।
[४३२] कतिविहे णं भंते! पोग्गलपरिणामे पण्णत्ते? गोयमा ! पंचविहे पोग्गलपरिणामे पण्णत्ते तं जहा-वण्णपरिणामे, गंधपरिणामे, रसपरिणामे, फासपरिणामे, संठाणपरिणामे | वण्णपरिणामे णं भंते! कइविहे पण्णत्ते? गोयमा ! पंचविहे पण्णत्ते, तं जहा कालवण्णपरिणामे जाव सुक्किल्लवण्णपरिणामे ।
एवं एएणं अभिलावेणं गंधपरिणामे दुविहे, रसपरिणामे पंचविहे, फासपरिणामे अट्ठविहे । संठाणपरिणामे णं भंते! कइविहे पण्णत्ते? गोयमा ! पंचविहे पण्णत्ते, तं जहापरिमंडलसंठाणपरिणामे जाव आययसंठाणपरिणामे ।
[४३३] एगे भंते! पोग्गलत्थिकायपएसे किं दव्वं, दव्वदेसे, दव्वाइं, दव्वदेसा, उदाहु दव्वं च दव्वदेसे य, उदाहु दव्वं च दव्वदेसा य, उदाहु दव्वाइं च दव्वदेसे य, उदाहु दव्वाइं च दव्वदेसा य ? गोयमा! [दीपरत्नसागर संशोधितः ]
[181]
[५-भगवई]