Page Text
________________
सतं-८, वग्गो, सत्तंसत्तं-, उद्देसो- ९
वेव्वियसरीरस्स किं बंधए, अबंधए? एवं चेव ।
एवं आहारगसरीरस्स वि।
कम्मगसरीरस्स किं बंधए, अबंधए? गोयमा ! बंधए, नो अबंधए ।
जइ बंध किं देसबंधए, सव्वबंधए ? गोयमा ! देसबंधए, नो सव्वबंधए ।
जस्स णं भंते! कम्मगसरीरस्स देसबंधे से णं भंते! ओरालियसरीरस्स. जहा तेयगस्स वत्तव्वया भणिया तहा कम्मगस्स वि भाणियव्वा जाव तेयासरीरस्स जाव देसबंधए, नो सव्वबंध ।
[४२९] एएसि णं भंते! जीवाणं ओरालिय-वेठव्विय-आहारग-तेयाकम्मासरीरगाणं
देसबंधगाणं सव्वबंधगाणं अबंधगाण य कयरे कयरेहिंतो जाव विसेसाहिया वा? गोयमा ! सव्वत्थोवा जीवा आहारगसरीरस्स सव्वबंधगा । तस्स चेव देसबंधगा संखेज्जगुणा । वेठव्वियसरीरस्स सव्वबंधगा असंखेज्जगुणा। तस्स चेव देसबंधगा असंखेज्जगुणा । तेयाकम्मगाणं दुण्ह वि तुल्ला अबंधगा अनंतगुणा । ओरालियसरीरस्स सव्वबंधगा अनंतगुणा । तस्स चेव अबंधगा विसेसाहिया । तस्स चेव देसबंधगा असंखेज्जगुणा । तेया- कम्मगाणं देसबंधगा विसेसाहिया । वेठव्वियसरीरस्स अबंधगा विसेसाहिया । आहारगसरीरस्स अबंधगा विसेसाहिया ।
सेवं भंते! सेवं भंते! ति. ।
* अट्ठमे सए नवमो उद्देसो समत्तो*
[४३०] रायगिहे नगरे जाव एवं वयासी
अन्नउत्थिया णं भंते! एवमाइक्खंति जाव एवं परूवेंति एवं खलु सीलं सेयं, सुयं सेयं, सुयं सेयं सीलं सेयं, से कहमेयं भंते! एवं? गोयमा ! जं णं ते अन्नउत्थिया एवमाइक्खंति जाव जे ते एवमाहंसु मिच्छा ते एवमाहंसु, अहं पुण गोयमा ! एवमाइक्खामि जाव परूवेमि - एवं खलु मए चत्तारि पुरिसजाया पण्णत्ता, तं जहा-सीलसंपन्ने णामं एगे, णो सुयसंपन्ने; सुयसंपन्ने नामं एगे, नो सीलसंपन्ने; एगे सीलसंपन्ने वि सुयसंपन्ने वि, एगे णो सीलसंपन्ने नो सुयसंपन्ने। तत्थ णं जे से पढमे पुरिसजाए से णं पुरिसे सीलवं, असुयवं, उवरए, अविण्णायधम्मे, एस णं गोयमा ! मए पुरिसे देसाराहए पण्णत्ते । तत्थ णं जे से दोच्चे पुरिसजाए से णं पुरिसे असीलवं, सुयवं, अणुवरए, विण्णायधम्मे, एस णं गोयमा ! मए पुरिसे देसविराहए पण्णत्ते। तत्थ णं जे से तच्चे पुरिसजाए से णं पुरिसे सीलवं, सुयवं, उवरए, विण्णायधम्मे, एस णं गोयमा ! मए पुरिसे सव्वाराहए पण्णत्ते। तत्थ णं जे से चउत्थे पुरिसजाए से णं पुरिसे असीलवं, असुतवं, अणुवरए, अविण्णायधम्मे एस णं गोयमा ! मए पुरिसे सव्वविराहए पण्णत्ते।
[४३१] कतिविहा णं भंते! आराहणा पण्णत्ता ? गोयमा ! तिविहा आराहणा पण्णत्ता, तं जहानाणाराहणा दंसणाराहणा चरिताराहणा ।
मज्झिमिया जहन्ना ।
० दसमो उद्देसो ०
णाणाराहणा णं भंते! कतिविहा पण्णत्ता? गोयमा ! तिविहा पण्णत्ता, तं जहा - उक्कोसिया
[दीपरत्नसागर संशोधितः ]
दंसणाराहणा णं भंते! . ? एवं चेव तिविहा वि । एवं चरिताराहणा वि ।
[180]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |