Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 178

सतं-८, वग्गो - ,सत्तंसत्तं- , उद्देसो-९
संखेज्जवासासठय-कम्मभूमग-गब्भवक्कंतिय-मणुस्साहारग-सरीरप्पयोगबंधे, णो अणिढिपत्तपमत्त जाव आहारग सरीरप्पयोगबंधे।
आहारगसरीरप्पयोगबंधे णं भंते! कस्स कम्मस्स उदएणं? गोयमा! वीरियसजोगसद्दव्वयाए जाव लद्धिं पइच्च आहारगसरीरप्पयोगणामाए कम्मस्स उदएणं आहारगसरीरप्पयोगबंधे।
आहारगसरीरप्पयोबंधे णं भंते! किं देसबंधे, सव्वबंधे? गोयमा! देसबंधे वि, सव्वबंधे वि।
आहारगसरीरप्पओगबंधे णं भंते! कालओ केवचिरं होइ? गोयमा! सव्वबंधे एक्कं समयं। देसबंधे जहन्नेणं अंतोमुहतं, उक्कोसेण वि अंतोमुहत्तं।
आहारगसरीरप्पयोगबंधंतरं णं भंते! कालओ केवचिरं होइ? गोयमा! सव्वबंधंतरं जहन्नेणं अंतोमुहत्तं, उक्कोसेणं अणंतं कालं-अणंताओ ओसप्पिणि-उस्सप्पिणीओ कालओ, खेतओ अणंता लोया; अवड़ढपोग्गलपरियट देसूणं। एवं देसबंधंतरं पि।
एएसि णं भंते! जीवाणं आहारगसरीरस्स देसबंधगाणं, सव्वबंधगाणं, अबंधगाण य कयरे कयरेहिंतो जाव विसेसाहिया वा? गोयमा! सव्वत्थोवा जीवा आहारगसरीरस्स सव्वबंधगा, देसबंधगा संखेज्जगुणा, अबंधगा अणंतगुणा।
[४२६] तेयासरीरप्पयोगबंधे णं भंते! कतिविहे पण्णते? गोयमा! पंचविहे पण्णते, तं जहाएगिंदियतेयासरीरप्पयोगबंधे, बेइंदिय., तेइंदिय., जाव पंचिंदियतेयासरीरप्पयोगबंधे।
एगिंदियतेयासरीरप्पयोगबंधे णं भंते! कइविहे पण्णत्ते? एवं एएणं अबिलावेणं भेदो जहा ओगाहणसंठाणे जाव पज्जत्तसव्वट्ठसिद्धअणुत्तरोववाइयकप्पातीयवेमाणियदेवपंचिंदियतेयासरीरप्पयोगबंधे य अपज्जत्तसव्वसिद्धअणुत्तरोववाइय. जाव बंधे य।
तेयासरीरप्पयोगबंधे णं भंते! कस्स कम्मस्स उदएणं? गोयमा! वीरियसजोगसद्दव्वयाए जाव आउयं वा पडुच्च तेयासरीरप्पयोगनामाए कम्मस्स उदएणं तेयासरीरप्पयोगबंधे।
तेयासरीरप्पयोगबंधे णं भंते! किं देसबंधे सव्वबंधे? गोयमा! देसबंधे, नो सव्वबंधे।
तेयासरीरप्पयोगबंधे णं भंते! कालओ केवचिरं होइ? गोयमा! दुविहे पण्णत्ते, तं जहा-अणाईए वा अपज्जवसिए, अणाईए वा सपज्जवसिए।
तेयासरीरप्पयोगबंधंतरं णं भंते! कालओ केवच्चिरं होइ? गोयमा! अणाईयस्स अपज्जवसियस्स नत्थि अंतरं, अणाईयस्स सपज्जवसियस्स नत्थि अंतरं।
एएसि णं भंते! जीवाणं तेयासरीरस्स देसबंधगाणं अबंधगाण य कयरे कयरेहिंतो जाव विसेसाहिया वा? गोयमा! सव्वत्थोवा जीवा तेयासरीरस्स अबंधगा, देसबंधगा अणंतगुणा।
[४२७] कम्मासरीरप्पयोगबंधे णं भंते! कतिविहे पण्णते? गोयमा! अट्ठविहे पण्णत्ते, तं जहा-नाणावरणिज्जकम्मासरीरप्पयोगबंधे जाव अंतराइयकम्मासरीरप्पयोगबंधे।
णाणावरणिज्जकम्मासरीरप्पयोगबंधे णं भंते! कस्स कम्मस्स उदएणं? गोयमा! नाणपडिणीययाए णाणणिण्हवणयाए णाणंतराएणं णाणप्पदोसेणं णाणच्चासादणाए णाणविसंवादणाजोगेणं णाणावरणिज्जकम्मासरीरप्पयोगनामाए कम्मस्स उदएणं णाणावरणिज्जकम्मासरीरप्पयोगबंधे।
दरिसणावरणिज्जकम्मासरीरप्पयोगबंधे णं भंते! कस्स कम्मस्स उदएणं? गोयमा! दंसणपडिणीययाए एवं जहा णाणावरणिज्जं, नवरं दंसण' नाम घेतव्वं जाव दंसणविसंवादणाजोगेणं
[दीपरत्नसागर संशोधितः]
[177]
[५-भगवई