Page Text
________________
सतं-८, वग्गो - ,सत्तंसत्तं- , उद्देसो-९
दरिसणावरणिज्जकम्मासरीरप्पयोगनामाए कम्मस्स उदएणं जाव प्पओगबंधे।
सायावेयणिज्जकम्मासरीरप्पयोगबंधे णं भंते! कस्स कम्मस्स उदएणं? गोयमा! पाणाणुकंपयाए भूयाणुकंपयाए, एवं जहा सत्तमसए दुस्समाउद्देसए जाव अपरियावणयाए सायावेयणिज्जकम्मासरीरप्पयोगनामाए कम्मस्स उदएणं सायावेयणिज्जकम्मा जाव बंधे।
अस्सायावेयणिज्ज० पुच्छा। गोयमा! परदक्खणयाए परसोयणयाए जहा सत्तमसए दुस्समा उद्देसए जाव परियावणयाएअस्सायावेयणिज्जकम्मा जाव पयोगबंधे।
मोहणिज्जकम्मासरीरप्पयोग. पुच्छा। गोयमा! तिव्वकोहयाए तिव्वमाणयाए तिव्वमाययाए तिव्वलोभयाए तिव्वदंसणमोहणिज्जयाए तिव्वचरितमोहणिज्जयाए मोहणिज्जकम्मासरीर० जाव पयोगबंधे।
नेरइयाउयकम्मासरीरप्पयोगबंधे णं भंते! पुच्छा.। गोयमा! महारंभयाए महापरिग्गयाए पंचिंदियवहेणं कुणिमाहारेणं नेरइयाउयकम्मासरीरप्पयोगनामाए कम्मस्स उदएणं नेरइयाठयकम्मासरीर. जाव पयोगबंधे।
तिरिक्खजोणियाउयकम्मासरीरप्पओग. पुच्छा। गोयमा! माइल्लायाए नियडिल्लयाए अलियवयणेणं कूडतूल-कूडमाणेणं तिरिक्खजोणियाउयकम्मासरीर जाव पयोगबंधे।
मणुस्सआठयकम्मासरीर. पुच्छा। गोयमा! पगइभद्दयाए पगइविणीययाए साणुक्कोसयाए अमच्छरिययाए मणुस्साउयकम्मा. जाव पयोगबंधे।
देवाउयकम्मासरीर. पुच्छा। गोयमा! सरागसंजमेणं संजमासंजमेणं बालतवोकम्मेणं अकामनिज्जराए देवाठयकम्मासरीर. जाव पयोगबंधे।
सुभनामकम्मासरीर. पुच्छा। गोयमा! कायउज्जुययाए भावुज्जुययाए भासुज्जुययाए अविसंवादणाजोगेणं सुभनामकम्मासरीर. जाव प्पयोगबंधे।
असुभनामकम्मासरीर. पुच्छा। गोयमा! कायअणुज्जुययाए भावअणुज्जुययाए भासअणुज्जुययाए विसंवायणाजोगेणं असुभनामकम्मा. जाव पयोगबंधे।
उच्चागोयकम्मासरीर. पुच्छा। गोयमा! जातिअमदेणं कुलअमदेणं बलअमदेणं रूवअमदेणं तवअमदेणं सुयअमदेणं लाभअमदेणं इस्सरियअमदेणं उच्चागोयकम्मासरीर. जाव पयोगबंधे।
नीयागोयकम्मासरीर. पुच्छा। गोयमा! जातिमदेणं कुलमदेणं बलमदेणं जाव इस्सरियमदेणं णीयागोयकम्मासरीर. जाव पयोगबंधे।
अंतराइयकम्मासरीर. पुच्छा। गोयमा! दाणंतराएणं लाभंतराएणं भोगंतराएणं उवभोगंतराएणं वीरियंतराएणं अंतराइयकम्मासरीरप्पयोगनामाए कम्मस्स उदएणं अंतराइयकम्मासरीरप्पयोगबंधे।
णाणावरणिज्जकम्मासरीरप्पयोगबंधे णं भंते! किं देसबंधे सव्वबंधे? गोयमा! देसबंधे, णो सव्वबंधे।
एवं जाव अंतराइयकम्मासरीरप्पओगबंधे।
णाणावरणिज्जकम्मासरीरप्पयोगबंधे णं भंते! कालओ केवच्चिरं होइ? गोयमा! णाणावरणिज्जकम्मासरीरप्पयोगबंधे विहे पण्णते, तं जहाअणाईए सपज्जवसिए, अणाईए अपज्जवसिए वा, एवं जहा तेयगस्ससंचिट्ठणा तहेव।
एवं जाव अंतराइयकम्मस्स।
[दीपरत्नसागर संशोधितः]
[178]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |