Page Text
________________
सतं-८, वग्गो - ,सत्तंसत्तं- , उद्देसो-९
एक्कं समयं, उक्कोसेणं अणंतं कालं, अणंताओ जाव आवलियाए असंखेज्जभागो। एवं देसबंधंतरं पि।
वाठक्काइयवेठव्वियसरीर. पुच्छा। गोयमा! सव्वबंधंतरं जहन्नेणं अंतोमुहुतं, उक्कोसेणं पलिओवमस्स असंखेज्जइभागं। एवं देसबंधंतरं पि।
तिरिक्खजोणियपंचिंदियवेठव्वियसरीरप्पयोगबंधंतरं. पुच्छा। गोयमा! सव्वबंधंतरं जहन्नेणं अंतोमुहत्तं, उक्कोसेणं पुव्वकोडीपुहत्तं। एवं देसबंधंतरं पि।
एवं मणूसस्स वि।
जीवस्स णं भंते! वाउकाइयत्ते नो-वाउकाइयत्ते पुणरवि वाउकाइयत्ते वाउकाइय एगिंदिय वेठव्विय पुच्छा। गोयमा! सव्वबंधंतरं जहन्नेणं अंतोमुहतं, उक्कोसेणं अणंतं कालं, वणस्सइकालो। एवं देसबंधंतरं पि
जीवस्स णं भंते! रयणप्पभापुढविनेरइयत्ते णोरयणप्पभापुढवि. पुच्छा। गोयमा! सव्वबंधंतरं जहन्नेणं दस वाससहस्साइं अंतोमुत्तमब्भहियाई, उक्कोसेणं वणस्सइकालो। देसबंधंतरं जहन्नेणं अंतोमुहतं; उक्कोसेणं अणंतं कालं, वणस्सइकालो।
एवं जाव अहेसत्तमाए, नवरं जा जस्स ठिती जहन्निया सा सव्वबंधंतरे जहन्नेणं अंतोमुत्तमब्भहिया कायव्वा, सेसं तं चेव।
पंचिंदियतिरिक्खजोणिय-मणुस्साण जहा वाठक्काइयाणं।
असुरकुमार-नागकुमार जाव सहस्सारदेवाणं एएसिं जहा रयणप्पभागाणं, नवरं सव्वबंधंतरे जस्स जा ठिती जहन्निया सा अंतोमुत्तमब्भहिया कायव्वा, सेसं तं चेव।
जीवस्स णं भंते आणयदेवत्ते नोआणय. पुच्छा। गोयमा! सव्वबंधंतरं जहन्नेणं अट्ठारस सागरोवमाई वासपुहत्तमब्भहियाइं; उक्कोसेणं अणंतं कालं, वणस्सइकालो। देसबंधंतरं जहन्नेणं वासपुहत्तं; उक्कोसेणं अणंतं कालं, वणस्सइकालो। एवं जाव अच्चुए; नवरं जस्स जा ठिती सा सव्वबंधंतरे जहन्नेणं वासपुहत्तमब्भहिया कायव्वा, सेसं तं चेव।
गेवेज्जकप्पातीय० पुच्छा। गोयमा! सव्वबंधंतरं जहन्नेणं बावीसं सागरोवमाइं वासपुहतब्भहियाइं; उक्कोसेणं अणंतं कालं, वणस्सइकालो। देसबंधंतरं जहन्नेणं वासपहत्तं, उक्कोसेणं वणस्सइकालो।
जीवस्स णं भंते! अणुततरोववातिय. पुच्छा। गोयमा! सव्वबंधंतरं जहन्नेणं एक्कत्तीसं सागरोवमाइं वासपुहत्तमब्भहियाई, उक्कोसेणं संखेज्जाइं सागरोवमाइं। देसबंधंतरं जहन्नेणं वासपहतं, उक्कोसेणं संखेज्जाइं सागरोवमाई।
एएसि णं भंते ! जीवाणं वेठव्वियसरीरस्स देसबंधगाणं, सव्वबंधगाणं, अबंधगाण य कयरे
कयरेहिंतो जाव विसेसाहिया वा? गोयमा! सव्वत्थोवा जीवा वेठब्वियसरीरस्स सव्वबंधगा, देसबंधगा असंखेज्जगुणा, अबंधगा अणंतगुणा।
आहारगसरीरप्पयोगबंधे णं भंते! कतिविहे पण्णते? गोयमा! एगागारे पण्णते।
जइ एगागारे पण्णत्ते किं मणुस्साहारगसरीरप्पयोगबंधे? अमणुस्साहारगसरीरप्पयोगबंधे? गोयमा! मणुस्साहारगसरीरप्पयोगबंधे, नो अमणुस्साहारगसरीरप्पयोगबंधे।
एवं एएणं अभिलावेणं जहा ओगाहणसंठाणे जाव इढिपत्तपमत्तसंजय सम्मद्दिट्ठि पज्जत
जाव
[दीपरत्नसागर संशोधितः]
[176]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |