Page Text
________________
सतं-८, वग्गो, सत्तंसत्तं-, उद्देसो-३
बहुबीयगा य।
से किं तं एगट्ठिया? एगट्ठिया अणेगविहा पण्णत्ता, तं जहा निंबंबजंबु एवं जहा पण्णवणापए जाव फला बहुबीयगा । से तं बहुबीयगा । से तं असंखेज्जजीविया।
से किं तं अणंतजीविया? अणंतजीविया अणेगविहा पण्णत्ता, तं जहा आलुए मूलए सिंगबेरे एवं जहा सत्तमसए जाव सीउंढी मुसुंढी, जे यावन्ने तहप्पकारा से तं अनंतजीविया ।
[३९८] अह भंते! कुम्मे कुम्मावलिया, गोहे गोहावलिया, गोणे गोणावलिया, मणुस्से मण्णुस्सावलिया, महिसे महिसावलिया, एएसि णं दुहा वा तिहा वा संखेज्जहा वा छिन्नाणं जे अंतरा ते वि णं तेहिं जीवपदेसेहिं फुडा? हंता, फुडा ।
पुरिसे णं भंते! ते अंतरे हत्थेण वा पादेण वा अंगुलियाए वा, सलागाए वा कट्ठेण वा किलिंचेण वा आमुसमाणे वा सम्मुसमाणे वा आलिहमाणे वा विलिहमाणे वा अन्नयरेण वा तिक्खेणं सत्थजातेणं आच्छिंदेमाणे वा विच्छिंदेमाणे वा, अगणिकाएणं वा समोडहमाणे तेसिं जीवपदेसाणं किंचि आबाहं वा वाबाहं वा उप्पायइ ? छविच्छेदं वा करेइ ? णो इणट्ठे समट्ठे, नो खलु तत्थ सत्थं संकमति । [३९९]कति णं भंते! पुढवीओ पण्णत्ताओ? गोयमा ! अट्ठ पुढवीओ पन्नत्ताओ, तं जहारयणपपभा जाव अहेसत्तमा पुढवी, ईसिपब्भारा।
इमा णं भंते! रयणप्पभापुढवी किं चरिमा, अचरिमा ? चरिमपदं निरवसेसं भाणियव्वं जाव वेमाणिया णं भंते! फासचरिमेणं किं चरिमा अचरिमा? गोयमा ! चरिमा वि अचरिमा वि।
सेवं भंते! सेवं भंते त्ति भगवं गोतमे ।
* अट्ठमे सए तइओ उद्देसो समत्तो • ० चत्थो उद्देसो ०
[४००] रायगिहे जाव एवं वदासि
कति णं भंते! किरियाओ पण्णत्ताओ? गोयमा ! पंच किरियाओ पण्णत्ताओ, तं जहा काइया अहिगरणिया, एवं किरियापदं निरवसेसं भाणियव्वं जाव मायावत्तियाओ किरियाओ विसेसाहियाओ ।
सेवं भंते! सेवं भंते त्ति भगवं गोयमे० |
* अट्ठमे सए चउत्थो उद्देसो समतो* ० पंचमो उद्देसो ०
[ ४०१ ] रायगिहे जाव एवं वदासि
आजीविया णं भंते! थेरे भगवंते एवं वदासि
[दीपरत्नसागर संशोधितः ]
समणोवासगस्स णं भंते! सामाइयकडस्स समणोवस्सए अच्छमाणस्स केइ भंड अवहरेज्जा, से णं भंते! तं भंडं अणुगवेसमाणे किं सभंडं अणुगवेसति ? परायगं भंडं अणुगवेसइ ? गोयमा ! सयं भंड अणुगवेसति, नो परायगं भंडं अणुगवेसेति ।
[४०२] तस्स णं भंते! तेहिं सीलव्वत-गुण- वेरमण-पच्चक्खाणपोसहोववासेहिं से भंडे अभंडे भवति ? हंता, भवति ।
से केणं खाइ णं अट्ठेणं भंते एवं वुच्चति `सभंड अणुगवेसइ नो परायगं भंड अणुगवेसेइ ?
[५-भगवई
[159]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |