________________
सतं-८, वग्गो - ,सत्तंसत्तं- , उद्देसो-२
जहा-सादीए वा अपज्जवसिते, सादीए वा सपज्जवसिए। तत्थ णं जे से सादीए सपज्जवसिए से जहन्नेणं अंतोमुहत्तं, उक्कोसेणं छावट्ठिं सागरोवमाई सातिरेगाई।
आभिणिबोहियणाणी णं भंते! आभिणिबोहियणाणि ति.?| एवं नाणी, आभिणिबोहियनाणी जाव केवलनाणी, अन्नाणी, मइअन्नाणी, सुतअन्नाणी, विभंगनाणी; एएसिं दसह वि संचिट्ठणा जहा कायठितीए।
अंतरं सव्वं जहा जीवाभिगमे । अप्पाबहुगाणि तिण्णि जहा बहुवत्तव्वताए।
केवतिया णं भंते! आभिणिबोहियणाणपज्जवा पण्णता? गोयमा! अणंता आभिणिबोहियणाण पज्जवा पण्णत्ता।
केवतिया णं भंते! सुतनाणपज्जवा पण्णता? एवं चेव। एवं जाव केवलनाणस्स। एवं मतिअनन्नाणस्स सुतअन्नाणस्स। केवतिया णं भंते! विभंगनाणपज्जवा पण्णता गोयमा! अणंता विभंगनाणपज्जवा पण्णता ।
एतेसि णं भंते! आभिणिबोहियनाणपज्जवाणं सुयनाणपज्जवाणं ओहिनाणपज्वाणं मणपज्जवनाणपज्जवाणं केवलनाणपज्जवाण य कतरे कतरेहिंतो जाव विसेसाहिया वा?
गोयमा! सव्वत्थोवा मणपज्जवनाणपज्जवा, ओहिनाणपज्जवा अणंतगुणा, सुतनाणपज्जवा अमंतगुणा, आभिणिबोहियनाणपज्जवा अणंतगुणा, केवलनाणपज्जवा अणंतगुणा।
एएसि णं भंते! मइअन्नाणपज्जवाणं सुतअन्नाणपज्जवाणं विभंगनाणपज्जवाण य कतरे कतरेहिंतो जाव विसेसाहिया वा? गोयमा! सव्वत्थोवा विभंगनाणपज्जवा, सुतअन्नाणपज्जवा अमंतगुणा, मतिअन्नाणपज्जवा अणंतगुणा।।
एएसि णं भंते! आभिणिबोहियणाण-पज्जवाणं जाव केवलनाणपज्जवाणं मइअन्नाण पज्जवाणं सुयअन्नाणपज्जवाणं विभंगनाणपज्जवाण य कतरे कतरेहिंतो जाव विसेसाहिया वा? गोयमा!
वत्थो वा मणपज्जवनाण-पज्जवा, विभंगनाण-पज्जवा अणंतगुणा, ओहिणाण-पज्जवा अणंतगुणा, सुतअन्नाण-पज्जवा अणंतगुणा, सुतनाण-पज्जवा विसेसाहिया, मइअन्नाण-पज्जवा अणंतगुणा, आभिणिबोहियनाणपज्जवा विसेसाहिया, केवलनाणपज्जवा अणंतगुणा। सेवं भंते! सेवं भंते! ति।।
अठमे सए बितिओ उहेसो समतो
ततिओ उद्देसो [३९७] कतिविहा णं भंते! रुक्खा पण्णता? गोयमा! तिविहा रुक्खा पण्णता, तं जहासंखेज्जजीविया असंखेज्जजीविया अणंतजीविया।
से किं तं संखेज्जजीविया? संखेज्जजीविया अणेगविहा पण्णता, तं जहा-ताले तमाले तक्कलि तेतलि जहा पण्णवणाए जाव नालिएरी, जे यावन्ने तहप्पगारा। से तं संखेज्जजीविया।
से किं तं असंखेज्जजीविया? असंखेज्जजीविया दुविहा पण्णता, तं जहा-एगट्ठिया य
दीपरत्नसागर संशोधितः]
[158]
[५-भगवई]
