Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 158

सतं-८, वग्गो - ,सत्तंसत्तं- , उद्देसो-२
अकसाई णं भंते! किं णाणी.? पंच नाणाई भयणाए। सवेदगा णं भंते!.? जहा सइंदिया। एवं इत्थिवेदगा वि। एवं पुरिसवेयगा वि। एवं नपुंसकवेदना वि। अवेदगा जहा अकसाई । आहारगा णं भंते! जीवा.? जहा सकसाई नवरं केवलनाणं पि।
अणाहारगा णं भंते! जीवा किं नाणी, अण्णाणी? मणपज्जवनाणवज्जाइं नाणाई, अन्नाणाणि य तिण्णि भयणाए।
[३९५] आभिणिबोहियनाणस्स णं भंते! केवतिए विसए पण्णते? गोयमा! से समासतो चठविहे पण्णत्ते, तं जहा-दव्वतो खेत्ततो कालतो भावतो। दव्वतो णं आभिणिबोहिणाणी आदेसेणं सव्वदव्वाइं जाणति पासति। खेततो णं आभिणिबोहियणाणी आदेसेणं सव्वं खेतं जाणति पासति। एवं कालतो वि। एवं भावओ वि।
सुतनाणस्स णं भंते! केवतिए विसए पण्णते? गोयमा! से समासओ चतुविहे पण्णत्ते, तं जहा-दव्वतो खेत्ततो कालतो भावतो। दव्वतो णं सुतनाणी उवयुत्ते सव्वदव्वाइं जाणति पासति। एवं खेततो वि, कालतो वि। भावतो णं सुयनाणी उवजुत्ते सव्वभावे जाणति पासति।
ओहिनाणस्स णं भंते! केवतिए विसए पण्णते? गोयमा! से समासओ चतुविहे पण्णत्ते, तं जहा- दव्वतो खेततो कालतो भावतो। दव्वतो णं ओहिनाणी रूविदव्वाइं जाणति पासति जहा नंदीए जाव भावतो।
मणपज्जवनाणस्स णं भंते! केवतिए विसए पण्णत्ते? गोयमा! से समासओ चउव्विहे पण्णते, तं जहा- दव्वतो खेततो कालतो भावतो। दव्वतो णं उज्जुमती अणंते अणंतपदेसिए जहा नंदीए जाव भावओ।
केवलनाणस्स णं भंते! केवतिए विसए पण्णते? गोयमा! से समासओ चतुविहे पण्णत्ते, तं जहा-दव्वतो खेततो कालतो भावतो। दव्वतो णं केवलनाणी सव्वदव्वाइं जाणति पासति। एवं जाव भावओ।
मइअन्नाणस्स णं भंते! केवतिए विसए पन्नते? गोयमा! से समासतो चतुविहे पण्णत्ते, तं जहा-दव्वतो खेत्ततो कालओ भावतो। दव्वतो णं मइअन्नाणी मइअन्नाणपरिगताई
दव्वाइं जाणति पासति। एवं जाव भावतो मणिअन्नाणी मइअन्नाणपरिगते भावे जाणति पासति।
सुतअन्नाणस्स णं भंते! केवतिए विसए पण्णते? गोयमा! से समासतो चठविहे पण्णते, तं जहा-दव्वतो खेत्ततो कालतो भावतो। दव्वतो णं सुयअन्नाणी सुतअन्नाणपरिगयाइं दव्वाइं आघवेति पण्णवेति जाव परूवेइ। एवं खेत्ततो कालतो। भावतो णं सुयअन्नाणी सुतअन्नाणपरिगते भावे आघवेति तं
चेव।
विभंगणाणस्स णं भंते! केवतिए विसए पण्णते? गोयमा! से समासतो चतुव्विहे पण्णते, तं जहा-दव्वतो खेततो कालतो भावतो। दव्वतो णं विभंगनाणी विभंगणाणपरिगयाइं दव्वाइं जाणति पासति। एवं जाव भावतो णं विभंगनाणी विभंगनाणपरिगए भावे जाणति पासति।।
[३९६] णाणी णं भंते! 'णाणिति कालतो केवच्चिरं होति? गोयमा! नाणी विहे पण्णते, तं
[दीपरत्नसागर संशोधितः]
[157]
[५-भगवई