________________
सतं-८, वग्गो - ,सत्तंसत्तं- , उद्देसो-२
चक्खिंदिय-घाणिंदियाणं लद्धियाणं अलद्धियाण य जहेव सोइंदियस्स। जिभिंदियलद्धियाणं चत्तारि णाणाइं, तिण्णि य अण्णाणाणि भयणाए।
तस्स अलद्धिया णं. पुच्छा। गोयमा! नाणी वि, अण्णाणी वि। जे नाणी ते नियमा एगनाणी-केवलनाणी। जे अण्णाणी ते नियमा दुअन्नाणी,तं जहा-मइअण्णाणी य, सुतअन्नाणी य।
फासिंदियलद्धिया अलद्धिया जहा इंदियलद्धिया य अलद्धिया य।
[३९४] सागारोवयुत्ता णं भंते! जीवा किं नाणी, अण्णाणी? पंच नाणाइं, तिण्णि अण्णाणाई भयणाए।
आभिणिबोहियनाणसाकारोवयुत्ता णं भंते!.? चत्तारि णाणाई भयणाए। एवं सुतनाणसागारोवठत्ता वि। ओहिनाणसागारोवठत्ता जहा ओहिनाणलद्धिया। मणपज्जवनाणसागारोवजुता जहा मणपज्जवनाणलद्धिया। केवलनाणसागारोवजुत्ता जहा केवलनाणलद्धिया। मइअण्णाणसागारोवयुत्ताणं तिण्णि अण्णाणाई भयणाए। एवं सुतअण्णाणसागारोवयुत्ता वि। विभंगनाणसागारोवजुत्ताणं तिण्णि अण्णाणाई नियमा।
अणागारोवयुत्ता णं भंते! जीवा किं नाणी, अण्णाणी? पंच नाणाइं, तिण्णि अण्णाणाई भयणाए।
एवं चक्षुदसण-अचक्खुदंसणअणागारोवजुत्ता वि, नवरं चत्तारि णाणाइं, तिण्णि अण्णाणाई भयणाए।
ओहिदंसणअणागारोवजुत्ता णं. पुच्छा। गोयमा! नाणी वि अण्णाणी वि। जे नाणी ते अत्थेगतिया तिन्नाणी, अत्थेगतिया चठनाणी। जे तिन्नाणी ते आभिणिबोहिय. सुतनाणी ओहिनाणी। जे चठणाणी ते आभिणिबोहियनाणी जाव मणपज्जवनाणी। जे अन्नाणी ते नियमा तिअण्णाणी, तं जहामइअण्णाणी सुतअण्णाणी विभंगनाणी।
केवलदंसणअणागारोवजुता जहा केवलनाणलद्धिया। सजोगी णं भंते! जीवा किं नाणी.? जहा सकाइया| एवं मणजोगी, वइजोगी कायजोगी वि। अजोगी जहा सिद्धा। सलेस्सा णं भंते!.? जहा सकाइया। कण्हलेस्सा णं भंते!.? जहा सइंदिया। एवं जाव पम्हलेसा। सुक्कलेस्सा जहा सलेस्सा। अलेस्सा जहा सिद्धा। सकसाई णं भंते!.? जहा सइंदिया| एवं जाव लोहकसाई।
[दीपरत्नसागर संशोधितः]
[156]
[५-भगवई
