Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 155

सतं-८, वग्गो - ,सत्तंसत्तं- , उद्देसो-२
इंदियलद्धी णं भंते! कतिविहा पण्णत्ता? गोयमा! पंचविहा पण्णत्ता, तं जहा-सोतिंदियलद्धी जाव फासिंदयलद्धी।
नाणलद्धिया णं भंते ! जीवा किं नाणी, अण्णाणी? गोयमा! नाणी, नो अण्णाणी; अत्थगतिया नाणी। एवं पंच नाणाई भयणाए।
तस्स अलद्धीया णं भंते! जीवा किं नाणी, अण्णाणी? गोयमा! नो नाणी, अण्णाणी; अत्थेगतिया दुअण्णाणी, तिण्णि अण्णाणाणि भयणाए।
आभिणिबोहियणाणलद्धिया णं भंते! जीवा किं नाणी, अण्णाणी? गोयमा! नाणी, नो अण्णाणी; अत्थेगतिया दुण्णाणी, चत्तारि नाणाई भयणाए।
तस्स अलद्धिया णं भंते! जीवा किं नाणी अण्णाणी? गोयमा! नाणी वि, अण्णाणी वि। नाणी ते नियमा एगनाणी-केवलनाणी। जे अण्णाणी ते अत्थेगतिया दुअन्नाणी, तिण्णि अण्णाणाई भयणाए।
एवं सुयनाणलद्धीया वि। तस्स अलद्धीया वि जहा आभिणिबोहियनाणस्स अलद्धीया।
ओहिनाणलद्धीया णं. पुच्छा। गोयमा! नाणी, नो अण्णाणी, अत्थेगतिया तिणाणी, अत्थेगतिया चठनाणी। जे तिणाणी ते आभिणिबोहियनाणी सुयनाणी ओहिनाणी। जे चठनाणी ते आभिणिबोहियनाणी सुतणाणी ओहिणाणी मणपज्जवनाणी।
तस्स अलद्धीया णं भंते! जीवा किं नाणी.? गोयमा! नाणी वि, अण्णाणी वि। एवं ओहिनाणवज्जाइं चत्तारि नाणाई, तिण्णि अण्णाणाई भयणाए।
मणपज्जवनाणलद्धिया णं. पुच्छा। गोयमा! णाणी, णो अण्णाणी। अत्थेगतिया तिणाणि, अत्थेगतिया चठनाणी। जे तिणाणी ते आभिणिबोहियनाणी सुतणाणी मणपज्जवणाणी। जे चठनाणी ते आभिणिबोहियनाणी सुयनाणी ओहिनाणी मणपज्जवनाणी।
तस्स अलद्धीया णं. पुच्छा। गोयमा! णाणी वि, अण्णाणी वि, मणपज्जवणाणवज्जाइं चत्तारि णाणाई, तिण्णि अण्णाणाई भयणाए।
केवलनाणलद्धिया णं भंते! जीवा किं नाणी, अन्नाणी? गोयमा! नाणी, नो अण्णाणी। नियमा एगणाणी-केवलनाणी।
तस्स अलद्धिया णं. पुच्छा। गोयमा! नाणी वि, अण्णाणि वि। केवलनाणवज्जाइं चत्तारि णाणाई, तिण्णि अण्णाणाई भयणाए।
अण्णाणलद्धिया णं० भंते० पुच्छा। गोयमा! नो नाणी, अण्णाणी; तिण्णि अण्णाणाइं भयणाए तस्स अलद्धिया णं० पुच्छा। गोयमा! नाणी, नो अण्णाणी। पंच नाणाई भयणाए।
जहा अण्णाणस्स लद्धिया अलद्धिया य भणिया एवं मइअण्णाणस्स, सुयअण्णाणस्स य लद्धिया अलद्धिया य भाणियव्वा।
विभंगनाणलद्धियाणं तिण्णि अण्णाणाई नियमा। तस्स अलद्धियाणं पंच नाणाई भयणाए। दो अण्णाणाइं नियमा।
तस्स अलद्धियाणं पंच नाणाई भयणाए। दो अन्नाणाई नियम। दसणलद्धिया णं भंते! जीवा किं नाणी, अण्णाणी? गोयमा! नाणी वि, अण्णाणी वि। पंच
[दीपरत्नसागर संशोधितः]
[154]
[५-भगवई