________________
सतं-८, वग्गो - ,सत्तंसत्तं- , उद्देसो-२
पुढविक्काइया जाव वणस्सतिकाइया जहा एगिंदिया। बेंदियाणं० पुच्छा। दो नाणा, दो अण्णाणा णियमा। एवं जाव पंचिंदियतिरिक्खजोणियाणं।
अपज्जत्तगा णं भंते! मणुस्सा किं नाणी, अन्नाणी? तिण्णि नाणाइं भयणाए, दो अण्णाणाई नियमा।
वाणमंतरा जहा नेरतिया। अपज्जत्तगा जोतिसिय-वेमाणिया णं.? तिण्णि नाणा, तिन्नि अण्णाणा नियमा। नोपज्जतनोअपज्जत्तगा णं भंते! जीवा किं नाणी.? जहा सिद्धा | निरयभवत्था णं भंते! जीवा किं नाणी, अण्णाणी? जहा निरयगतिया। तिरियभवत्था णं भंते! जीवा किं नाणी, अण्णाणी? तिण्णि नाणा, तिण्णि अण्णाणा भयणाए। मणुस्सभवत्था णं.? जहा सकाइया। देवभवत्था णं भंते!.? जहा निरयभवत्था। अभवत्था जहा सिद्धा। भवसिद्धिया णं भंते! जीवा किं नाणी.? जहा सकाइया। अभवसिद्धिया णं. पुच्छा। गोयमा! नो नाणी; अण्णाणी, तिण्णि अण्णाणाई भयणाए। नोभवसिद्धियनोअभवसिद्धिया णं भंते! जीवा.? जहा सिद्धा। सण्णी णं. पुच्छा। जहा सइंदिया | असण्णी जहा बेइंदिया। नोसण्णीनोअसण्णी जहा सिद्धा।
[३९३] कतिविहा णं भंते! लद्धी पण्णता? गोयमा! दसविहा लद्धी पण्णता, तं जहा- नाणलद्धी दंसणलद्धी चरित्तलद्धी चरित्ताचरित्तलद्धी दाणलद्धी लाभलद्धी भोगलद्धी उवभोगलद्धी वीरियलद्धी इंदियलद्धी ।
___णाणलद्धी णं भंते! कतिविहा पण्णता? गोयमा! पंचविहा पण्णता, तं जहाआभिणिबोहियणाणलद्धी जाव केवलणाणलद्धी।
अण्णाणलद्धी णं भंते! कतिविहा पण्णता? गोयमा! तिविहा पण्णता, तं जहा-मइअण्णाणलद्धी सुतअण्णाणलद्दी विभंगनाणलखी।
दंसणलद्धी णं भंते! कतिविहा पण्णता? गोयमा! तिविहा पण्णता, तं जहा-सम्मइंसणलद्धी मिच्छादंसणलद्धी सम्मामिच्छादसणलद्धी।
चरितलद्धी णं भंते! कतिविहा पण्णता? गोयमा! पंचविहा पन्नता, तं जहा-सामाइयचरित्तलद्धी छेदोवट्ठावणियलद्धी परिहारविसुद्धलद्धी सुहमसंपरागलद्धी अहक्खायचरित्तलखी।
चरिताचरितलद्धी णं भंते! कतिविहा पण्णता? गोयमा! एगागारा पण्णता। एवं जाव उवभोगलद्धी एगागारा पण्णता।
वीरियलद्धी णं भंते! कतिविहा पण्णता? गोयमा! तिविहा पण्णता, तं जहा-बालवीरियलद्धी पंडियवीरियलद्धी बालपंडियवीरियलद्धी।
[दीपरत्नसागर संशोधितः]
[153]
[५-भगवई]
