________________
सतं-८, वग्गो - ,सत्तंसत्तं- , उद्देसो-२
[३९२] निरयगतिया णं भंते! जीवा किं नाणी, अण्णाणी? गोयमा! नाणी वि, अण्णाणी वि। तिण्णि नाणाई नियमा, तिण्णि अन्नाणाई भयणाए।
तिरियगतिया णं भंते! जीवा किं नाणी, अण्णाणी? गोयमा! दो नाणा, दो अन्नाणा नियमा। मणुस्सगतिया णं भंते! जीवा किं नाणी, अन्नाणी? गोयमा! तिण्णि नाणाइं भयणाए, दो अण्णाणाई नियमा। देवगतिया जहा निरयगतिया। सिद्धगतिया णं भंते!. | जहा सिद्धा ।
सइंदिया णं भंते! जीवा किं नाणी, अण्णाणी? गोयमा! चत्तारि नाणाइं, तिण्णि अण्णाणाई भयणाए।
एगिदिया णं भंते! जीवा किं नाणी.? जहा पुढविक्काइया। बेइंदिय-तेइंदिय-चतुरिंदियाणं दो नाणा, दो अण्णाणा नियमा। पंचिंदिया जहा सइंदिया। अणिंदिया णं भंते! जीवा किं नाणी.? जहा सिद्धा।
सकाइया णं भंते! जीवा किं नाणी अन्नाणी? गोयमा! पंच नाणाणि तिण्णि अन्नाणाई भयणाए।
पुढविकाइया जाव वणस्सइकाइया नो नाणी, अण्णाणी। नियमा दुअण्णाणी; तं जहामतिअण्णाणी य सुयअण्णाणी य।
तसकाइया जहा सकाइया। अकाइया णं भंते! जीवा किं नाणी.? जहा सिद्धा। सुहमा णं भंते! जीवा किं नाणी.? जहा पुढविकाइया। बादरा णं भंते! जीवा किं नाणी.? जहा सकाइया। नोसुहमानोबादरा णं भंते! जीवा.? जहा सिद्धा। पज्जत्ता णं भंते! जीवा किं नाणी.? जहा सकाइया। पज्जत्ता णं भंते! नेरतिया किं नाणी.? तिण्णि नाणा, तिण्णि अण्णाणा नियमा। जहा नेरइया एवं जाव थणियकुमारा। पुढविकाइया जहा एगिंदिया। एवं जाव चतुरिंदिया।
पज्जत्ता णं भंते! पंचिंदियतिरिक्खजोणिया किं नाणी, अण्णाणी? तिण्णि नाणा, तिण्णि अण्णाणा भयणाए।
मणुस्सा जहा सकाइया। वाणमंतर-जोइसिय-वेमाणिया जहा नेरइया। अपज्जत्ता णं भंते! जीवा किं नाणी २ ? तिण्णि नाणा, तिण्णि अण्णाणा भयणाए।
अपज्जता णं भंते! नेरतिया किं नाणी, अन्नाणी? तिण्णि नाणा नियमा, तिण्णि अण्णाणा भयणाए।
एवं जाव थणियकुमारा।
[दीपरत्नसागर संशोधितः]
[152]
[५-भगवई
