Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 152

सतं-८, वग्गो - ,सत्तंसत्तं- , उद्देसो-२
एवं जहेव आभिणिबोहियनाणं तहेव, नवरं एगठ्ठियवज्जं जाव नोइंदियधारणा, से तं धारणा। से तं मतिअण्णाणे।
से किं तं सुयअण्णाणे? सुतअण्णाणे जं इमं अण्णाणिएहिं मिच्छद्दिट्ठिएहिं जहा नंदीए जाव चत्तारि वेदा संगोवंगा। से तं सुयअन्नाणे।
से किं तं विभंगनाणे? विभंगनाणे अणेगविहे पण्णत्ते, तं जहा-गामसंठिए नगरसंठिए जाव संन्निवेससंठिए दीवसंठिए समुद्दसंठिए वाससंठिए वासहरसंठिए पव्वयसंठिए रुक्खसंठिए थूभसंठिए हयसंठिए गयसंठिए नरसंठिए किन्नरसंठिए किंपुरिससंठिए महोरगसंठिते गंधव्वसंठिए उसभसंठिए पसुपसयविहग-वानरणाणासंठाणसंठिते पण्णते।
जीवा णं भंते! किं नाणी, अन्नाणी? गोयमा! जीवा नाणी वि, अन्नाणी वि। जे नाणी ते अत्थेगतिया दन्नाणि, अत्थेगतिया तिन्नाणी, अत्थेगतिया चउनाणी, अत्थेगतिया एगनाणी। जे दुन्नाणी ते आभिणिबोहियनाणी य सुयनाणी य। जे तिन्नाणी ते आभिणिबोहियनाणी सुतनाणी ओहिनाणी, अहवा आभिणिबोहियणाणी सुतणाणी मणपज्जवनाणी। जे चठणाणी ते आभिणिबोहियणाणी सुतणाणी ओहिणाणी मणपज्जवणाणी। जे एगनाणी ते नियमा केवलनाणी। जे अण्णाणी ते अत्थेगतिया दुअण्णाणी, अत्थेगतिया तिअण्णाणी। जे दुअण्णाणी ते मणिअण्णाणी य सुयअण्णाणी य। जे तिअण्णाणी ते मतिअण्णाणी सुयअण्णाणी विभंगनाणी।
नेरइया णं भंते! किं नाणी, अण्णाणी? गोयमा! नाणी वि अण्णाणी वि। जे नाणी ते नियमा तिन्नाणी, तं जहा-आभिणिबोहि. सुयनाणी ओहिनाणी। जे अण्णाणी ते अत्थेगतिया दुअण्णाणी, अत्थेगतिया तिअण्णाणी। एवं तिण्णि अण्णाणाणि भयणाए।
असुरकुमारा णं भंते किं नाणी अण्णाणी? जहेव नेरइया तहेव तिणि नाणाणि नियमा, तिण्णि य अण्णाणाणि भयणाए।
एवं जाव थणियकुमारा।
पुढविक्काइया णं भंते! किं नाणी अण्णाणी? गोयमा! नो नाणी, अण्णाणी-मतिअण्णाणी य, सुतअण्णाणी य।
एवं जाव वणस्सइकाइया।
बेइंदियाणं पुच्छा। गोयमा! णाणी वि, अण्णाणी वि। जे नाणी ते नियमा दण्णाणी, तं जहाआभिणिबोहियनाणी य सुयणाणी य। जे अण्णाणी ते नियमा दुअण्णाणी-आभिणिबोहियअण्णाणी य सुयअण्णाणी य।
एवं तेइंदिय-चरिंदिया वि।
पंचिंदियतिरिक्खजोणियाणं पुच्छा। गोयमा! नाणी वि अण्णाणी वि। जे नाणी ते अत्थेगतिया द्ण्णाणी, अत्थेगतिया तिन्नाणी। एवं तिण्णि नाणाणि तिणि अण्णाणाणि य भयणाए।
मणुस्सा जहा जीवा तहेव पंच नाणाणि तिण्णि अण्णाणाणि य भयणाए। वाणमंतरा जहा नेरइया। जोतिसिय-वेमाणियाणं तिण्णि नाणा तिण्णि अन्नाणा नियमा। सिद्धा णं भंते! पुच्छा। गोयमा! णाणी, नो अण्णाणी। नियमा एगनाणी-केवलनाणी।
[दीपरत्नसागर संशोधितः]
[151]
[५-भगवई