Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 151

सतं-८, वग्गो - ,सत्तंसत्तं- , उद्देसो-२
गोयमा! भवणवासिदेवकम्मासीविसे, वाणमंतरदेव., जोतिसिय., वेमाणियदेवकम्मासीविसे वि।
जइ भवणवासिदेवकम्मासीविसे किं असुरकुमारभवणवासिदेवकम्मासीविसे जाव थणियकुमार जाव कम्मासीविसे? गोयमा! असुरकुमारभवणवासिदेवकम्मासीविसे वि जाव थणियकुमर जाव कम्मासीविसे वि।
जइ असुरकुमार जाव कम्मासीविसे किं पज्जत्तअसुरकुमारभवणवासिदेवकम्मासीविसे? अपज्जत्तअसुरकुमारभवणवासिदेवकम्मासीविसे? गोयमा! नो पज्जतअसुरकुमार जाव कम्मासीविसे, अपज्जतअसुरकुमारभवणवासिदेवकम्मासीविसे।
एवं जाव थणियकुमाराणं। जदि वाणमंतरदेवकम्मासीविसे किं पिसायवाणमंतर.? एवं सव्वेसि पि अपज्जत्तगाणं। जोतिसियाणं सव्वेसिं अपज्जत्तगाणं।
जदि वेमाणियदेवकम्मासीविसे किं कप्पोवगवेमाणियदेवकम्मासीविसे? कप्पातीतवेमाणियदेव कम्मासीविसे? गोयमा! कप्पोवगवेमाणियदेवकम्मासीविसे, नो कप्पातीतवेमाणियदेवकम्मासीविसे।
जति कप्पोवग वेमाणियदेव कम्मासीविसे किं सोधम्मकप्पोव. जाव कम्मासीविसे जाव अच्चुय कप्पोवग जाव कम्मासीविसे? गोयमा! सोधम्मकप्पोवग वेमाणियदेव कम्मासीविसे वि जाव सहस्सारकप्पोवगवेमाणियदेवकम्मासीविसे वि, नो आणयकप्पोवग जाव नो अच्चतुकप्पोवगवेमाणियदेव.।
जदि सोहम्मकप्पोवग जाव कम्मासीविसे किं पज्जत्तसोधम्मकप्पोवगवेमाणिय. अपज्जत्तगसोहम्मग०? गोयमा! नो पज्जत्त-सोहम्मकप्पोवग-वेमाणिय, अपज्जत-सोधमम्मकप्पोवग-वेमाणियदेव कम्मासीविसे।
एवं जाव नो पज्जत्तासहस्सारकप्पोवगवेमाणिय जाव कम्मासीविसे, अपज्जत्तसहस्सारकप्पोवग जाव कम्मासीविसे।
३९०] दस ठाणाई छठमत्थे सव्वभावेणं न जाणति न पासति, तं जहा धम्मत्थिकायं, अधम्मत्थिकायं, आगासत्थिकायं, जीवं असरीरपडिबद्धं, परमाणपोग्गलं, सई, गंध, वातं अयं जिणे भविस्सति वा ण वा भविस्सइ अयं सव्वदुक्खाणं अंतं करेस्सति वा न वा करेस्सइ।
एयाणि चेव उप्पन्ननाण-दंसणधरे अरहा जिणे केवली सव्वभावेणं जाणति पासति, तं जहाधम्मत्थिकायं जाव करेस्सति वा न वा करेस्संति।
[३९१] कतिविहे णं भंते! नाणे पण्णत्ते ? गोयमा! पंचविहे नाणे पण्णते, तं जहाआभिणिबोहियनाणे सुयनाणे ओहिनाणे मणपज्जवनाणे केवलनाणे।
से किं तं आभिणिबोहियनाणे? आभिणिबोहियनाणे चतुविहे पण्णते, तं जहा- उग्गहो ईहा अवाओ धारणा।
एवं जहा रायप्पसेणइज्जे णाणाणं भेदो तहेव इह वि भाणियव्वो जाव से तं केवलनाणे।
अण्णाणे णं भंते! कतिविहे पण्णत्ते? गोयमा! तिविहे पण्णत्ते, तं जहा-मइअन्नाणे सुयअन्नाणे विभंगनाणे।
से किं तं मइअण्णाणे? मइअण्णाणे चठविहे पण्णते,तं जहाउग्गहो जाव धारणा। से किं तं उग्गहे? उग्गहे विहे पण्णते, तं जहाअत्थोग्गहे य वंजणोग्गहे य।
[दीपरत्नसागर संशोधितः]
[150]
[५-भगवई