Page Text
________________
सतं-८, वग्गो - ,सत्तंसत्तं- , उद्देसो-१
सुहमपुढवी जाव परिणए? गोयमा! पज्जतसुमपुढविकाइय जाव परिणए वा, अपज्जत्तसुहमपुढविकाइय जाव परिणए वा।
एवं बादरा वि। एवं जाव वणस्सइकाइयाणं चउक्कओ भेदो।
बेइंदिय-तेइंदिय-चरिंदियाणं यओ भेदो-पज्जत्तगा य, अपज्जतगा य।
___जदि पंचिंदियओरालियसरीरकायप्पओगपरिणए किं तिरिक्खजोणियपंचिंदियओरालियसरीरकायप्पओगपरिणए? मणुस्सपंचिंदिय जाव परिणए? गोयमा! तिरिक्खजोणिय जाव परिणए वा, मणुस्स पंचिंदिय जाव परिणए वा।
जइ तिरिक्खजोणिय जाव परिणए किं जलचरतिरिक्खजोणिय जाव परिणए वा? थलचर.? खहचर.? एवं चउक्कओ भेदो जाव खहचराणं।
जदि मणुस्सपंचिंदिय जाव परिणए किं सम्मुच्छिममणुस्सपंचिंदिय जाव परिणए? गब्भवक्कंतिय मणुस्स जाव परिणए? गोयमा! दोसु वि।
जदि गब्भवक्कंतियमणुस्स जाव परिणए किं पज्जतगब्भवक्कंतिय जाव परिणए? अपज्जत्तगब्भवक्कंतिय-मणुस्सपंचिंदिय-ओरालियसरीरकायप्पयोग-परिणए? गोयमा! पज्जत्तगब्भवक्कंतिय जाव परिणए वा, अपज्जत्तगब्भवक्कंतिय जाव परिणए।
जदि ओरालियमीसासरीरकायप्पओगपरिणए किं एगिंदियओरालियमीसासरीरकायप्पओगपरिणए? बेइंदिय जाव परिणए जाव पंचेंदियओरालिय जाव परिणए? गोयमा! एगिंदियओरालिय एवं जहा ओरालियसरीरकायप्पयोगपरिणएणं आलावगो भणिओ तहा ओरालियमीसासरीरकायप्पओगपरिणएण वि आलावगो भाणियव्वो, नवरं बायरवाउक्काइय-गब्भवक्कंतिय पंचिंदियतिरिक्खजोणिय-गब्भवक्कंतिय मणुस्साण य एएसि णं पज्जत्तापज्जत्तगाणं, सेसाणं अपज्जतगाणं ।
जदि वेठव्वियसरीरकायप्पयोगपरिणए किं एगिदियवेठव्वियसरीरकायप्पओगपरिणए जाव पंचिंदियवेठव्वियसरीर जाव परिणए? गोयमा! एगिंदिय जाव परिणए वा पंचिंदिय जाव परिणए।
जइ एगिंदिय जाव परिणए किं वाउक्काइयएगिदिय जाव परिणए? अवाउक्काइयएगिदिय जाव परिणते? गोयमा! वाउक्काइयएगिंदिय जाव परिणए, नो अवाउक्काइय जाव परिणते। एवं एएणं अभिलावेणं जहा ओगाहणसंठाणे वेठव्वियसरीरं भणियं तहा इह वि भाणियव्वं जाव पज्जत्तसव्वट्ठसिद्ध अणुतरोववातियकप्पातीयवेमाणियदेवपंचिंदियवेठब्वियसरीरकायप्पओगपरिणए वा, अपज्जत्तसव्वट्ठसिद्ध जाव कायप्पयोगपरिणए वा ।
जदि वेठव्वियमीसासरीरकायप्पयोगपरिणए किं एगिंदियमीसासरीरकायप्पओगपरिणए वा जाव पंचिंदियमीसासरीरकायप्पयोगपरिणए? एवं जहा वेठव्वियं तहा वेठब्वियमीसगं पि, नवरं देव-नेरइयाणं अपज्जतगाणं, सेसाणं पज्जतगाणं तहेव, जाव नो पज्जत्तसव्वट्ठसिद्धअणुतरो जाव प., अपज्जत सव्वट्ठसिद्ध अणुत्तरोववातियदेवपंचिंदियवेठव्वियमीसासरीरकायप्पओगपरिणए ।
जदि आहारगसरीरकायप्पओगपरिणए किं मणुस्साहारगसरीरकायप्पओगपरिणए? अमणुस्स आहारग जाव प०? एवं जहा ओगाहणसंठाणे जाव इढिपत्तपमत्तसंजयसम्मद्दिछिपज्जतगसंखेज्जवासाठय जाव परिणए, नो अणिढिपत्तपमत्तसंजयसम्मद्दिठ्ठिपज्जत्तगसंखेज्जवासाउय जाव प. I
[दीपरत्नसागर संशोधितः]
[146]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |