Page Text
________________
सतं-८, वग्गो - ,सत्तंसत्तं- , उद्देसो-१
[३८५]वीससापरिणया णं भंते! पोग्गला कतिविहा पण्णता? गोयमा! पंचविहा पण्णता, तं जहा-वण्णपरिणया गंधपरिणया रसपरिणया फासपरिणया संठाणपरिणया। जे वण्णपरिणया ते पंचविहा पण्णत्ता, तं जहा-कालवण्णपरिणया जाव सुक्किलवण्णपरिणया। जे गंधपरिणया ते विहा पण्णत्ता, तं जहासुब्भिगंधपरिणया वि, ब्भिगंधपरिणया वि। एवं जहा पण्णवणाए तहेव निरवसेसं जाव जे संठाणओ आयतसंठाणपरिणया ते वण्णओ कालवण्णपरिणया वि जाव लुक्खफासपरिणया वि।
[३८६]एगे भंते! दव्वे किं पयोगपरिणए? मीसापरिणए? वीससापरिणए? गोयमा! पयोगपरिणए वा, मीसापरिणए वा, वीससापरिणए वा।
जदि पयोगपरिणए किं मणप्पयोगपरिणए? वइप्पयोगपरिणए? कायप्पयोगपरिणए? गोयमा! मणप्पयोगपरिणए वा, वइप्पयोगपरिणए वा, कायप्पयोगपरिणए वा।
जदि मणप्पओगपरिणए किं सच्चमणप्पओगपरिणए? मोसमणप्पयोग.? सच्चामोसमणप्पयो.? असच्चामोसमणप्पयो.? गोयमा! सच्चमणप्पयोगपरिणए वा, मोसमणप्पयोग. वा, सच्चामोसमणप्प०, असच्चामोसमणप्प. वा।
जदि सच्चमणप्पओगप. किं आरंभसच्चमणप्पयो.? अणारंभसच्चमणप्पयोगपरि.? सारंभ सच्चमणप्पयोग०? असारंभसच्चमण.? समारंभसच्चमणप्पयोगपरि.? असमारंभसच्चमणप्पयोगपरिणए? गोयमा! आरंभसच्चमणप्पओगपरिणए वा जाव असमारंभसच्चमणप्पयोगपरिणए वा।
जदि मोसमणप्पयोगपरिणए किं आरंभमोसमणप्पयोगपरिणए वा? एवं जहा सच्चेणं तहा मोसेण वि।
एवं सच्चमोसमणप्पयोगपरिणए वि। एवं असच्चामोसमणप्पयोगेण वि।
जदि वइप्पयोगपरिणए किं सच्चवइप्पयोगपरिणए मोसवयप्पयोगपरिणए? एवं जहा मणप्पयोगपरिणए तहा वयप्पयोगपरिणए वि जाव असमारंभवयप्पयोगपरिणए वा।
जदि कायप्पयोगपरिणए किं ओरालियसरीरकायप्पयोगपरिणए ?, ओरालियमीसासरीरकाय प्पयो०?, वेठब्वियसरीरकायप्प.?, वेठव्वियमीसासरीरकायप्पयोगपरिणए?, आहारगसरीरकायप्पओगपरिणए?, आहारकमीसासरीरकायप्पयोगपरिणए?, कम्मासरीरकायप्पओगपरिणए?, गोयमा! ओरालियसरीरकायप्पओग परिणए वा जाव कम्मासरीरकायप्पओगपरिणए वा।
जदि ओरालियसरीरकायप्पओगपरिणए किं एगिंदियओरालियसरीरकायप्पओगपरिणए जाव पंचिंदियओरालिय जाव परि०? गोयमा! एगिंदियओरालियसरीरकायप्पओगपरिणए वा बेंदिय जाव परिणए वा जाव पंचिंदिय जाव परिणए वा।
जदि एगिंदियओरालियसरीरकायप्पओगपरिणए किं पुढविक्काइयएगिंदिय जाव परिणए जाव वणस्सइकाइयएगिंदियओरालियसरीरकायप्पओगपरिणए वा? गोयमा! पुढविक्काइयएगिंदिय जाव पयोगपरिणए वा जाव वणस्सइकाइयएगिंदिय जाव परिणए वा।
जदि पुढविकाइयएगिंदियओरालियसरीर जाव परिणए किं सुहमपुढविकाइय जाव परिणए? बादरपुढविक्काइयएगिदिय जाव परिणए? गोयमा! सुहमपुढविक्काइयएगिंदिय जाव परिणए वा, बादरपुढविक्काइय जाव परिणए वा।
जदि सुहुमपुढविकाइय जाव परिणए किं पज्जत्तसुहुमपुढवि जाव परिणए? अपज्जतसु[दीपरत्नसागर संशोधितः]
[145]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |