Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 145

सतं-८, वग्गो, सत्तंसत्तं-, उद्देसो-१
पज्जत्तासव्वट्ठसिद्ध अणुत्तरोववाइय जाव देवपंचिंदियवेव्विय तेया- कम्मासरीरपयोगपरिणया ते सोइंदियचक्खिंदिय जाव फासिंदियपयोगपरिणया । [ दंडगा ] ५ ।
जे अपज्जत्तासु हुमपुढविकाइयएगिंदियपयोगपरिणया ते वण्णतो कालवण्णपरिणया वि, नील., लोहिय., हालिद्द. सुक्किल । गंधतो सुब्भिगंधपरिणया वि, दुब्भिगंधपरिणया वि । रसतो तित्तरसपरिणया वि कडुयरसपरिणया वि, कसायरसप., अंबिलरसप., महुररसप. । फासतो कक्खडफासपरि. जाव लुक्खफासपरि । संठाणतो परिमंडलसंठाणपरिणया वि वट् तंस. चउरंस. आयतसंठाणपरिणया वि।
जे पज्जत्तासुहुमपुढवि. एवं चेव ।
एवं जहाऽऽणुपुव्वीए नेयव्वं जाव जे पज्जत्तासव्वट्ठसिद्धअणुत्तरोववाइय जाव परिणता ते वण्णतो कालवण्णपरिणया वि जाव आयतसंठाणपरिणया वि । [दंडगा ] ६ ।
जे अपज्जत्तासहुमपुढविकाइयए० एगिंदियओरालियतेयाकम्मासरीरप्पयोगपरिणया ते वण्णओ कालवण्णपरि० जाव आययसंठाणपरि० वि ।
जे पज्जत्तासुहुमपुढवि. एवं चेव ।
एवं जहाऽऽणुपुव्वीए नेयव्वं जस्स जति सरीराणि जाव जे पज्जत्तासव्वट्ठसिद्ध अणुत्तरोववाइयदेवपंचिंदियवेव्विय- तेया-कम्मासरीर जाव परिणया ते वण्णओ कालवण्णपरिणया वि जाव आयतसंठाणपरिणया वि [ दंडगा ] ७।
जे अपज्जत्तासुहुमपुढविकाइयएगिंदियफासिंदियपयोगपरिणया ते वण्णओ कालवण्णपरिणया जाव आययसंठाणपरिणया वि
जे पज्जत्तासुहुमपुढवि. एवं चेव ।
एवं जहाssणुपुव्वीए जस्स जति इंदियाणि तस्स तति भाणियव्वाणि जाव जे पज्जत्तासव्वट्ठसिद्ध अणुत्तर जाव देवपंचिंदियसोइंदिय जाव फासिंदियपयोगपरिणया वि ते वण्णओ कालवण्णपरिणया जाव आययसंठाणपरिणया वि । [ दंडगा ] ८
जे अपज्जत्तासुहुमपुढविकाइयएगिंदियओरालिए तेया- कम्मासरीरफासिंदियपयोगपरिणया ते वण्णओ कालवण्णपरिणया वि जाव आयतसंठाणप० वि ।
जे पज्जत्तासुहुमपुढवि० एवं चेव ।
एवं जहाssणुपुव्वीए जस्स जति सरीराणि इंदियाणि य तस्स तति भाणियव्वाणि जाव जे पज्जत्तासव्वट्ठसिद्धअणुत्तरोववाइया जाव देवपंचिंदियवेव्विय तेया- कम्मासोइंदिय जाव फासिंदियपयोगपरि. ते वण्णओ कालवण्णपरि. जाव आययसंठाणपरिणया वि । एवं एए नव दंडगा ९ |
[३८४]मीसापरिणया णं भंते! पोग्गला कतिविहा पण्णत्ता? गोयमा ! पंचविहा पण्णत्ता, तं जहा - एगिंदियमीसापरिणया जाव पंचिंदियमीसापरिणया ।
एगिंदियमीसापरिणया णं भंते! पोग्गला कतिविहा पण्णत्ता? गोयमा ! एवं जहा पओगपरिणएहिं नव दंडगा भणिया एवं मीसापरिणएहि वि नव दंडगा भाणियव्वा, तहेव सव्वं निरवसेसं, नवरं अभिलावो `मीसापरिणया' भाणियव्वं, सेसं तं चेव, जाव जे पज्जत्तासव्वट्ठसिद्धअणुत्तरो. जाव आययसंठाणपरिणया वि
[दीपरत्नसागर संशोधितः]
[144]
[५-भगवई]