Page Text
________________
सतं-८, वग्गो, सत्तंसत्तं-, उद्देसो-१
एवं दुयओ भेदो जाव वणस्सतिकाइयाणं य।
बेइंदियपयोगपरिणताणं पुच्छा। गोयमा ! अणेगविहा पण्णत्ता । एवं तेइंदिय- चउरिंदियपयोगपरिणता वि।
पंचिंदियपयोगपरिणताणं पुच्छा। गोयमा ! चतुव्विहा पण्णत्ता, तं जहा- नेरतियपंचिंदिय पयोगपरिणता, तिरिक्ख, एवं मणुस्स., देवपंचिंदिय० ।
नेरइयपंचिंदियपयोग. पुच्छा। गोयमा ! सत्तविहा पण्णत्ता, तं जहा -रतणप्पभाव नेरइयपंचिंदियपयोगपरिणता वि जाव अहेसत्तमपुढविनेरइयपंचिंदियपयोगपरिणता वि । तिरिक्खजोणियपंचिंदियपयोगपरिणताणं पुच्छा । गोयमा ! तिविहा पण्णत्ता, तं जहाजलयरतिरिक्खजोणियपंचिंदिय० थलचरतिरिक्खजोणियपंचिंदिय. खहचरतिरिक्खपंचिदिय. । जलयतिरिक्खजोणियपओग. पुच्छा। गोयमा ! दुविहा पण्णत्ता, तं जहा सम्मुच्छिमचलचर.,
गब्भवक्कंतियजलचर० |
थलचरतिरिक्ख. पुच्छा । गोयमा ! दुविहा पण्णत्ता, तं जहाचउप्पदथलचर. परिसप्पथलचर.। चउप्पदथचर. पुच्छा। गोयमा ! दुविहा पण्णत्ता, तं जहा सम्मुच्छिमचउप्पदथलचर.,
गब्भवक्कंतियचउप्पयथलयर. ।
एवं एतेणं अभिलावेणं परिसप्पा दुविहा पण्णत्ता, तं जहा - उरपरिसप्पा य, भुयपरिसप्पा य उरपरिसप्पा दुविहा पण्णत्ता, तं जहा सम्मुच्छिमा य, गब्भवक्कंतिया य।
एवं भुपरिसप्पा वि। एवं खहचरा वि
मणुस्सपंचिंदियपयोग. पुच्छा। गोयमा ! दुविहा पण्णत्ता, तं जहा सम्मुच्छिममणुस्स० गब्भवक्कंतियमणुस्स० ।
देवपंचिंदियपयोग. पुच्छा। गोयमा ! चउव्विहा पन्नत्ता, तं जहा - भवणवासिदेवपंचिंदियपयोग.
भवणवासिदेवपंचिंदिय. पुच्छा। गोयमा ! दसविहा पण्णत्ता, तं जहा - असुरकुमार जाव
एवं एतेणं अभिलावेणं अट्ठविहा वाणमंतरा पिसाया जाव गंधव्वा।
जोइसिया पंचविहा पण्णत्ता, तं जहा - चंदविमाणजोतिसिय. जाव ताराविमाणजोतिसियदेव. । वेमाणिया दुविहा पण्णत्ता, तं जहा कप्पोवग. कप्पातीतगवेमाणिय.।
कप्पोवगा दुवालसविहा पण्णत्ता, तं जहा- सोहम्मकप्पोवग. जाव अच्चुयकप्पोवगवेमाणिया। कप्पातीत. दुविहा पण्णत्ता, तं जहा- गेवेज्जगकप्पातीतवे. अणुत्तरोववाइयकप्पातीतवे.। गेवेज्जगकप्पातीतगा नवविहा पण्णत्ता, तं जहा - हेट्ठिमहेट्ठिमगेवेज्जगकप्पातीतगा जाव उवरिमउवरिमगेविज्जगकप्पातीतया ।
थणिकुगार. ।
एवं जाव वेमाणिया ।
अणुत्तरोववाइय-कप्पातीतग-वेमाणियदेव-पंचिंदिय-पयोगपरिणया णं भंते ! पोग्गला कइविहा पण्णत्ता ? गोयमा ! पंचविहा पण्णत्ता, तं जहा - विजयअणुत्तरोववाइय जाव परिणया जाव सव्वट्ठसिद्धअणुत्तरोववाइयदेवपंचिंदिंय जाव परिणता ।
[दीपरत्नसागर संशोधितः ]
[141]
[५-भगवई]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |