________________
सतं-८, वग्गो, सत्तंसत्तं-, उद्देसो-१
सुहुमपुढविकाइयएगिंदियपयोगपरिणया णं भंते! पोग्गला कइविहा पण्णत्ता ? गोयमा! दुविहा पण्णत्ता-केई अपज्जत्तगं पढमं भणति, पच्छा पज्जत्तगं । - पज्जत्तगसुहुमपुढविकाइय जाव परिणया य अपज्जत्तगसुहुमपुढविकाइय जाव परिणया य।
बादरपुढविकाइयएगिंदिय. ? एवं चेव ।
एवं जाव वणस्सइकाइया । एक्केक्का दुविहा- सुहुमा य बादरा य, पज्जत्तगा अपज्जत्तगा य
भाणियव्वा ।
बेंदियपयोगपरिणयाणं पुच्छा । गोयमा ! दुविहा पण्णत्ता, तं जहा - पज्जत्तबेंदिय-पयोगपरिणया य, अपज्जत्तग जाव परिणया य ।
एवं तेइंदिया वि।
एवं चरिंदिया वि।
रयणप्पभापुढविनेरइय. पुच्छा। गोयमा ! दुविहा पण्णत्ता, तं जहा - पज्जत्तगरयणप्पभापुढवि जाव परिणया य, अपज्जत्तग जाव परिणया य ।
एवं जाव असत्तमा ।
सम्मुच्छिमजलचरतिरिक्ख. पुच्छा। गोयमा ! दुविहा पण्णत्ता, तं जहा - पज्जत्तग. अपज्जत्तग. ।
एवं गब्भवक्कंतिया वि।
भाणियव्वा ।
सम्मुच्छिमचउप्पदथलचर । एवं चेव । एवं गब्भवक्कंतिया य ।
एवं जाव सम्मुच्छिमखहयर. गब्भवक्कंतिया य एक्केक्के पज्जत्तगा य अपज्जत्तगा य
सम्मुच्छिममणुस्सपंचिंदिय. पुच्छा। गोयमा ! एगविहा पन्नत्ता - अपज्जत्तगा चेव । गब्भवक्कंतियमणुस्सपंचिंदिय. पुच्छा। गोयमा ! दुविहा पण्णत्ता, तं जहा- पज्जत्तगगब्भवक्कंतिया वि, अपज्जत्तगगब्भक्कंतिया वि ।
असुरकुमार भवणवासिदेवाणं पुच्छा। गोयमा ! दुविहा पण्णत्ता, तं जहा-पज्जत्तगअसुरकुमार.
अपज्जत्तगअसुर ।
एवं जाव थणियकुमारा पज्जत्तगा अपज्जत्तगा य ।
एवं एतेणं अभिलावेणं दुयएणं भेदेणं पिसाया य जाव गंधव्वा, चंदा जाव ताराविमाणा, सोहम्मकप्पोवगा जाव अच्चुओ, हिट्ठिमहिट्ठिमगेविज्जकप्पातीत जाव उवरिमउवरिमगेविज्ज. विजयअणुत्तरो. जाव अपराजिय.।
सव्वट्ठसिद्धकप्पातीय. पुच्छा। गोयमा ! दुविहा पण्णत्ता, तं जहा- पज्जत्तगसव्वट्ठसिद्धअणुत्तरो अपज्जत्तगसव्वट्ठ जाव परिणया वि । २ दंडगा ।
जे अपज्जत्तासु हुमपुढवीकाइयएगिंदियपयोगपरिणया ते ओरालियतेयाकम्मगसरीरप्पयोगपरिणया, जे पज्जत्तासुहुम. जाव परिणया ते ओरालियतेया- कम्मगसरीरप्पयोगपरिणया । एवं जाव चउरिंदिया पज्जत्ता। नवरं जे पज्जत्तगबादरवाउकाड्यएगिंदियपयोगपरिणया ते ओरालिए-वेउव्वियतेयाकम्मसरीर जाव परिणता । सेसं तं चेव ।
जे अपज्जत्तरयणप्पभापुढविनेरइयपंचिंदियपयोगपरिणया ते वेउव्विय-तेयाकम्मसरीरप्पयोग[दीपरत्नसागर संशोधितः ]
[142]
[५-भगवई]
