Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 139

सतं - ७, वग्गो, सत्तंसत्तं-, उद्देसो-१०
अरूविकाए पन्नवेति तं जहा धम्मत्थिकायं अधम्मत्थिकायं आगासत्थिकायं जीवत्थिकायं । एगं च णं समणे णायपुत्ते पोग्गलत्थिकायं रूविकायं अजीवकायं पन्नवेति । से कहमेतं मन्ने एवं? |
तेणं कालेणं तेणं समएणं समणे भगवं महावीरे जाव गुणसिलए समोसढे जाव परिसा
पडिगता ।
तेणं कालेणं तेणं समएणं समणस्स भगवतो महावीरस्स जेट्ठे अंतेवासी इंदभूती णामं अणगारे गोतमगोत्तेणं एवं जहा बितियसते नियंठुद्देसए जाव भिक्खायरियाए अडमाणे अहापज्जतं भत्त-पाणं पडिग्गहित्ता रायगिहातो जाव अतुरियमचवलसंभंते जाव रियं सोहेमाणे सोहेमाणे तेसिं अन्नउत्थियाणं अदूरसामंतेणं वीइवयति ।
तए णं ते अन्नउत्थिया भगवं गोयमं अदूरसामंतेणं वीड्वयमाणं पासंति, पासेत्ता अन्नमन्नं सद्दावेंति, अन्नमन्नं सद्दावेत्ता एवं वयासी- "एवं खलु देवाणुप्पिया! अम्हं इमा कहा अविप्पकडा, अयं चणं गोतमे अम्हं अदूरसामंतेणं वीतीवयति, तं सेयं खलु देवाणुप्पिया ! अम्हं गोतमं एयमट्ठे पुच्छित "त्ति कट्ट्टु अन्नमन्नस्स अंतियं एयमट्ठ पडिसुर्णेति, अण्णमण्णस्स अंतियं एयमट्ठे पडिसुणित्ता जेणेव भगवं गोतमे तेणेव उवागच्छंति, तेणेव उवागच्छिता भगवं गोतमं एवं वदासी एवं खलु गोयमा ! तव धम्मायरि धम्मोवदेसए समणे णायपुत्ते पंच अत्थिकाए पण्णवेति, तं जहा धम्मत्थिकायं जाव आगासत्थिकायं, तं व जाव रूविकायं अजीवकायं पण्णवेति, से कहमेयं गोयमा ! एवं?
तणं से भगवं गोतमे ते अन्नउत्थिए एवं वयासी- "नो खलु वयं देवाणुप्पिया! अत्थिभावं `नत्थि'त्ति वदामो, नत्थिभावं 'अत्थि त्ति वदामो । अम्हे णं देवाणुप्पिया! सव्वं अत्थिभावं अत्थी'ति वदामो, सव्वं नत्थिभावं `नत्थी'ति वदामो। तं चेदसा खलु तुब्भे देवाणुप्पिया ! एतमट्ठ सयमेव पच्चुविक्खह" त्ति कट्पु ते अन्नउत्थिए एवं वदति । एवं वदित्ता जेणेव गुणसिलए चेतिए जेणेव समणे भगवं० एवं जहा नियंठुद्देस
जाव भत्त-पाणं पडिदंसेति, भत्त-पाणं पडिदंसेत्ता समणं भगवं महावीरं वंदति नम॑सति, वंदित्ता नमंसिता नच्चासन्ने जाव पज्जुवासति ।
तेणं काणं तेणं समएणं समणे भगवं महावीरे महाकहापडिवन्ने यावि होत्था, कालोदाई य
तं देस हव्वमागए।
कालोदाई ति समणे भगवं महावीरे कालोदाई एवं वदासी- " से नूणं ते कालोदाई ! अन्नया कयाई एगयओ सहियाणं समुवागताणं सन्निविट्ठाणं तहेव जाव से कहमेतं मन्ने एवं? से नूणं कालोदाई ! अत्थे समट्ठे? हंता, अत्थि । तं सच्चे णं एसमट्ठे कालोदाई!, अहं पंच अत्थिकाए पण्णवेमि, तं जहाधम्मत्थिकायं जाव पोग्गलत्थिकायं । तत्थ णं अहं चत्तारि अत्थिकाए अजीवकाए पण्णवेमि तहेव जाव एगं च णं अहं पोग्गलत्थिकायं रूविकायं पण्णवेमि ।
तणं से कालोदाई समणं भगवं महावीरं एवं वदासी - एयंसि णं भंते! धम्मत्थिकायंसि अधम्मत्थिकायंसि आगासत्थिकायंसि अरूविकायंसि अजीवकायंसि चक्किया केइ आसइत्तए वा सइत्तए वा चिट्ठित्तए वा निसीदित्तए वा तुयट्त्तिए वा? णो इणट्ठे समट्ठे कालोदाई ! | एगंसि णं पोग्गलत्थिकायंसि रूविकायंसि अजीवकायंसि चक्किया केइ आसइत्तए वा सइत्तए वा जाव तुयत्तिए वा ।
एयंसि णं भंते! पोग्गलत्थिकायंसि रूविकायंसि अजीवकायंसि जीवाणं पावा कम्मा [दीपरत्नसागर संशोधितः ]
[५-भगवई]
[138]